ကနာည်နံင်ဘယ်ရေဲန်ဇီုင်းကာန်စေတ်မေန်းတိုအီး ကာည်း စေတ်စြာင်းတိုအီး ခေဲင်ကုင်တအာင်းနီန် ကတီးကရီး အီဂေါည်ရခြူမ် တံပ်အွံရ်ပ်ုန်လောတ်ကပီုန်တအာင်း-PSLF/TLG ပ်ုန်လိုတီုင်ဌာနစေတ်မေန်းတိုအီးကုင်တအာင်း (Ta'ang Land Immigration Department) ဇူႈတောႇအီရံပ်ဇီုင်းကပ္လိူင်ကမာည်း(50)အီး။

ဖုင်တီုင်ဒါင်းလံပ်သာသနာဂဲ ဆာ်အွံရ် ရေဲန်ပါင်ကတူႈကငျားလိူဝ်ႈအာရ် တောႇဖာဆာဒါင်းဖိုန်နဲ ကနာည် အယ်လာည်မိူဝ်ႈ တိူဝ်ႈကနဲႈ ခနားအယ်တောႇအူခနား ပလှံင်အိုမ်ငျံရ် ခေဲင်ကုင်တအာင်း ကျံရ်တာရ်၊ ဆငည်း(19)ဒိူန်အောႏ။

ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း(TEA) ဆာ်ႈအွံရ်ရေဲန်ဟောည်ႇပ္လေါည်ႎိူဝ်ႈ ႎါင်ပနောဒီပလိုမာပိင်ငျာဆမာနံပ်ပဲန်ဆြာ (Diploma in Teacher Education - DTED) လိူဝ်ႈ(4) ခည်မိုႈ ကျံရ်တာရ် ဆငည်း(21) အခိင်ခီညှာ(9:00)နြီဒိူန် ခေဲင်ႎှါင်ႎါႈကျောင်၊ လှံင်အိုမ်ယ်ုရ်၊ ခေဲင်ကုင်တအာင်း။

ဇီုင်းကာန်စေတ်ဆေးဒီန် PSLF/TNLAတီုင်ကဲပ်ရူရ်ႈ ၊ တာဘြောင်ချှာင်ဇံင်ဂဲ၊ တီုင်ဌာနဘြောင်ချှာင်၊ ဖုင်ပလိက်လှံင်ဂဲကာည်း တောပ်ဘိုး အီရံပ်ဇီုင်းကပ္လိူင် ဖုင်ဆပဲဆငါးဂဲ စေတ်ဆေး ဟာဝ်း ဒီယံင်းကိုင်စိုင်ဆဴင် (24)ဆဴင်ကာည်း ဆဲင်ဒီယံင်းပ်ုန်ဟောမ်ပ်ုန်ဟာပ်(15)ဆဴင်။