ကောင်ဆံရ်ဇီုင်းပိင်ငျာတအာင်း- TLECဂဲ ရေဲန်ပါင်ကတူႈကငျာကမိုန်ဟာဝ်း ကဏ္ဍလံပ်ပိင်ငျာခါဝ်လှေင်ပဇာရ် ကာည်း ကဲအီရံပ်ဇီုင်းကပ္လိူင်လံပ်ပိင်ငျာ
02 November 2026
ကောင်ဆံရ်ဇီုင်းပိင်ငျာတအာင်း- TLECဂဲ ရေဲန်ပါင်ကတူႈကငျာကမိုန်ဟာဝ်း ကဏ္ဍလံပ်ပိင်ငျာခါဝ်လှေင်ပဇာရ် ကာည်း ကဲအီရံပ်ဇီုင်းကပ္လိူင်လံပ်ပိင်ငျာ
အိုမ်ယ်ုရ်၊ ကျံရ်ကိူရ်အူ၊ ဆငည်း(2)
ဆဒါင်ကုင်တအာင်း
ခေဲင်ကျံရ်အူကိူရ်နီန် ပ်ုန်ကယေင်ကောင်ဆံရ်ဇီုင်းပိင်ငျာတအာင်း- TLECဂဲ တောႇရေဲန်ပါင်ကတူႈကငျာကမိုန်ဟာဝ်း ကဏ္ဍလံပ်ပိင်ငျာခါဝ်လှေင်ပဇာရ် ကာည်း ကဲအီရံပ်ဇီုင်းကပ္လိူင်လံပ်ပိင်ငျာ၊ ဘည်တောႇအီရံပ်ဇီုင်း ဘည်ဒဲႈဟာဝ်းအဆာင်။ ရေဲန်ပါင်ကတူႈကငျာကမိုန်ဟာဝ်းလံပ်ပိင်ငျာဒီ ဆိင်ဒဲႈဂဲနံပ် ဆဖောဘည်ခ္လါည်းဟာဝ်းကဏ္ဍမူဝါဒ တောန်နဲ။
ခေဲင်ပါင်ကတူႈကငျာနီန် ဘယ်ရေဲန်ဟောည်ႇဟာဝ်း လှံင်ထာန်ဟောည်ႇကတူႈကငျား မိုႈ လှံင်အေဲမ်ခြီရ်၊ လှံင်ရူကော၊ လှံင်အိုမ်ငျံရ်၊ လှံင်အိုမ်ယ်ုရ် ကာည်း ခေဲင်လှံင်မာဝ်းႎံင်း။ ဆဲႈဒီန် အီရံပ်ဇီုင်းကပ္လိူင် ခေဲင်ကောင်ဆံရ်ဇီုင်းပိင်ငျာတအာင်း- TLEC တံမ်းကြောႈက္လာင်း ဒါႈ ပ်ုန်ကယေင်ရေဲန်ပါင်ကတူႈကငျား မိုႈ ဆိင်ကဘ္လာင်းဆာင်ဒဲႈအယ်နံပ် ဘည်ရံပ်ရေဲန်ဇီုင်းကာန်လံပ်ပိင်ငျာကဇေန်းနီး ကာည်း ဘည်ဒဲႈဟာဝ်းအဆာင် ကာည်း က္လာင်းဘိုလောင် ဘည်ခ္လါည်းမူဝါဒ။
ဆဲႈဒီန် တာဆြာ/ယာဆြာဂဲအီဟိုက်ဒေဲႈခေဲင် ပါင်ကတူႈကငျားဒီန် ဆမွံတ်က္လာင်းဟာဝ်း ဘည်ကတူႈဘည်ယိူဝ်း ဒဲႈဟာဝ်း ခံင်ကျခံင်လ။ ကဒါႇ ကဲအီရံပ်ဇီုင်းခေဲင် ကောင်ဆံရ်ဇီုင်းပိင်ငျာတအာင်း- TLECမော ႎီရ်ကဘ္လာင်ဆာင်ဒဲႈဘို ပ်ုန်ဆမွံတ် ခေဲင်ပါင်ကတူႈကငျားဒီန်အောႏ။
ပ်ုန်ကယေင်ခေဲင်ပါင်ကတူႈကငျားနီန် ကဆီုဝ်အီရံပ်ဇီုင်းကာန်ခေဲင်လံပ်ပိင်ငျာဒီန် ဒီရံပ်လာည်ခေဲင်ဇီုင်းကာန်အယ် မောကံပ်နောႈတခိူည်းခေဲင်ရံပ်လာည်ဇီုင်းကာန်၊ ဘည်တောႇအီရံပ်ဇီုင်း ဘည်ဒဲႈဟာဝ်းအဆာင်။ ရေဲန်ပါင်ကတူႈကငျာကမိုန်ဟာဝ်းလံပ်ပိင်ငျာဒီ ဆိင်ဒဲႈဂဲနံပ် ဆဖောဘည်ခ္လါည်းဟာဝ်းကဏ္ဍမူဝါဒ တောန်နဲ။
အီဟိုက်ရောတ်ဒေဲႈ ခေဲင်ပါင်ကတူႈကငျားဒီန် အီရံပ်ဇီုင်းကာန် ဘြောင်ချှာင်ကုင်ခေဲင်ကုင်တအာင်း၊ တီုင်အွံရ်- TLEC ကာည်း အီချှာင်ဇီုင်း၊ ဒါရိုက်တာ တီုင်ပိင်ငျာဒါင်းဇာရ်၊ ဘ္လစေတ်မေန်းဟာဝ်း ကာည်း မာန်နေဂျာ တီုင်ပိင်ငျာအဆာင်ဇာရ်၊ မာန်နေဂျာတီုင်ဌာန၊ တီုင်အွံရ်ဇီုင်းပိင်ငျာလှံင်၊ ဖုင် ကာည်း တာဆြာ/ယာဆြာခေဲင်လှံင် ကစုကပိုမ် (937)အီးလေႈ ဟိုက်ရောတ်ဒေဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists