ဆိင်ပ္လူဒဲႈဆဒိ တကောန်တဘိုတ်အယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း PSLF/TNLA ကျောင်ပနောဘေဲႇခယ် ကုင်တအာင်း လိူဝ်ႈ(2) ကနာည်ဟိုက်ႎါင်ပနော နှာင်းတောႇဟာဝ်း ကောန်ႎါင်ပနော
14 August 2026
ဆိင်ပ္လူဒဲႈဆဒိ တကောန်တဘိုတ်အယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း PSLF/TNLA ကျောင်ပနောဘေဲႇခယ် ကုင်တအာင်း လိူဝ်ႈ(2) ကနာည်ဟိုက်ႎါင်ပနော နှာင်းတောႇဟာဝ်း ကောန်ႎါင်ပနော
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ဆိင်ပ္လူဒဲႈဆဒိ တကောန်တဘိုတ်အယ်ဂဲ ဘိူန်းဟြာင်းဟိုက် ပ်ုန်နံင်ႎိူဝ်ႈဟာဝ်း PSLF/TNLA ကျောင်-Ta’angland Chinese Language Center (TCLC) ကျောင်ပနောဘေဲႇခယ် ကုင်တအာင်း Diploma in Chinese Language လိူဝ်ႈ(2) ကနာည်ဟိုက်ႎါင်ပနော နှာင်းတောႇဟာဝ်း ကောန်ႎါင်ပနော အီဂေါည်ခေဲင်ကုင်တအာင်းနီန် ကနာည်ဘယ်ရိူရ်ႈဒေင်ပ်ုန်နံင်ဒဲႈပိင်ငျာ ကာည်း ကနာည်ဘယ်ပဇာရ်ပ်ုန်နံပ်ပ်ုန်ဆမား ကယေင်ႎိူဝ်ႈဟာဝ်း။
ကျောင်နီန်း အဆာက်(22)ဆန်ုမ်လေႈရခြူမ် လိုမိုႈခြိူဝ်းတအာင်း၊ ဂေါည်ခေဲင်ကုင်တအာင်း၊ နှာင်းလိုမိုႈ ကောန်ကျောင်အီအံင် ဆနီတ်ပြီမ်(G-10)တာန်း ကာည်း အီအံင်ဆနီတ်ကမာည်း (G-12) ဘိူန်းဟြာင်းဟိုက်ႎါင်ပနောနီန်။ ခေဲင်ကဲအီလီပ်ပနိုက်ဟြာင်းဟိုက်ပ္လါႇဘေဲႇနီန်မာ် ထာန်ပ္လပ္လေႈအူန်းအယ် လိုမိုႈတိုအီးအကျင့်ပေဲန် ကာည်း တိုအီးဘယ်ကဇောည်ဟာဝ်းရေဲန်ဟာဝ်းဇီုင်းကာန်ကတာႈဒါင်းဇာရ်မှဲည်နီး ဆာ်ဇာ်ႈလ ဇူႈလာက်ခါမ်ဟာတ်း ကောန်ႎါင်ပနော အောႏ။
ပ္လါႇဘေဲႇပ်ုန်လိုပနိုက်ဒီန် နှာင်းလိုတိုန်း ကျံရ်တာရ်၊ ဆငည်း(10) ႎါင်ပနောဒီန်မာ် နံင်လှေင်(20)ကျံရ်လလ။ ဆာ်အယ်ဟောည်ႇအံင်ႎါင်ပနောဒီန် နှာင်းဒဲႈဟာဝ်း ဘွည်ႇဒီပလိုမာ အီဟောည်ႇႎါင်ပနောဂဲဒီန်မာ် လိုႎီရ်ထာမ်းဇီုင်းကာန်ခေဲင်တီုင်ဌာန အစိုးယကုင်တအာင်း (3)ဆန်ုမ်လလ။
ပ်ုန်ကယေင်ႎိူဝ်ႈကျောင်နီန် ကနာည်နှာင်းမိူဝ်ႈအီနံပ်ဘေဲႇခယ်ဂီုန်း၊ ပိင်ငျာခေဲင်ကုင်တအာင်း ဂေါပ်ခီတ်ပိင်ငျာအရေးတီုင်ကုင်၊ ကဇေန်းနီ ဂေါပ်ခူရ်က္လာည်းအရေးတီုင်ကုင် ကတူႈဇံင်ဟာဝ်းပိင်ငျာအယ် ဂေါပ်ဘည်ဒီန် ကနာည်နှာင်းဘိူန်းရံပ်လာည်းဘို ပိင်ငျာအယ် စိပဲန်ႎိူဝ်ႈဟာဝ်းကျောင်နီန်အောႏ။
မိုႈဘိုး ကျောင်ပနောဘေဲႇခယ် ကုင်တအာင်း (Diploma in Chinese Language) လိူဝ်ႈ(၁)ဒိူန်ႎိူဝ်ႈဟာဝ်း ဘံန်ဟောည်ႇဒေဲႈ ဆန်ုမ်2026၊ ကျံရ်အာရ်၊ ဆငည်း(23)။
#PSLF/TNLA
#တီုင်ပ္လေႈလေႈဆဒါင်
Comment Lists