ရေဲန်ပ္လေါည်ႎိူဝ်ႈကျောင် ဘည်လိုဒံန်ခြဲဖေးအန္တရာယ်ငံရ် လိူဝ်ႈ(2) ပလှံင်အိုမ်ငျံရ်
09 October 2026
ရေဲန်ပ္လေါည်ႎိူဝ်ႈကျောင် ဘည်လိုဒံန်ခြဲဖေးအန္တရာယ်ငံရ် လိူဝ်ႈ(2) ပလှံင်အိုမ်ငျံရ်
အိုမ်ငျံရ်၊ ကျံရ်အူကိူရ်၊ ဆငည်း(7)
ဆဒါင်ကုင်တအာင်း
ကုင်တအာင်း၊ ကျံရ်အူကိူရ်၊ ဆငည်း(3) ရေဲန်ပ္လေါည်ႎိူဝ်ႈကျောင် ဘည်လိုဒံန်ခြဲဖေးအန္တရာယ်ငံရ် လိူဝ်ႈ(2) ပလှံင်အိုမ်ငျံရ်။
ခေဲင်ပ္လေါည်ႎိူဝ်ႈကျောင် ဘည်လိုဒံန်ခြဲဖေးအန္တရာယ်ငံရ် လိူဝ်ႈ(2)ဒီန် တီုင်ဘြောင်ချှာင် တာမ်အီအွံရ်ဇိုင်း နောႈမှဲမ် က္လာင်းကြောႈတံမ်း ဒါႈ ဖေးအန္တရာယ်ငံရ်နီန် အ်ုန်ဆမားပ်ုန်လူလှဲဝ်ႈ အဆာက်/ဂါင်ဂေါည် ကူန်ရတ်မာဂါင်ဂဲ ဂေါႇဘည်ဒီန် လိုဒံန်ခြဲဟာဝ်းဖေးအန္တရာယ်ငံရ်ဒါင်းဒါင်းအောႏ။ ဆဲႈဒီန် ဘည်ရောတ်စာ်မ်းဒေဲႈ အခိင်ခါဝ်ခေါႈအ်ုန် ဆာ်ႈရောတ်ဒဲႈ ကဆီုဝ်ငံရ်နီန် ကဏ္ဍဖုင်အီပျံတ်ငံရ်ဂဲ အ်ုန်အရေးဒါင်း။
ႎါင်ပနောနီန် နံင်ႎိူဝ်ႈဟာဝ်း လှေင်(25)ဆငည်းလလ ကောန်ႎါင်ပနောဂဲဂေါည်(47)အီးဟိုက်ဟာဝ်း။ အခိင် ႎါင်ပနောဒီန် နံင်ပနောဒဲႈဟာဝ်း တံင်ဇူႈဘည်နှဲ၊ ဥပဒေပျံတ်ငံရ်၊ ဘည်ဒါတဆနံမ်းပျံတ်ငံရ်လလ၊ ဒါနီးဗျူးဟာ အဆာင်ဇာရ်ဒါပိုတ်အိုမ်ပျံတ်ငံရ်၊ ဘည်တီမ်ဟြီုတ်ဒံန်ခြဲ ကာည်း ဘည်လိုဒံန်ခြဲခေါခါႇ တောန်နဲအောႏ။
ဆဲႈဒီ ႎါင်ပနောနီန် နှာင်းကပိုမ်တောပ် ဖုင်ကဇောည်ကျဲတ်ချေနီး ပနောဟာဝ်းဒါဘေဲႇ၊ ပနောဟာဝ်းဘည်အခ်ုရ် ကပိုမ်ပနောဟာတ်းကျကျနနအောႏ။ ကယေင်ႎိူဝ်ႈ ႎါင်ပနောနီန် မောကာပ်ဆမားဒံန်ခြဲဟာဝ်း ဖေးအန္တရာယ်ငံရ်၊ ဖေးဆဖာဝဆာ်ႈရောတ်ဒေဲႈ နံင်ကာပ်နံပ်ဒံန်ခြဲဟာဝ်း မောကံပ် ဖေးအန္တရာယ်ငံရ် ဘြေ့ဟာဝ်း နံင်အရာပ်အရာလောတ်ဒ ပဲန်ငံရ်ကဆူမ်းနီန်အောႏ။
အီဟိုက်ရောတ်ဒေဲႈခေဲင်ပ္လေါည်ႎိူဝ်ႈကျောင် ဘည်လိုဒံန်ခြဲဖေးအန္တရာယ်ငံရ် လိူဝ်ႈ(၂)ဒီန် တီုင်ဘြောင်ချှာင် တာမ်အီအွံရ်ဇိုင်း နောႈမှဲမ်၊ ကဒည်အီအွံရ်တီုင်ဌာမပျံတ်ငံရ် ခူန်အွံရ်ဒါင်း တံင်ရှိုန်း၊ အီရံပ်ဇီုင်းကာန်ခေဲင်တီုင်ဌာန၊ ဥက္ကဋ္ဌကော်မတီဘေဲႇဆျှံမ်၊ ကော်မတီဘေဲႇဘာန်းတအာင်း၊ ကူန်ရဝ်မာဂါင်၊ တာဘြောင်ချှာင်ဇံင်၊ တာြဆာ ကာည်း ကောန်ႎါင်ပနော ကစုကပိုမ် တိုအီး(90)အီးလေႈ ဟိုက်ရောတ်ဒေဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists