ဘည်ဆီုက်ဘြာန်ဇေဝ်ဂဲ ပ္လိူရ်ႈလေႈ ဒါႈဇံင်းကတီုက်ကပဴင် နိုက်(20)ဆငည်းနီန်း ဂဲဒါဘိုး ယာန်ပ်ုရ်ရောတ်ဒေဲႈပဲင် ပ္လေဘျုင်(2)ပိုင်း ပလှံင်နောင်ချှို
30 April 2025
ဘည်ဆီုက်ဘြာန်ဇေဝ်ဂဲ ပ္လိူရ်ႈလေႈ ဒါႈဇံင်းကတီုက်ကပဴင် နိုက်(20)ဆငည်းနီန်း ဂဲဒါဘိုး ယာန်ပ်ုရ်ရောတ်ဒေဲႈပဲင် ပ္လေဘျုင်(2)ပိုင်း ပလှံင်နောင်ချှို
လှံင်နောင်ချှို၊ ကျံရ်ဖိုန်၊ ဆငည်း(23)
ဆဒါင်ကုင်တအာင်း
ဘည်ဆီုက်ဘြာန်ဇေဝ်ဂဲ ပ္လိူရ်ႈလေႈ ဒါႈဇံင်းကတီုက်ကပဴင် နိုက်(20)ဆငည်းနီန်း ဂဲဒါဘိုး ယာန်ပ်ုရ်ရောတ်ဒေဲႈပဴင် ပ္လေဘျုင်(2)ပိုင်း ပရဝ်အုမ္မတီး၊ လှံင်နောင်ချှို၊ အိူင်ႎံင်းမာဝ်း၊ ခေဲင်ကုင်တအာင်း။
ကျံရ်ဖိုန် ဆငည်း(22) အခိင်ခီညှာ(10:30)နြီဒိူန် ဆီုက်ဘြာန်ဇေဝ်ဂဲ ဒါယာန်ပ်ုရ် ဇဲတ်ႎှည်တာ ရောတ်ဒေဲႈပဴင်ပ္လေဘျုင် လံက်ဟာဝ်း ဂါင်ဂေါည်ကူန်ရဝ်မာဂါင်ဂဲ (5)ဂါင် လူလှဲဝ်ႏဟာဝ်း။
ခည်မိုႈ ကျံရ်ဖိုန် ဆငည်း(21)ဒိူန်မာ် ဆီုက်ဘြာန်ဇေဝ်ဂဲ ဒါပ္လေဘျုင်မိူဝ်ႈကော်င် ရောတ်ဒေဲႈပဴင်(15)ပိုင်း ပရဝ်တော်င်ခံမ်း တပြောတံပ်ဆခါန်း(902) ဒီဂေါည်တံပ်နာန်းတအာင်း TNLA၊။
ဂေါႇဆီုက်ဘြာန်ဇေဝ်ဂဲဒါ ပ္လေဘျုင်မိူဝ်ႈကော်င်ပဲင်ဘည်ဒီန် ကောန်ဆီုက် TNLA (10)အီး ကတူႈဖေးဘာတ်၊ (3)အီး ကတူႈဖေးဘာတ်ဒါင်း။ ကောန်ဆီုက် TNLAအယ်ကဲဒီန် ကတူႈခါမ်ဝေဒနာ ဘည်ကိင်မံဝ်း၊ ဘည်တိုႈဖိူမ်ချာ်န်း၊ ဘည်ဂေါည်ကီန်းဒည်း၊ ဘည်အောက်ဆီဂျင်ဇောႈ၊ ဘည်မှေည် ကာည်း ဘည်ပိုင်းကနောႈရယူႈကဲနီန် ကဇေန်နီန်း ကဲဆနံမ်အူန်းတိုဂဲ။
ဆီုက်ဘြာန်ဇေဝ်ဂဲ ဘည်ဒါႈဇံင်းကတီုက်ကပဴင်မာ် ရောတ်ဆငည်း(22)နီန်း ဂဲပဘိုးရဲင်ဘ္လောမ် ထီမ်းဟိုက် လှံင်ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLA။ အရာပ်ဒီအာဝ်မိူဝ်ႈ ပဲန်ကတီုက်ကပဴင်ကဲနီန်မာ် ဂဲဒါယာန်ပ်ုရ် ရောတ်ဒေဲႈပဴင်ဟာဝ်းပ္လေဘျုင်။
ဂေါႇမိုႈတိူရ်ႈကႎေ ပဲန်နောႈခေဲမ့် ကနာည်ကူန်ရဝ်မာဂါင်ဂဲ အီကတူႈအီမ်ယာရယူႈ ကျံရ်ဖိုန် ဆငည်း(1)ဒိူန် ဖုင်ဘဝ်ကီုက်ဒါင်း(3)စူမ် စီထုက်ပ္လိူရ်ႈလေႈပ္လါႇဘေဲႇ ဒါႈဇံင်းဟာဝ်း ကတီုက်ကပဴင် အူကျံရ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists