ကွတ်ခိုင်မြို့နယ်တွင် သားအမိနှစ်ဦး ဓားပြတိုက်ခံရ ဖုန်းနှင့် ပိုက်ဆံသိန်း (၄၀၀)ခန့်ပါသွား
19 May 2025
ကွတ်ခိုင်မြို့နယ်တွင် သားအမိနှစ်ဦး ဓားပြတိုက်ခံရ ဖုန်းနှင့် ပိုက်ဆံသိန်း (၄၀၀)ခန့်ပါသွား
ကွတ်ခိုင်၊ မေလ ၁၉ရက်
တအာင်းပြည်သတင်း
တအာင်းပြည်၊ တပ်မဟာ (၅)နယ်မြေ၊ ကွတ်ခိုင်ခရိုင် မိုင်းရပ်ကျေးရွာ လမ်းခုလတ်တွင် သားအမိနှစ်ဦး ဓားပြတိုက်ခံခဲ့ရသည်။
ဖြစ်စဉ်တွင် ပြီးခဲ့သည့် မေလ (၁၅)ရက် ညနေ (၄း၀၀)နာရီအချိန်တွင် တက္ကနိူင်းကျေးရွာမှ ကွတ်ခိုင်သို့ ကားဖြင့်မောင်းနင်းလာစဉ် မိုင်းရပ်ကျေးရွာရောက်ချိန်တွင် သေနတ်ကိုင်ဆောင်ထားသည့် အမျိုးသား (၃)ဦးမှ ဒေါ်အမ်နှင့် ဦးအယိုင် စီးလာသည့် ကားကိုသေနတ်ဖြင့် ခြိမ်းခြောက်ပစ်ခတ်ခဲ့သည်။
ထိုပစ်ခတ်မှုကြောင့် ၎င်းတို့နှစ်ဦးသည် ကားရပ်ပြီး အစစ်ဆေးခံနေချိန်တွင် အဆိုပါ အမျိုးသား (၃)ဦးက ပိုက်ဆံ သိန်း(၄၀၀)ခန့်နှင့် ဖုန်း (၄)လုံး လုယူသွားခဲ့သည်။
ထိုဓားပြတိုက်မှုနဲ့ပတ်သက်ပြီး ပလောင်ပြည်နယ်လွတ်မြောက်ရေးတပ်ဦး PSLF/ TNLA၏ တအာင်းပြည်ရဲတပ်ဖွဲ့ မှ စုံစမ်းစစ်ဆေးရှာဖွေလျက်ရှိနေသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ