အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇဒိူန် ဘိူန်းတိုည်းတိုအီးဒါခံင်ယိူည်ႇ အီပ်ုန်(1)အီးကာည်း အီမာည်း(5)အီး ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ဒီရ်;ကဇေန်နီးပ်ုန်ဒီရ်;ဂီုန်း
အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇဒိူန် ဘိူန်းတိုည်းတိုအီးဒါခံင်ယိူည်ႇ အီပ်ုန်(1)အီးကာည်း အီမာည်း(5)အီး ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ဟောည်ႇဘိူန်းဒီရ်ႈ ပံပ်ဘေဲႇ ပ်ုန်ထုက်ရိူရ်ႈလေႈ PSLF/TNLAတီုင်ပ္လေႈလေႈဆဒါင် ခေဲင်ဆန်ုမ်2026၊ ကျံရ်အာရ်အောႏ
ခေဲင်ကုင်တအာင်း၊ ဘည်ကဇေန်းနီန်း ဘည်ယိူဝ်း ဆဖာဝအရာပ်တကြာက် ကတူႈ-ႎါႇရေင်နီး(ႎါႇအပျာ)ဂ ဘည်ပဲန်ဟာဝ်း ရောဂါ-(Scrub Typhus) ဂေါႇဘည်ဒီန် တီုင်ခေါခါႇကုင်တအာင်း ပ္လူႈဆဒိ တကူန်ရဝ်မာဂါင်အယ်ဂဲ ဒေင်ဘည်လိုဒံန်ခြဲဟာဝ်း တေဲင်ကတူႈ-ႎါႇရေင်(ႎါႇအပျာ)ဂ ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ ကာည်း လိုတောပ်ဟာဝ်းဘည်ပ္လူႈဆဒိ တီုင်ခေါခါႇကုင်တအာင်း။
ရေဲန်ဟာဝ်း ပ္လေါည်ကျံရ်ရာည်းဒီန် ကျံရ်အာရ်၊ ဆငည်း(28) ရောက် ကျံရ်အိုည်၊ ဆငည်း( 2) လှေင်အိုည်ဆငည်း။ ဆဲႈဒီန် ရေဲန်ဟာဝ်းပ္လေါည် တာင်ထီးပဖြားဒါင်းမဟာမျတ်မုနိ ကာည်း ခေဲင်ရဝ်ဖြားဒါင်းနီး ဇူႈဆငည်း (2)၊ ကျံရ်အိုည်၊ အခိင်ခီညှာ 8:00နြီထာန်နီး ရေဲန်ဟောည်ႇဟာဝ်း ပ္လေါည်တာင်ထီးအောႏ။
ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(33)နီန် အီဘိူန်းဟဝ်း ဆုဒါင်း(500)ဆဲန်မိုႈ ကိုတာန်းထေး အီဂေါည်ပလှံင်အိုမ်ယ်ုရ်။
ပလှံင်အိုမ်ယ်ုရ် ၊ ရဝ်နံမ်လီန်း ကျံရ်အာရ် ဆငည်း(12) အခိင်ခီညှာ(10:30)နြီဒိူန် ဂါင်တာအလူန်း ဆွံရ်အူန်းဘ္လောမ်ႎှုင် တဘက်ထရီ ဂေါႇႎှုင်တာမှည်ဘ္လောမ် ပဲန်ပဒူႈ ဇူႈပဲန်ဟာဝ်းငံရ်က္လိုႇ။ ဂေါႇပဲန်ငံရ်က္လိုႇဘည်ဒီန် ဂြိုခြီုင်ဂေါည်ခေဲင်ဂါင်ဂဲပါ်ဒိုႇဒိုည်ႇ ငံရ်က္လိုႇကဆူမ်းဟာဝ်းဒိုည်ႇ ကစုကပိုမ်ထာန်ကဆူမ်းဟာဝ်းမိုႈ ရိူန်း(600)ဆဲန်လိူဝ်ႈ။
အရာင်ဆဒါင်နီးမိုႈ ဂေါႇမိုႈဟည်ရောတ်စာ်မ်းဒေဲႈ ဇိုချီုင်ခေါႈချီုင်မှည် ဘည်တိူရ်ႈယိူဝ်း တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပျံတ်ယံတ်ငံရ် ဆာ်ႈဟိုရ်ပ္လူႈဒဲႈဆဒိလော်င်ပိင်ငျာ ဘည်လိုဒံန်ခြဲအန္တရာယ်ဖေးငံရ် ပလှံင်ကုင်ငှေါ၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။
ပ္လေါည်အာပ်ဒဲႈဘွည်ႇဒီပလိုမာနီန် ကျောင်အကယ်ဒမီဥပဒေတအာင်း(Ta’ang Law Academy) လိူဝ်ႈ(2) ဆဲႈဒါႇကောန်တဘိုက်အီဂေါည် ခေဲင်အရာပ်အရာတအာင်း အ်ုန်တောပ်ဘိုး ကောန်ကျောင်အီဂေါည်ကုင်ကယန်း(4)အီး ကစုကပိုမ်ဂေါည်(50)အီး ဟိုက်ရောတ်ပနောအံင်ဟာဝ်း။
ဘည်တိူရ်ႈယိူဝ်းအရာင်နီးမိုႈ ရေဲန်ဟိူင်ဟိူင်ဆာဆာ ပ္လေါည်ခါမ်ဆာင်လော်င် ကျံရ်အာရ် ဆငည်း(18)ရောတ် ဆငည်း(20) ခေဲင်ဘြည်အိုည်နိုက်နိုက် ပရဝ်ကွံန်ကောက် လှံင်ကုင်ငှေါ၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။
ဖေးအန္တရာယ်ငံရ်နီန် အ်ုန်ဆမာဒဲႈအဆာက်ကာည်း ဂြိုခြီုင်ရဝ်ဂါင် ချှူမ်လူလှဲဝ်ႏဟာဝ်း။ အီတောပ်ခေဲင် ဖေးအန္တရာယ်ဖံန်ပါး အီမိုႈဖေးအန္တရာယ်ငံန်နီန် အ်ုန်ဆမာဒဲႈဇိုဇာတ် ကာည်း တဒင်္ဂဂြိုခြီုင်ခေဲင်ဂါင်အယ် လူလှဲဝ်ႏပဲန်ဖေးအန္တရာယ်ဒါင်း။ အယ်ဆံင်ဘယ်ဝီရ်တီပ်ဟြီုက် ဂြိုခြီုင်ပ်ုန်တိူဝ်ႈဘြားဟာဝ်း တိုအီဘြားကဲမံင်ခ္လံက်ဒိူန်မာ် ဆာ်အယ်ကတူႈငံရ်က္လိုႇ ဂြိုခြီုင်ခေဲင်ဂါင်အယ် နံင်ကတူႈချှူမ်ဟာဝ်းဒိုည်ႇ။
ကျံရ်ပူရ် ဆငည်း (31)ဒိူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဟည်ဘိူန်းဒေဆီမ်းဟာဝ်း လှံင်မိူင်မီတ် ဂဲရေဲန်ဟာဝ်းဇီုင်းကာန်ဘြောင်ချှာင် ရောတ်အူနှား အယ်ဟောည်ႇဝီရ်ယိူဝ်းအယ်တိူရ်ႈ ဘည်အရာင်ရည်းကပါ်ႇကပံန် ကူန်ရဝ်မာဂါင်အီဂေါည်လှံင်မိူင်မီတ်ဂဲ
(အရာင်ပုင်)
