ခည်မိုႈ ကျံရ်ကိူရ်အူ ဆငည်း(19)ဒိူန် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ဒီရ်;ကဇေန်နီးပ်ုန်ဒီရ်;ဂီုန်း
ခည်မိုႈ ကျံရ်ကိူရ်အူ ဆငည်း(19)ဒိူန် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်ကုင်ကမာည်း ကားအူကြောင်ပဲန်ကပ္လါႇ အီပ်ုန်(1)အီးယံမ်း၊ အီပ်ုန်(2)အီး ကတူႈဖေးဘာတ်။
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင်ဂဲ ယာမ်မိုႈ ကျံရ်ကိူရ်အူ ဆငည်း(16)ဒိူန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ အီပ်ုန်(4)အီးကာည်း အီမာည်း(2)အီး ပလှံင်ကိုက်ခည်း၊ အိူင်ကိုက်ခည်း၊ ခေဲင်ကုင်တအာင်းအောႏ။
ဂေါႇဒေင်ဒီန်မိုႈ ဒေင်ကတာည်း အခိင်ဘြည်က္လာည်း အ်ုန်ပဲန်ဟာဝ်းဒိုႇဘည်ရောင်အိုမ် ကနာည်ကူန်ရဝ်မာဂါင်ဂဲ နှာင်းဟာဝ်းဝီရ် မိူဝ်ႈကတူႈကီန်းဒည်း၊ ဂေါႇဘည်ဒီန် ကနာည်နှာင်းဘိူန်းဒါဟာဝ်းဝီရ်ငှိူည် ကူန်ရဝ်မာဂါင်ရဝ်ပါဟာန်ဒါင်းဂဲ (300)အီး စီကပိုမ်ဒေဘြဲဆားဟာဝ်း ခည်မိုႈ ကျံရ်ကိူရ်အူ ဆငည်း(15)ဒိူန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီးဘြား ဆဲင်ကယ် အီမာည်းအူအီး ပလှံင်မိူင်လိုင်၊ အိူင်မိုဂူႈ၊ ခေဲင်ကုင်တအာင်းအောႏ။
ဘည်မိုႈအ်ုန် ကျံရ်ကိူရ်အူ ဆငည်း(15)အခိင် စူန်အံပ်(3:3)5မနေတ်ဒိူန် ကားတာင်တိုအီးအူကြောင်ဒီန် အခိင်ရောတ်ပရဝ်လာန်လောည် ဒီဒေင်ဟိုက် ဂေါႇကားအာဝ်ဒေဟိုက် ကားစီကပ္လါႇဇောႈလေႈပကဒိုႈဘည်ဒီန်။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ဒါခံင်ယိူည်ႇ အီပ်ုန်(1)အီးကာည်း အီမာည်း(2)အီး ပလှံင်ရူကော၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။
ဘည်မိုႈအ်ုန် ကျံရ်ကိူရ်အူ ဆငည်း(10)ဒိူန် အခိင် ကဒည်ဆငည်း(12:30)မနေတ်ဒိူန် ပဂါင်ဂေါည် ယာမပါန်းဒီန် ဇူႈတငံရ်ဆိုလာပဲန်ဆျှောတ် စီပဲန်ငံရ်က္လိုႇဟာဝ်းဂါင်ဘည်ဒီန်။
ဘံန်ဟောည်ႇဒေဲႈ ကျံရ်ကိူရ်အူ ဆငည်း(13) အခိင်စူန်အံပ်(4:00)နြီဒိူန် ကဝ်အီဇီုဝ် တာကောလိယ အဆာက်(64)ဆန်ုမ် ဂေါည်ပရဝ်ဆာန်ဖေက် ငျားညဲ့မဴင်တီႇ ပဆဲင်ဘုက်ဒီလီပ်လှံင်ဆဘော ဇိူင်ကဒါႇလံပ်တံမ် ကာည်း တည်းကဒါႇလံပ်တံမ် ကတူႈဖေးဘာတ်။
ကျံရ်ပူရ် ဆငည်း (31)ဒိူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဟည်ဘိူန်းဒေဆီမ်းဟာဝ်း လှံင်မိူင်မီတ် ဂဲရေဲန်ဟာဝ်းဇီုင်းကာန်ဘြောင်ချှာင် ရောတ်အူနှား အယ်ဟောည်ႇဝီရ်ယိူဝ်းအယ်တိူရ်ႈ ဘည်အရာင်ရည်းကပါ်ႇကပံန် ကူန်ရဝ်မာဂါင်အီဂေါည်လှံင်မိူင်မီတ်ဂဲ
(အရာင်ပုင်)
