09 October 2026

ကောင်ဆံရ်ဇီုင်းပိင်ငျာကုင်တအာင်း - TLEC ဆာ်ႈအွံရ် ရေဲန်ပ္လေါည် ဆငည်းဆြာကံမ်ဖာ  ပလှံင်အိုမ်ယ်ုရ် ကာည်း ခေဲင်ကျောင် အကယ်ဒမီဇီုင်းပိင်ငျာကုင်တအာင်း

အိုမ်ယ်ုရ်၊ ကျံရ်အူကိူရ်၊ ဆငည်း(8)

ဆဒါင်ကုင်တအာင်း

ကုင်တအာင်း၊ အထက(1) လှံင်အိုမ်ယ်ုရ် ချှံန်ဇာရ် ကာည်း အကယ်ဒမီဇီုင်းပိင်ငျာကုင်တအာင်း- TEA ခေဲင်ဂါင်ႎါ်ႈအူဒီ ကောင်ဆံရ်ဇီုင်းပိင်ငျာကုင်တအာင်း - TLEC ဆာ်ႈအွံရ် ရေဲန်ပ္လေါည် ဆငည်းဆြာကံမ်ဖာနီန် တိူဝ်ႈဂုင်ကေဇူဂါရဝ  တာဆြာ/ယာဆြာ ဘည်‌ရောတ်စာမ်းဒေဲႈ ဆငည်းဆြာကံမ်ဖာ- World Teachers' Day ရေဲန်ဟာဝ်း‌ပ္လေါည် ကျံရ်အူကိူရ်၊ ဆငည်း(5) အောႏ။

ခေဲင်ပ္လေါည်ဆငည်းဆြာကံမ်ဖာနီန် တာဘြောင်ချှာင်လှံင် က္လာင်းကြောႈတံမ်း။ ဆဲႈဒီန် အီချှာင်ဇီုင်းကာန်လံပ်ပိင်ငျာ၊ ယာဆြာထီင်ကျောင် ချှံန်ဇာရ် အ.ထ.က(1) က္လာင်းကြောႈတံမ်း။ ဟောည်ႇဒီန် အ.ထ.က(1) ယာဆြာထီင်ကျောင်ချှံန်ဇာရ် က္လာင်းဒဲႈ ဘည်ပဲန်‌ဒေဲႈ ဆငည်းဆြာကံမ်ဖာ အောႏ။

အီဟိုက်ရောတ်ဒေဲႈပ္လေါည်ဆငည်းဆြာကံမ်ဖာဒီန် အီချှာင်ဇီုင်းလံပ်ပိင်ငျာ- TLEC၊ ဒါရိုက်တာ ကာည်း တာမ်ဒါရိုက်တာ၊ အီချှာင်ဇီုင်းလံပ်ပိင်ငျာ၊ ဒါရိုက်တာ လံပ်ပိင်ငျာချှံန်ဇာရ် ခေဲင်ကုင်တအာင်း၊ အီရံပ်ဇီုင်းကာန်မျံမ်၊ အီရံပ်ဇီုင်းခေဲင်တီုင်ဌာန၊ တာဆြာ/ယာဆြာ၊ ကောန်ကျောင် ကာည်း ပါင်ဖိတ်မှာန်း ကူန်ရဝ်မာဂါင်ဂဲ ကစုကပိုမ်ဂေါည်(300)အီးလေႈ ဟိုက်ရောတ်ဒေဲႈအောႏ။

ဆဲႈဒီန် အကယ်ဒမီဇီုင်းပိင်ငျာကုင်တအာင်း- TEA ကာည်း ကောင်ဆံရ်ဇီုင်းပိင်ငျာကုင်တအာင်း- TLEC ကစုကပိုမ်ဒေဆာ်ႈအွံရ် ရေဲန်ဟာဝ်းပ္လေါည် ဆငည်းဆြာကံမ်ဖာအောႏ။ မိုႈဘို အီအွံရ်ကျောင်အကယ်ဒမီဇီုင်းပိင်ငျာကုင်တအာင်း၊ ကဝ်အီရံပ်အစဲန်၊ တာမ်အီအွံရ်၊ တာဆြာ/ယာဆြာပနော၊ ယာဆြာ၊ ဆြာဖီုက်လျှံင်ချှံန်ဇာရ်၊  ယာဆြာ ကာည်း ကောန်ႎါင်ပနော၊ ကောန်ႎါင်ပနောဂဲ ကစုကပိုမ်ဂေါည်(250)အီး ဟိုက်ရောတ်ဒေဲႈအောႏ။

ခေဲင်ပ္လေါည်ဒီန် ကောန်ကျောင်ဂဲ ကာနှဲဟာဝ်း၊ ဘည်ရောတ်စာမ်းဆငည်းဆြာကံမ်ဖာ က္လာင်းကြောႈအာဝ်ဘီရ်အာဝ်ပြာႈ ကာည်း ဒဲႈဟာဝ်းဂြူကပါဝ်း။ ဆဲႈဒီန် တာဆြာ/ယာဆြာ- TLECဂဲ ကာနှဲဟာဝ်း ခေဲင်‌ပ္လေါည်ဆငည်းဆြာကံမ်ဖာ အောႏ။

ဆငည်းဆြာကံမ်ဖာနီန် ကနာည်လံပ်ပိင်ငျာ တာဆြာ/ယာဆြာဂဲ အ်ုန်အရေးဒါင်း အခါန်းကဏ္ဍအူလှေင် ဂေါႇဘည်ဒီန် ရေဲန်‌ပ္လေါည်ဘည်အာဝ်ဘီရ်အာဝ်ပြာႈ ရံပ်ရိုႈတိူဝ်ႈကနေဲႈအူန်းဆေဆေ။

လံပ်ပိင်ငျာနီန် တာဆြာ/ယာဆြာဂဲမော အီဒဲႈပ္လါင် ကနာည်ကောန်တဘိုတ်အီနံင်ဒေဲႈဂဲ တာဆြာ/ယာဆြာဂဲ ပနောဒဲႈဟာဝ်း ပိင်ငျာပ်ုန်လို ကာည်း ပဇာရ်ဒဲႈအကျိုးကနာည်တို၊ ဆဲႈဒီန်အာဝ်ႎံန်း ကောန်တဘိုတ်ယိူဝ်ႇဘံန်းဂဲမော် တာဆြာ/ယာဆြာဂဲ တိူဝ်ႈငိူပ်မေန်း ဒံန်ခြဲဟာဝ်း မောကံပ်ပဲန် မောကံပ်ကျ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း