ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန်(3)အီး ကာည်း တိုအီးဒါခံင်ယိူည်ႇ(14)အီး ပလှံင်အေဲမ်ငူည်
13 October 2025
ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန်(3)အီး ကာည်း တိုအီးဒါခံင်ယိူည်ႇ(14)အီး ပလှံင်အေဲမ်ငူည်
အေဲမ်ငူည်၊ ကျံရ်အူကိူရ်၊ ဆငည်း(13)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန်(3)အီး ကာည်း တိုအီးဒါခံင်ယိူည်ႇ(14)အီး ပလှံင်အေဲမ်ငူည် အိူင်အေဲမ်ခြီရ်။
ဆာ်မိုႈ ယာအီဆာ ဘိူန်းအဆာက်(38)ဆန်ုမ်ဒီန် ဖုင်ပလိက်ကုင်တအာင်းဂဲ ဘိူန်းတိုည်း ဘ်ုန်ဟောည်ႇဒေဲႈ ကျံအူကိူရ် ခေဲင်ဆငည်း(1) တိုည်းကဂေါပ်တောပ် ကအာင်းဆန်ုမ်ပ်ုန်နောႈလှုတ် (2)ထုတ်၊ ယာအမ်နွန် ဘိူန်းအဆာက်(30)ဆန်ုမ် ဘိူန်းတိုည်းကဂေါပ်တောပ် ကအာင်းယာမ(208)ကအာင်း ကာည်း ယာအီခါဝ် ဘိူန်းအဆာက်(32)ဆန်ုမ် ဘိူန်းတိုည်း ကအာင်းယာမ(85)ကအာင်းအောႏ။
ဆဲႈဒီန် တိုအီးဒါဂဲဒိူန် တာလောဝ်ဝူး ဘိူန်းအဆာက်(48)ဆန်ုမ်၊ တာနဲင်နွတ် ဘိူန်းအဆာက်(30)ဆန်ုမ်၊ တာကူန်ယေကာ ဘိူန်းအဆာက်(47)ဆန်ုမ်၊ တာငိုစီ ဘိူန်းအဆာက် (32)ဆန်ုမ်၊ တာထဲက်ညီအံင် ဘိူန်းအဆာက်(40)ဆန်ုမ်၊ တာနဲင်စီ ဘိူန်းအဆာက်(၃၀)ဆန်ုမ်၊ တာနဲင်ဂတ် ဘိူန်းအဆာက်(33)ဆန်ုမ်၊ တာကျော်စိင် ဘိူန်းအဆာက်(42)ဆန်ုမ်၊ တာမာဂန် ဘိူန်းအဆာက်(46)ဆန်ုမ်၊ တာညံမ်အံင် ဘိူန်းအဆာက်(46)ဆန်ုမ်၊ ယာယေကာမ် ဘိူန်းအဆာက်(60)ဆန်ုမ်၊ ယာအိုက်ငုံကျန် ဘိူန်းအဆာက်(48)ဆန်ုမ်၊ ယာအာည်အီ ဘိူန်းအဆာက်(36)ဆန်ုမ် ကာည်း ယာအမ်ခါဝ်တို ဘိူန်းအဆာက်(45)ဆန်ုမ် ပ်ုန်တိုည်း ဖုင်ပလိက်ကုင်တအာင်ဂဲ တတိုအီးဒါင်ခံင်ယိူည်ႇအောႏ။
ပ်ုန်ဘိူန်းတိုည်း ဖုင်ပလိက်ကုင်တအာင်းဂဲ ဆာ်မိုႈတိုအီးကဇိူရ်ႈကယံင်းဂဲဒီန် နှာင်းလာည်ဟာဝ်းအရေးတောပ်ဘည်ဥပဒေခံင်ယိူည်ႇ ကာည်း တိုအီးဒါဂဲဒီန် နှာင်းတိုန်းဟာဝ်း ဒီဘြဲဆာအကျံင်။
ဘံန်ဟောည်ႇဒေဲႈ ကျံရ်တီမ်ဒိူန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ (6)အီး ကာည်း တိုအီးဒါခံင်ယိူည်ႇ(43)အီး ခေဲင် လှံင်အိုမ်ယ်ုရ်၊ လှံင်အိုမ်ငျံရ်၊ လှံင်ရူကော၊ လှံင်ဆဘော၊ လှံင်အေဲမ်ခြီရ် ကာည်း လှံင်မူစယ်၊ လှံင်မိူင်းလိုင် ကာည်း လှံင်မိုဂူႈ
#PSLF/TNLA
#တီုင်ပ္လေႈလေႈဆဒါင်
Comment Lists