တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ကုင်တအာင်း ရေဲန်ပါင်ကမိုန်ကတူႈကငျားတောပ် ကူန်ရဝ်မာဂါင် ပရဝ်ပိုႈ
10 November 2025
တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ကုင်တအာင်း ရေဲန်ပါင်ကမိုန်ကတူႈကငျားတောပ် ကူန်ရဝ်မာဂါင် ပရဝ်ပိုႈ
အိုမ်ယ်ုရ်၊ ကျံရ်ကိူရ်အူ ဆငည်း (10)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ကုင်တအာင်း ရေဲန်ပါင်ကမိုန်ကတူႈကငျားတောပ် ကူန်ရဝ်မာဂါင် ပရဝ်ပိုႈ။
ပါင်ကမိုန်ကတူကငျားဒီန် ဂဲရေဲန်ဟာဝ်း ကျံရ်ကိူရ်အူ ဆငည်း(7) ကမိုန်ဟာဝ်း ဒါႈမှာန်းကူန်ရဝ်မာဂါင်ဂဲ လီပ်ကဖြောမ်ရောမ်ရေဲန်တောပ် ဇီုင်းကာန်တီုင်ဒံန်ခြဲတြားဥပဒေ၊ ဇီုင်းကာန်တီုင်ဘြောင်ချှာင်လှံင်၊ ဇီုင်းကာန်အရာပ်အရာဟိုက်ဇာရ်၊ ကနာည်ရဝ်ဂါင် ပျော်ယာချှီႇတခိူည်း၊ ဇီုင်းကာန်ဘ္လံက်ချှာင်တြား၊ ဇီုင်းကာန်တီုက်ယာႈအရေးခံင်ယိူည်ႇကဲနီန်။
ဟောည်ႇဒီန် ကူန်ရဝ်မာဂါင်ကဲအီးဟိုက်ရောတ်ဒေဲႈမာ် ဟြာင်းဟာဝ်းပ်ုန်လို အီရံပ်ဇီုင်းကပ္လိူင်ဂဲ စီဝီရ်ကဘ္လာင်းဒဲႈပ်ုန်ဆမွံတ် လာည်ကမိုန်ကဘ္လာင်းဟာဝ်း ပ်ုန်လိုပ်ုန်ဆိင်နံပ်အောႏ။
ဆဲႈဒီန် လူမ်တီုင်ဘြောင်ချှာင်လှံင်အိုမ်ယ်ုရ် ကာည်း လူမ်တီုင်ဘ္လံက်ချှာင်တြားဂဲမာ် လီပ်ကမိုန်ဟာဝ်းခေဲင်ပါင်ကမိုန်။
ပါင်ကတူႈကငျားဒီန် အီဂေါည်အိူင်အိုမ်ယိုရ် ခူန်အွံရ် တားဂေါင်ငျံရ်၊ အိူင်မာဝ်းဓံင်း ခူန်အွံရ် တားဒိုင်းစီ ခူန်အီရံပ်ဇီုင်းကာန်လူမ်၊ အီဆာင်လာင်းအမှု၊ကူန်ရဝ်မာဂါင်ဂဲ ကာည်း ကောန်တဘိုက်အီဂေါည်တရဝ် ကစုကပိုမ် (200)အီးလေႈ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists