ကွတ်ခိုင်မြို့တွင် အပြည်ပြည်ဆိုင်ရာ လူ့အခွင့်အရေးနေ့အထိမ်းအမှတ်အဖြစ် အခမ်းအနားပြုလုပ်ကျင်းပ
11 December 2025
ကွတ်ခိုင်မြို့တွင် အပြည်ပြည်ဆိုင်ရာ လူ့အခွင့်အရေးနေ့အထိမ်းအမှတ်အဖြစ် အခမ်းအနားပြုလုပ်ကျင်းပ
ကွတ်ခိုင်၊ ဒီဇင်ဘာ ၁၁ရက်
တအာင်းပြည်သတင်း
တအာင်းပြည်၊ ကွတ်ခိုင်ခရိုင်၊ ကွတ်ခိုင်မြို့တွင် ယမန်နေ့ ဒီဇင်ဘာလ (၁၀)ရက်နေ့၌ ကျရောက်သည့် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ်အဖြစ် အခမ်းအနားကို ကွတ်ခိုင်မြို့တွင် ပြုလုပ်ကျင်းပပြီးစီးခဲ့သည်။
ထိုအခမ်းအနားတွင် လူ့အခွင့်အရေးကြေငြာစာတမ်းအပိုဒ်များကိုဖတ်ကြားရှင်းလင်းပေးခြင်း၊ လူ့အခွင့်အရေးအကြောင်းအရာများနှင့်ပတ်သက်၍ အပြန်အလှန်မေးခွန်းမေးမြန်းခြင်းနှင့် ပြန်လည်းဖြေကြားခြင်းအပါအဝင် တိုင်းရင်းသားရိုးရာအကများဖြင့် ဖျော်ဖြေပေးခြင်းပြုလုပ်ခဲ့ကြသည်။
အဆိုပါအထိမ်းအမှတ်အခမ်းအနားကို ပလောင်ပြည်နယ်လွတ်မြောက်ရေးတပ်ဦး PSLF/TNLA တာဝန်ရှိသူများနှင့် မိဘပြည်သူလူထုများအပါအဝင် စုစုပေါင်းလူဦးရေ (၂၀၀)ဦးကျော်တက်ရောက်ခဲ့ကြသည်။
ဒီဇင်ဘာ (၁၀)ရက်နေ့တွင် ကျရောက်ခဲ့သည့် အပြည်ပြည်ဆိုင်ရာလူ့အခွင့်အရေးနေ့ အထိမ်းအမှတ်ကို တအာင်းပြည်ရှိ မြို့နယ်အသီးသီးကျင်းပပြုလုပ်ခဲ့ပြီး မြန်မာနိုင်ငံရှိ မြို့နယ်တချို့လည်း အသံတိတ်သပိတ်များပြုလုပ်ခဲ့ကြပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ