အမှိူဝ်ဒိူန် ကျံရ်ဖံန်၊ ဆငည်း(16) အာဝ်မိူဝ်ႈမ ပဲန်ကတီုက်ကပဴင် ဆီုက်ဘြာန်ဇေဝ်ဂဲ ဒါဒရုန်း ရောတ်ဒေပ္လေႈပ္လေဘျုင် ခေဲင်ရဝ်တိုင်ဆယ် ပလှံင်နောင်ချို
21 May 2025
အမှိူဝ်ဒိူန် ကျံရ်ဖံန်၊ ဆငည်း(16) အာဝ်မိူဝ်ႈမ ပဲန်ကတီုက်ကပဴင် ဆီုက်ဘြာန်ဇေဝ်ဂဲ ဒါဒရုန်း ရောတ်ဒေပ္လေႈပ္လေဘျုင် ခေဲင်ရဝ်တိုင်ဆယ် ပလှံင်နောင်ချို
ကုင်တအာင်း၊ ကျံရ်ဖံန်၊ ဆငည်း(17)၊ ဆဒါင်ကုင်တအာင်း
ကတီုက်ကပဴင်မာ် အာဝ်မိူဝ်ႈ မိုႈလိူည် ပဲန်ကယေင်ဒါင်း ဆီုက်ဘြာန်ဇေဝ်ဂဲ ဒါဒရုန်း ရောတ်ဒေပဴင် ပ္လေဘျုင်(3) ဒီဘိူန်းဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA ပလှံင်နောင်ချို။
ဒီဘိူန်းဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA လှံင်နောင်ချို၊ ရဝ်တိုင်ဆယ်၊ အမှိူဝ်ဒိူန် ဆငည်း(16)၊ အခိင် ခီညှာ(9:45)မီနေဲတ် အူလိူဝ်ႈ၊ (9:55)မာ် အာရ်လိူဝ်ႈ အာဝ်မိူဝ်ႈမ ပဲန်ကတီုက်ကပဴင် ဆီုက်ဘြာန်ဇေဝ်ဂဲ မိူဝ်ႈနောႈကယေင်ဒါင်း တေဲင်ကူန်ရဝ်မာဂါင်ဂဲ စိဒါဒရုန်း ရောတ်ဒေပ္လေႈပ္လေဘျုင် ခေဲင်ရဝ်တိုင်ဆယ် ပလှံင်နောင်ချိုဒီန်အောႏ။
ဆဲႈဒီန် ပလှံင်မိုဂူႈ အစာပ် ကဒါႇ လှံင်သပိတ်ကျင်း ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်။ ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် လီလာပဴင်ဘည်ဒီန် လံက်ဟာဝ်းကူန်ရဝ်မာဂါင် (3)အီးယံမ်း၊ (3)အီးကတူႈဘာတ်ဒါင်းအောႏ ဆာ်အယ်ႎီရ်ငိူပ် ပ်ုန်ဘည်ဆီုက်ဘြာန်ဇေဝ်ဂဲနီန် အာဝ်မိုႈယာ့် လောင်အရေးတီုင်ကုင် မိုႈနောႈကယေင်ဒါင်းဒါင်းတေဲင်ကူန်ရဝ်မာဂါင်ဂဲ။
ကျံရ်ဖံန်၊ ဆငည်း(1) ရောတ် ဆငည်း(16) ဆီုက်ဘြာန်ဇေဝ်ဂဲ ဒါရဒေင်ယာန်ပ်ုရ် ကစုကပိုမ်ဂေါည် (15)လိူဝ်ႈ ဂေါႇလီလာပဴင် ကူန်ရတ်မာဂါင်ဂဲမာ် (9)အီးကတူႈဘာတ်၊ (6)အီးမာ်ကတူႈယံမ်းဟာဝ်းအောႏ။
ဘဝ်ကီုက်ဒါင်းအိုည်ဖုင် ဂေါႇမိုႈတိူရ်ႈကဝေ တကူန်ရဝ်မာဂါင်ဂဲ အီးကတူႈ ဖေးအီမ်ယာရယူႈ ကာည်း ကနာည်နံင်ဘိူန်း ရေဲန်ဇီုင်းကာန်လလ ဒါႈနံင် အာဝ်ထီမ်းဟိုက်ဘ္လောမ်ဆီုက်၊ အာဝ်ပဲန်ဟာဝ်းမ ကတီုက်ကပဴင်၊ ဂေါႇဘည်ဒီန် ကျံရ်ဖံန် ဆငည်း(1)ဒိူန် ဘဝ်ကီုက်ဒါင်းအိုည်ဖုင် စီထုက်ပ္လိူရ်ႈလေႈပ္လါႇဘေဲႇ ဖဘိုးထဲင်ဆငည်း ဒါႈနံင်ဇံင်းဟာဝ်း ကတီုက်ကပဲင်(1)ကျံရ်အောႏ။
ဆီုက်ဘြာန်ဇေဝ်ဂဲ ထုက်ရိူရ်ႈလေႈပ္လါႇဘေဲႇ ဒါႈနံင်ဇံင်းဟာဝ်း ကတီုက်ကပဴင် ဇူႈကျံရ်ဖံန် ဆငည်း(6) ရောတ် ဆငည်း(31) ဖဘိုးထဲင်ဆငည်း ဒါႈနံင်ဇံင်းဟာဝ်း ကတီုက်ကပဴင် (1 )ကျံရ်မာ် ဘည်ကဇေန်နီန်း ဆီုက်ဘြာန်ဇေဝ်ဂဲ ဂီုည်ထီမ်းဟိုက်ဘ္လောမ်ဆီုက်ဂဲ၊ ဒါပ္လေဒါင်း၊ ဒရုန်း ကာည်း ယာန်ပ်ုရ်ပဴင်ဟာဝ်းဘည်နီန် တောန်ဆငည်း။
ဂေါႇဘည်ဒီန် ဆီုက်ဘြာန်ဇေဝ်ဂဲနီန်း ဖဘိုးထဲင်ဆငည်း ဒါႈနံင်ဇံင်း ကတီုက်ကပဴင်(1)ကျံရ်မာ် ဂေါႇဂဲဂီုည်လည်ဒေပဴင်ဟာဝ်း ပ္လေဘျုင်ဘည်နီန် တောန်ဆငည်း ဘည်ကဆီုဝ် ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လိုဘယ်ဒဝ်ႎဲႈ ဘည်ဆီုက်ဘြာန်ဇေဝ်ဂဲ ဒါယာန်ပ်ုရ်၊ ဒရုန်း ကာည်း ပ္လေဒါင်းပဴင်ကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists