ဂေါပ်ပဲန်ကားဂေႈကပ္လါႇဒီန် တိုအီးတောႇဒေဲႈကား(9)အီးဒီန် ကောန်အီပ်ုန်အူအီး ဘိူန်းအဆာက်(50)ဆန်ုမ် ကတူႈဖေးတကိင်အ်ုန် ဘံန်ရောတ်ပယုင်ဆနံမ် ယံမ်းဟာဝ်း၊ ကောန်အီမာည်း(1)အီး ကာည်း ကောန်အီပ်ုန်(1)အီး ကတူႈဖေးဘာတ် တည်း ၊ ငါည်း အောႏ။

လူမ်အရေးကူန်ရဝ်မာဂါင် (Public Relations Center – PRC) ပ္လူႈဆဒိ တကူန်ရဝ်မာဂါင် အီဂေါည်ခေဲင်ကုင်တအာင်းနီန် ဆာ်ႈအယ်ကတူႈကီန်းဒည်း ပ္လေဲဝ်လူည်ႇ အခွါင်းအရေးတိုအီးနီန် ဆာ်ႈအယ်လိုကဇောည် ဘိူန်းကဆီုပ်ကဘားဟြာင်းဒဲႈ တ PRC အောႏ။

ကုင်တအာင်း၊ တားဘြောင်ချှာင်လှံင်ဂဲ ဆာ်ႈအွံရ်ရေဲန်ပါင်ကမိုန်ကတူႈကငျား တောပ်တားဘြောင်ချှာင်ဇံင် ကာည်း တားဘြောင်ချှာင်ရဝ် ပလှံင်အိုမ်ယ်ုရ် ကျံရ်အူကိူရ်၊ ဆငည်း(1) အောႏ။

ခေဲင်ကုင်တအာင်း၊ ကနာည်ပယာမ်ဖေးအန္တရာယ်ကဆီုဝ်ယာန်၊ ဖုင်ကဇောည် လံပ်ဥပဒေကုင်တအာင်း-Ta’ang Legal Aid Foundation - TLAF ဥပဒေဒဲႈလံပ်ပိင်ငျာကဆီုဝ်ပရိုဂရမ်(Legal Education & Awareness Program – LEAP)ဂဲ ဆာ်ႈအွံရ် ဒဲႈဟာဝ်းလံပ်ပိင်ငျာ လောင်ခေါပ်ပြာယာန် ကာည်း ခေါပ်ပြာဒေင် ပလှံင်အိုမ်ငျံရ် ကျံရ်တီမ်၊ ဆငည်း(29) ရောတ် ဆငည်း(29)။

ခေဲင်ပ္လေါည်ပ္လိုတ် ႎါင်ပနောဇီုင်းခူန်ဥပဒေ လိူဝ်ႈ(2) ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော် ဟိုက်ရောတ်တံမ်းကြောႈ မိူဝ်ႈ‌ဒေဲႈလံပ်ဒီမိုကရေစီ၊ ပဇာရ်လံပ်ဒံန်ခြဲအခွါင်းအရေး ကာည်း အခွါင်းအရေးတိုအီး၊ ကနာည်ဘယ်ဒံန်ခြဲလံပ်နဘာည်းတေဲင်တိုအီးဒီန် တီုင်ဘ္လံက်ချှာင်တြားဒီန် အ်ုန်မိုႈအရေးဒါင်း ကာည်း လိုအ်ုန်ဘ္လောမ်ဒါင်း ကနာည်ထီင်ခြဲဟာတ်းတောန်နဲ။

ကုင်တအာင်း၊ ပလှံင်အိုမ်ငျံရ်၊ တီုင်စေတ်မေန်းတိုအီး ကုင်တအာင်းဂဲ ရေဲန်ပ္လေါည်ပ္လိုတ်ႎါင်ပနောပဇာရ်အိုမ်လှ ကာည်း ပ်ုန်နံပ်ပ်ုန်ယိူဝ်း အီရံပ်ဇီုင်းကပ္လိူင်ခေဲင်တီုင်ဌာန လိူဝ်ႈ(1) ကျံရ်တီမ်၊ ဆငည်း(28) အောႏ။