01 October 2025

သီပေါမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးနှင့် သုံးစွဲသူ (၁)ဦးဖမ်းဆီးရမိ

သီပေါ၊ အောက်တိုဘာ ၁ရက်

တအာင်းပြည်သတင်း

တအာင်းပြည်၊ တပ်မဟာ (၂)နယ်မြေ၊ သီပေါမြို့တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသား (၁)ဦးနှင့် သုံးစွဲသူ (၁)ဦးတို့ကို ဖမ်းဆီးရမိခဲ့သည်။

သီ‌ပေါမြို့တွင် ပြီးခဲ့သည့် စက်တင်ဘာ (၂၇)ရက်နေ့ ညနေ (၄း၃၀)နာရီအချိန်၌ မူးယစ်ဆေးဝါး သုံးစွဲသူ အသက် (၅၄)နှစ်အရွယ် ဦးနိုင်ထွန်းကို မြို့နယ်ရဲတပ်ဖွဲ့မှ စစ်‌ဆေးရေးဂိတ်တွင် ဖမ်းဆီးရမိခဲ့သည်။

အလားတူ ပြီးခဲ့သည့် စက်တင်ဘာ (၂၈)ရက်‌နေ့ ညနေ (၄:၀၀)နာရီအချိန်တွင် မြို့နယ်ရဲတပ်ဖွဲ့မှ ရှောင်တခင်စစ်ဆေးမှုဆောင်ရွက်နေစဉ် မူးယစ်ဆေးဝါးရောင်းဝယ်သူ အသက် (၅၈)နှစ်အရွယ် ဦးသိန်းဝင်းထံ ဘိန်းဖြူထည့်ထားသည့် ပလက်စတစ်ဗူး တစ်ဝက်နှင့်အတူ ဖမ်းဆီးရမိခဲ့သည်။

အဆိုပါ မူးယစ်ဆေးဝါးရောင်းဝယ်သူကို ပလောင်ပြည်နယ်လွတ်မြောက်ရေးတပ်ဦး PSLF/TNLA တပ်ဖွဲ့မှ မူးယစ်ဆေးဝါးတိုက်ဖျက်ရေးဥပဒေဖြင့် အရေးယူဆောင်ရွက်သွားမည်ဖြစ်ပြီး သုံးစွဲသူများကို 

အကျင့်စာရိတ္တပြုပြင်‌ပေးသွား‌မည်ဖြစ်ပါသည်။

ပြီးခဲ့သည့် စက်တင်ဘာ (၇)ရက်နေ့လည်း သီပေါမြို့စစ်ဆေးရေးဂိတ်တွင် ပလောင်ပြည်နယ်လွတ်မြောက် ရေးတပ်ဦး PSLF/TNLA တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသား (၁)ဦးကို ဖမ်းဆီးရမိခဲ့သည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်