ခေဲင်ကုင်တအာင်း၊ ဘည်ကဇေန်းနီန်း ဘည်ယိူဝ်း ဆဖာဝအရာပ်တကြာက် ကတူႈ-ႎါႇရေင်နီး(ႎါႇအပျာ)ဂ ဘည်ပဲန်ဟာဝ်း ရောဂါ-(Scrub Typhus) ဂေါႇဘည်ဒီန် တီုင်ခေါခါႇကုင်တအာင်း ပ္လူႈဆဒိ တကူန်ရဝ်မာဂါင်အယ်ဂဲ ဒေင်ဘည်လိုဒံန်ခြဲဟာဝ်း တေဲင်ကတူႈ-ႎါႇရေင်(ႎါႇအပျာ)ဂ ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ ကာည်း လိုတောပ်ဟာဝ်းဘည်ပ္လူႈဆဒိ တီုင်ခေါခါႇကုင်တအာင်း။

ရေဲန်ဟာဝ်း ပ္လေါည်ကျံရ်ရာည်းဒီန် ကျံရ်အာရ်၊ ဆငည်း(28) ရောက် ကျံရ်အိုည်၊ ဆငည်း( 2) လှေင်အိုည်ဆငည်း။ ဆဲႈဒီန် ရေဲန်ဟာဝ်းပ္လေါည် တာင်ထီးပဖြားဒါင်းမဟာမျတ်မုနိ ကာည်း ခေဲင်ရဝ်ဖြားဒါင်းနီး ဇူႈဆငည်း (2)၊ ကျံရ်အိုည်၊ အခိင်ခီညှာ 8:00နြီထာန်နီး ရေဲန်ဟောည်ႇဟာဝ်း ပ္လေါည်တာင်ထီးအောႏ။

ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(33)နီန် အီဘိူန်းဟဝ်း ဆုဒါင်း(500)ဆဲန်မိုႈ ကိုတာန်းထေး အီဂေါည်ပလှံင်အိုမ်ယ်ုရ်။