ခေဲင်ကျံရ်အူကိူရ်နီန် PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား ခေဲင်ရဝ်(14)ရဝ်
31 October 2025
ခေဲင်ကျံရ်အူကိူရ်နီန် PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား ခေဲင်ရဝ်(14)ရဝ်
ကုင်တအာင်း၊ ကျံရ်အူကိူရ်၊ ဆငည်း(30)
ဆဒါင်ကုင်တအာင်
ခေဲင်ကျံရ်အူကိူရ်နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(14)ရဝ်။
ပ်ုန်ဒဲႈလောင်ပိင်ငျာ ပ်ုန်နံပ်ဆမားနီန်း မိုႈ ခေဲင်လှံင်ရူကော ရဝ်(5)ရဝ်၊ လှံင်အိုမ်ငျံရ် ရဝ်(2)ရဝ် ကာည်း ပလှံင်မူစယ် ရဝ်(7)ရဝ်။
ခေဲင်လှံင်(3)လှံင်ကဲဒီန် ကူန်ရဝ်မာဂါင်ဂဲ ကပိုမ် ဂေါည်(488)အီး ဟိုက်ရောတ်ဒေဲႈ၊ ကဲဒဲႈဟာဝ်း ကဆီုဝ်ရဟောမ်ရမာကောန်အီပ်ုန်နှာင်းပျော်တခိူည်း၊၊ ကဆီုဝ်ခေါခါႇကောန်အီပ်ုန်၊ ကဆီုဝ်ပိင်ငျာလိင်ကဲနီန်အောႏ။
ဘည်ကဆီုဝ် PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘ္လံက်လေႈ ရေဲန်ဟာဝ်းဇီုင်းကာန် လံပ်နဘာည်းတေဲင်ကောန်အီပ်ုန် နှာင်းယောမ်ဟာဝ်း၊ ဖီုက်လျှံင်ဒဲႈပ်ုန်နံပ်ဆမားကောန်အီပ်ုန် ကာည်း လံပ်ဆော်ဟိုရ် ၊ နံင်ကောန်အီပ်ုန်ဂဲ ဘယ်ဒေကပါ်ႇကပံန်ရိူန်းဒါယိူဝ်ႇ ဇီုင်းကာန်တဂါင်ကဲနီန်။
ဘံန်ဟောည်ႇဒေဲႈ ကျံရ်တီမ်ဒိူန်မာ် တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ် လေႈဒေင် ဒဲႈဟာဝ်းပ်ုန်နံပ်ဆမား ပလှံင်အိုမ်ယ်ုရ် ရဝ်(11)ရဝ်၊ လှံင်အိုမ်ငျံရ် ရဝ်(22)ရဝ် ကာည်း လှံင်အေဲမ်ခြီရ် ရဝ်(11)ရဝ် ကစုကပိုမ် ကူန်ရဝ်မာဂါင်ဂဲ(3594)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists