02 May 2025

တအာင်းပညာရေးထီ၏ (၂၃)ကြိမ်မြောက် အမြင့်ဆုံး သိန်း(၅၀၀)ဆုကို  ဟူခင်းကျေးရွာမှ ဦးအိုက်ကျိန် ဆွတ်ခူးရရှိ

တအာင်းပြည်၊ မေလ ၂ရက်

တအာင်းပြည်ပညာရေးကို ရည်ရွယ်၍ဖွင့် လှစ်နေသည့် တအာင်းပညာရေးထီ၏ (၂၃)ကြိမ်မြောက် အမြင့်ဆုံး သိန်း (၅၀၀)ဆုကို နမ့်ဆန်မြို့နယ်၊ ဟူခင်းကျေးမှ ဦးအိုက်ကျိန်မှ ဆွတ်ခူးရရှိသွားခဲ့သည်။ 

တအာင်းပြည် တအာင်းပညာရေး ရန်ပုံငွေအတွက် (၂၃)ကြိမ်မြောက်ထီဖွင့်ပွဲအား တအာင်းပြည်တစ်နေရာတွင် မေလ (၁)ရက် နံနက်ပိုင်းအချိန်တွင် တအာင်းပြည်ပညာရေးကောင်စီ-TLECမှ ဦး ဆောင်ဖွင့်လှစ်ခဲ့သည်။ 

သိန်း (၅၀၀)ဆု၏ဂဏာန်းသည် အက္ခရာ (A- 78097) ဖြစ်ကာ သိန်း (၅၀၀)ဆုအပြင် သိန်း(၁၀၀)ဆု (၁)ဆု၊ သိန်း(၅၀) ဆု (၁)ဆု၊ သိန်း(၃၀)ဆု (၂)ဆု၊ (၁၀) သိန်းဆု (၃)ဆု၊ (၅)သိန်းဆု (၄)ဆု၊ (၂) သိန်းဆု(၅၀)ဆုနှင့် သိန်း (၅၀၀)ဆု၏ အက္ခရာတူ နောက်ဆုံးဂဏာန်းသုံးလုံးတူ ဆု (၂၂)ဆုအပါအဝင် စုစုပေါင်း (၈၄)ဆု ပေးအပ်ခဲ့သည်။

ပြီးခဲ့သည့် ဧပြီလတွင် တအာင်းပညာရေးထီ၏ (၂၂)ကြိမ်မြောက် အမြင့်ဆုံး သိန်း (၅၀၀)ဆုကို မန်တုံမြို့နယ်၊ ကုန်ပေါင်ကျေးရွာနေထိုင်သည့် ဦးငိုဆွယ်မှ အက္ခရာ (B- 83321) ဆွတ်ခူးသွားရရှိသွားခဲ့သည်။

၂၀၂၄-၂၀၂၅ ပညာသင်နှစ် အခြေခံ ပညာ စာသင်ကျောင်းပေါင်း (၆၀၀) ကျော်၊ ကျောင်းသူ/သား(၆၆၀၀၀)ကျော်နှင့် ဆရာ/မ (၃၅၀၀)ကျော်ဖြင့်ဖွင့်လှစ်နိုင်ခဲ့ပြီး လာမည့် ၂၀၂၅-၂၀၂၆ ပညာ သင်နှစ်တွင်လည်း ကျန်ရှိနေသည့်မြို့နယ်တို့တွင် အခြေခံပညာ စာသင်ကျောင်းပေါင်း (၇၀၀) ကျော် ဆက်လက်ဖွင့်လှစ်သွားရန်စီစဉ်ဆောင်ရွက်နေပါ သည်။

စာသင်ကျောင်းများလိုအပ်သည့် ရန်ပုံငွေနှင့် ဆရာ/ဆရာမ (၃၅၀၀)ကျော်အတွက် လိုအပ်သည့် လစာငွေများအား တအာင်းထီ ရောင်းရသည့်ငွေမှ လစဥ်ထောက်ပံ့ပေးနေခြင်းဖြစ်ရာ အနယ်နယ်အရပ်ရပ်မှ မိဘပြည်သူများအနေဖြင့် တအာင်းပြည်မှ ကလေးငယ်များ၏ ပညာရေးအား အထောက်အပံ့ဖြစ်ရန် တအာင်းပညာရေးထီအား ထိုးပေးကြရန် လိုအပ်ကြောင်းတိုက်တွန်းလိုက်ရပါသည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်