09 October 2026

ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်း(1)အီး လူည်ႇဘည်ကယာင်ဇေဝ် လံပ်လိင် ပလှံင်အိုမ်ယ်ုရ်

အိုမ်ယ်ုရ်၊ ကျံရ်အူကိူရ်၊ ဆငည်း(8)

ဆဒါင်ကုင်တအာင်း

ကုင်တအာင်း၊ ပလှံင်အိုမ်ယ်ုရ်၊ ခမိုမာန်လုံ ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်း(1)အီး လူည်ႇဘည်ကယာင်ဇေဝ် လံပ်လိင် တေဲင်ကောန်အီပ်ုန် (1)အီး အောႏ။ 

ဘည်မိုႈဘာည်အ်ုန် ဘံန်ဟောည်ႇဒေဲႈ ကျံရ်တီမ်၊ ဆငည်း(26) ရောတ် ဆငည်း(28) အ်ုန်ရောတ်လေႈႎီရ်တႎါႎည်ဂဲ ပလှံင်မာဝ်းႎံင်း ပဲန်ဟာဝ်းပွံတ်အမှုဘည်လေႈတဒေင်ဒီန်။

ကောန်အီပ်ုန် အီတောႇဒေဲႈ တာထူန်းအီန် ဘိူန်းအဆာက်(45)ဆန်ုမ်ဒီန် လူည်ႇဟာဝ်းအမှုဘည်ကယာင်ဇေဝ် လံပ်လိင် အာရ်လိူဝ်ႈ လလအောႏ။

လူည်ႇဟာဝ်းအမှုဘည်ကယာင်ဇေဝ် လံပ်လိင်  တိုန်းဆဒါင်တတာဘြောင်ရဝ်ဂဲ စိဟာဝ်းႎိူဝ်ႈအမှု ပလူမ်ပလိက်ကုင်တအာင်း။ တေဲင် ကဆီုဝ်လောင်လူည်ႇအမှုဒီန် အီရံပ်ဇီုင်းကပ္လိူင်ခေဲင်ရဝ် ဘိူန်းဆဒါင်စေတ်မေန်းဟာဝ်း တိုန်းဆဒါင်တဖုင်ပလိက်ကုင်တအာင်းဂဲအောႏ။ ဂေါႇဘည်ဟြာင်းဟိုက်ပ္လါႇဘေဲႇအမှုဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ တိူဝ်ႈလာည်းဟာဝ်းအရေး ကျံရ်အူကိူရ်၊ ဆငည်း(1) တောႇဘည်ဥပဒေလူည်ႇအမှုလံပ်လိင်ဒီန်အောႏ ဆာ်ႈမိုႈကညာအီလူည်ႇအမှုဒီန် ဖုင်ပလိက်ကုင်တအာင်းဂဲ တိုည်းထီင်ခြဲအူန်းအောႏ။

ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်း(1)အီး လူည်ႇဘည်ကယာင်ဇေဝ် လံပ်လိင် ပလှံင်အေဲမ်ငူည် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ တိူဝ်ႈလာည်းဟာဝ်းအရေး ကျံရ်အူကိူရ်၊ ဆငည်း(3) တောႇဘည်ဥပဒေလူည်ႇအမှုလံပ်လိင်ဒီန်အောႏ ဆာ်ႈမိုႈကညာအီလူည်ႇအမှုဒီန် ဖုင်ပလိက်ကုင်တအာင်းဂဲ တိုည်းထီင်ခြဲအူန်းအောႏ။

ဆဲႈဒီန် ကနာည်ဘယ်ထီင်ခြဲ လံပ်နဘာည်း တေဲင်ကောန်အီပ်ုန် ကာည်း ကောန်ဒဲႇကဲဂဲဒီန် ကူန်ရဝ်မာဂါင်ဂဲ လို‌ကဇောည်ရေဲန်ဇီုင်းကာန် ဆာ်ႈမိုႈ ပ်ုန်ထာင်နောႈ လိုဆဒါင်ချာ်န်းချာ်န်း တဖုင်ကလိက်ကုင်တအာင်းဂဲ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း