နမ့်ဖတ်ကာတွင် သဲတင်ကားတစ်စီးမှ ဘရိတ်ပေါက်၍ ခရီးသည်တင်ကားတစ်စီးကို ဝင်တိုက်ကာ အမျိုးသား (၂)ဦး ထိခိုက်ဒဏ်ရာရ
03 May 2025
နမ့်ဖတ်ကာတွင် သဲတင်ကားတစ်စီးမှ ဘရိတ်ပေါက်၍ ခရီးသည်တင်ကားတစ်စီးကို ဝင်တိုက်ကာ အမျိုးသား (၂)ဦး ထိခိုက်ဒဏ်ရာရ
နမ့်ဖတ်ကာ၊ မေလ ၃ရက်
တအာင်းပြည်သတင်း
တအာင်းပြည်၊ တပ်မဟာ (၅)နယ်မြေ၊ နမ့်ဖတ်ကာမြို့နယ်တွင် သဲတင်ကားတစ်စီးသည် ဘရိတ်ပေါက်၍ ခရီးသည်တင်ကားတစ်စီးကို ဝင်တိုက်ရာမှ အမျိုးသား (၂)ဦး ထိခိုက်ဒဏ်ရာရရှိခဲ့သည်။
ဖြစ်စဉ်တွင် ဧပြီလ (၃၀)ရက် ညနေ (၄:ဝဝ)နာရီအချိန်တွင် နမ့်မောချောင်းကုန်းအဆင်းတွင် ထို့ကားသည် ဘရိတ်ပေါက်ကာ အရှိန်မထိန်းနိုင်ဘဲ ရပ်နေသည့်ခရီးသည်တင်ကားကို ဝင်တိုက်ပြီး တိမ်းမှောက်သွားခဲ့သည်။
ထို့နောက်တွင် သဲတင်ကားမောင်းသူနှင့် လိုက်ပါလာသည့် အမျိုးသားတစ်ဦးတို့ ထိခိုက်ဒဏ်ရာအနည်းငယ်ရရှိခဲ့သည်။
အဆိုပါအခင်းဖြစ်ပွားခဲ့သည့်နေရာကို တအာင်းပြည် မြို့နယ်ရဲတပ်ဖွဲ့မှ သွားရောက်စစ်ဆေးခဲ့ပြီး သဲတင်ကားမောင်းသူကိုလည်း ဖမ်းဆီးထိန်းသိမ်းထားကာ ဥပဒေအရ အရေးယူဆောင်ရွက်သွားမည်ဖြစ်သည်။
ပြီးခဲ့သည့် ဧပြီလ (၂၄)ရက်လည်း ထိုနမ့်မောချောင်းတံတားအနီးတွင် မီးသွေးတင်ဆောင်လာသည့် ကားတစ်စီးမှ အရှိန်မထိန်းနိုင်ဘဲ ခရီးသည်တင်ကားတစ်စီးကို ဝင်တိုက်မိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ