ကပါင်းဖီုက်လျှံင်ဇီုင်းပိင်ငျာခြိူဝ်းတအာင်း(TEA) ပ်ုန်ထုတ်ရိူရ်ႈလေႈ ဇီုဝ်တောပ်ခေဲင်စရာင်း (118)အီးဒီန် ဘိူန်းဟိုက် ခေဲင်ဆန်ုမ်ပနောဘေဲႇ 2026-2027 ႎါင်ပနော ပဲန်တာဆြာ/ယာဆြာ ဒီပလိုမာ(DTED) လိူဝ်ႈ(4)နီန်
14 August 2026
ကပါင်းဖီုက်လျှံင်ဇီုင်းပိင်ငျာခြိူဝ်းတအာင်း(TEA) ပ်ုန်ထုတ်ရိူရ်ႈလေႈ ဇီုဝ်တောပ်ခေဲင်စရာင်း (118)အီးဒီန် ဘိူန်းဟိုက် ခေဲင်ဆန်ုမ်ပနောဘေဲႇ 2026-2027 ႎါင်ပနော ပဲန်တာဆြာ/ယာဆြာ ဒီပလိုမာ(DTED) လိူဝ်ႈ(4)နီန်
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ကပါင်းဖီုက်လျှံင်ဇီုင်းပိင်ငျာခြိူဝ်းတအာင်း (Ta'ang Education Academy - TEA)ဂဲ ပ်ုန်ထုတ်ရိူရ်ႈလေႈ ဇီုဝ်တောပ်ခေဲင်စရာင်း ကစုကပိုမ်(၁၁၈)အီးဒီန် ဘိူန်းဟိုက် ခေဲင်ဆန်ုမ်ပနောဘေဲႇ 2026-2027 ႎါင်ပနော ပဲန်တာဆြာ/ယာဆြာ ကျောင်ဒီပလိုမာ(Diploma in Teacher Education-DTED) လိူဝ်ႈ(4)နီန် TEA ထုတ်ရိူရ်ႈလေႈ ကျံရ်တာရ်၊ ဆငည်း(8)ဒိူန်အောႏ။
ႎါင်ပနော(TEA) ဆန်ုမ်ပနောဘေဲႇ 2026-2027 နီန် ကျောင်ဒီပလိုမာ(Diploma in Teacher Education-DTED) လိူဝ်ႈ(4)နီန် ပ္လါႇဘေဲႇပ်ုန်ထုတ်ရိူရ်ႈလေႈ ဇီုဝ်တောပ်ခေဲင်စရာင်းဒီန် တိုည်းဆဒါင် တလူမ်လှံင်ဒါင်းဇီုင်းပိင်ငျာခြိူဝ်းတအာင်း ၊ လူမ်လှံင်ဇီုင်းပိင်ငျာဂဲ နံင်ရံပ်လာည်းဟာဝ်းဇီုင်း၊ ကံမ်ဘည်ကစုကပိုမ်အယ် လိုရောတ်ဒေဲႈခေဲင်ႎါင်ပနော ဆငည်း(12)၊ ကျံရ်တာရ် အောႏ။
ဆဲႈဒီန် ကောန်ႎါင်ပနောဂဲ အီဟိုက်ႎါင်ပနောဒီန် လိုတိူဝ်ႈဒေဲႈဂြူကနာည်ပ်ုန်လိုဒါအယ် တောပ်TLEC ယူနီဖောင် ကာည်း ဒီရအီတ်အူစုင်။ ကောန်တဘိုတ်ဂဲ အီဂေါည်ခေဲင်ကုင်တအာင်း အီဘိူန်းႎါင်ပနောဒီန် လှံင်အိုမ်ယ်ုရ်၊ လှံင်အေဲမ်ခြီရ်၊ လှံင်အေဲမ်ကိုက်၊ လှံင်မူစဲ၊ လှံင်ကုင်ငေါှ၊ လှံင်ရူကော၊ လှံင်အေဲမ်ငူည် ကာည်း လှံင်အိုမ်ငျံရ်။
ကပါင်းဖီုက်လျှံင်ဇီုင်းပိင်ငျာခြိူဝ်းတအာင်း(TEA) ႎါင်ပနော ပဲန်တာဆြာ/ယာဆြာ ဒီပလိုမာ(DTED) လိူဝ်ႈ(3)ဒိူန် ဟောည်ႇႎိူဝ်ႈဟာဝ်း ဘံန်ဟောည်ႇဒေဲႈ ကျံရ်အူ၊ ဆငည်း(3) ကောန်ႎါင်ပနော ကောန်အီမာည်း / ကောန်အီပ်ုန် ကစုကပိုမ်(46)အီး ဟိုက်ဟာဝ်းအောႏ။
ကပါင်းဖီုက်လျှံင်ဇီုင်းပိင်ငျာခြိူဝ်းတအာင်း(TEA) ႎါင်ပနော ပဲန်တာဆြာ/ယာဆြာနီန်မာ် ကဆီုဝ်တာဆြာ/ယာဆြာဂဲ ပ်ုန်လိုနံပ် ဘည်လိုပနောဟာဝ်းဘေဲႇ၊ မာ်ကံပ်ဘယ်ရိူရ်ႈလေႈ တာဆြာ/ယာဆြာ ဘယ်ပနောဘေဲႇ ကဏ္ဍပိင်ငျာ ကတီးကရီး။
#PSLF/TNLA
#တီုင်ပ္လေႈလေႈဆဒါင်
Comment Lists