ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင် လှံင်ရူကောဂဲ ခည်မိုႈ ကျံရ်ကိူရ်အူ ဆငည်း(22)ဒိူန်အောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ဘြောင်ချှာင်ဂဲ ရေဲန်ပါင်ကမိုန်ကတူႈကငျားတောပ် အီရံပ်ဇီုင်းကပ္လိူင် ကာည်း ကူန်ရဝ်မာဂါင် ပလှံင်ရူကောအော။

ဆန်ုမ်2025၊ ကျံရ်ကိူရ်အူ ဆငည်း(20)ဒိူန် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း (Ta'ang Education Academy-TEA) ရေဲန်ဟောည်ႇဟာဝ်း ပ္လေါည်အာပ်ဒဲႈဘွည်ႇဒီပလိုမာ တကောန်ကျောင် အီပနောပဲန်ဆြာ လိူဝ်ႈ(1) ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။