ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်း ဂြူစာက်ဆမားပဒူႈ၊ ဆာနာတ်အာဝ်လီပ်တြား ကာည်း ခံင်ယိူည် ပလှံင်အိုမ်ငျံရ်
14 August 2026
ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်း ဂြူစာက်ဆမားပဒူႈ၊ ဆာနာတ်အာဝ်လီပ်တြား ကာည်း ခံင်ယိူည် ပလှံင်အိုမ်ငျံရ်
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်ရူကော၊ အခိင်ဖုင်ပလိက်ကုင်တအာင်းဂဲ စေတ်မေန်းရေဲန်ဇီုင်းကာန်တီုက်ယာ်ႈ အရေးခံင်ယိူည်ႇ ဘိူန်းတိုည်း ကောန်အီမာည်း(1)အီး ကရိူရ်ႈကယံင်း ဂြူစာက်ဆမားပဒူႈ၊ ဆာနာတ်အာဝ်လီပ်တြား ကာည်း ခံင်ယိူည် ခေဲင်ပလှံင်အိုမ်ငျံရ်။
ဘည်မိုႈဘာည်းဘည်အ်ုန် ဘံန်ဟောည်ႇဒေဲႈ ကျံရ်တာရ်၊ ဆငည်း(7)၊ အခိင်ရမှိူဝ်(7:30)နြီထာန်နီး ဖုင်ပလိက်ကုင်တအာင်းဂဲ စေတ်မေန်းယိူဝ်း အီကရိူရ်ႈကယံင်းခံင်ယိူည်ႇ ဖုင်ပလိက်ကုင်တအာင်းဂဲ ကာည်း ဖုင်စေတ်မေန်းတီုက်ယာ်ႈအရေးခံင်ယိူည်ႇ ဆော်အွံရ်ဟာဝ်းစေတ်ဆေ ပရဝ်မိူင်းရင်၊ ဇံင်(3)။
မိုႈဘိုး အခိင်စေတ်မေန်းဒီန် ဘိူန်းတိုည်း တိုအီး ကရိူရ်ႈကယံင်းခံင်ယိူည်ႇ၊ ဂြူစာက်ဆမားပဒူႈ ကာည်း ဆနာတ်အာဝ်လီပ်တြား တမာည်းကျော်ခဲင်(ဒါႈ)အားတီ ဘိူန်းအဆာက်(37)ဆန်ုမ်။
ခေဲင်ဂါင်အ်ုန် ယိူဝ်း ကအာင်းယာမ(370)ကအာင်း၊ ကဘဲဝ်ကော် ဟံပ်ခံင်ယိူည်ႇႎံင်း(1)ကဘဲဝ်၊ ကဘဲဝ်လူည်ႇ ဟံပ်ခံင်ယိူည်ႇအိုမ်(1)ကဘဲဝ်၊ ဘိူန်းဒါႈမိုႈ ခံင်ယိူည်ႇအိုမ်မာ် ဟံပ်ခေဲင်ကဘဲဝ်(2)ကဘဲဝ်၊ ခါခူး(1)ထုတ် ကာည်း ခံင်ယိူည်ႇကဆူရ်တောပ်ခါခူးမာ် နှာင်းဂေါည်အူကပျာဝ် ဘိူန်းဆီမ်းတိုည်းဟာဝ်းအောႏ။
ဆဲႈဒီန် ပ္လေဆနာတ်(779)လှေ၊ ပ္လေဘျုင်ဒဲႇ(2)ပိုင်၊ ပ္လေRPG(8)လှေ၊ ဆနာတ်ဒဲႇ(1)လှေ၊ ဆနာတ်ပ္လေငါည်းတောန်ပိုင်(1)လှေ၊ ကပျာဝ်ဟံပ်MA-5 (2)လှေ၊ ကပျာဝ်ဟံပ်စနိုက်ဘာ(၁)လှေ၊ ကပျာဝ်ဟံပ်-BA94 (1)လှေ၊ စာက်ကြောႈ(1)လှေမာ် ဘိူန်းတိုည်းဆီမ်းအောႏ။ ဘိူန်းဆီမ်းဘို ခေဲင်ကပျာဝ်ဆာလာ (2)ကပျာဝ် တောပ်ပ္လေခဲအီလူည်ႇထုတ်ဒဲႇ(35)ကပျာဝ် ကာည်း အခိင်အယ်ပဒူႈမဲင် ပ္လေဖျူး(ခ) ပ္လေကဒ်(150)လှေ။
ကဇေန်းနီ ပ်ုန်ဘိူန်းတိုည်း ကောန်အီမာည်းဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ကုင်တအာင်းဂဲ တိုည်းထိင်ခြဲ တိူဝ်းလာည်ဟာဝ်း တောပ်ဥပဒေ တီုက်ယာ်ႈအရေးခံင်ယိူည်ႇ ကာည်း ဥပဒေလောင်ဆနာတ်တောန်နဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists