ပရဝ်ပါင်လိုင် ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဘေဲႇလူမ်တအာင်း
15 October 2025
ပရဝ်ပါင်လိုင် ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဘေဲႇလူမ်တအာင်း
လှံင်ကုင်ငှေါ ၊ ကျံရ်အူကိူရ်၊ ဆငည်း(15)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဘေဲႇလူမ်တအာင်း ပလှံင်ကုင်ငှေါ၊ ရဝ်ပါင်လိုင် ၊ ခေဲင်ကုင်တအာင်း။
ပ္လေါည်ပ္လိုတ်ႎါင်ပနောဘေဲ,လူမ်တအာင်းနီး ဖုင်ဘေဲႇတအာင်း-TLAဂဲ ဆော်အွံရ်ဒေရေဲန်ဟာဝ်း ယာမ်မိုႈ ကျံရ်အူကိူရ်၊ ဆငည်း(10) အခိင် ခီညှားဇေဝ်ဒိူန်။
ႎါင်ပနောဒီန် ကောန်အီမာည်းဂေါည်(3)အီး ကာည်း ကောန်အီပ်ုန်ဂေါည်(46)အီး၊ ကစုကပိုမ် ဂေါည်(49)အီး။ အီဟိုက်ဟောည်ႇဟာဝ်း ႎါင်ပနောဘေဲႇလူမ်တအာင်းနီန် ဖုင်ဘေဲႇတအာင်း-TLAဂဲ စီအာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီး ဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇလူမ်တအာင်းနီန် မိုႈ နံင်ဘေဲႇလူမ် တအာင်းအယ် မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်းကြောႈ နံင်ကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇလူမ်တအာင်းနီး၊ နံင်ကြောႈကူန်တာမာယာအယ် အာဝ်ဟြာည်ႇကမာ်ႈ ၊ နံင်အီးရံပ်ဇီုင်း ကပ္လိူင် တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ် ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဒဲႈဟာဝ်း ဖာဆာဘေဲႇလူမ်တအာင်းနီန်းတောန်နဲအောႏ။
ဘံန်ဟောည်,ဒေဲ; ကျံရ်တီမ်၊ ဆငည်း(16) ပလှံင်အေဲမ်ငူည်၊ ရဝ်ပါင်ဟာင်ဒါင်း ဖုင်ဘေဲႇတအာင်း-TLAဂဲ ႎိူဝ်ႈဟာဝ်းဘေဲ,လူမ်တအာင်း အီဟိုက်ဟောည်ႇဟာဝ်း ႎါင်ပနောဘေဲႇလူမ်တအာင်းနီန် ကစုကပိုမ်ဂေါည် ( 26 )အီး ရေဲန်ဟောည်,ဟာဝ်းပ္လေါည်ပ္လိုတ်ႎါင်ပနောဘေဲ,လူမ်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists