ခေဲင်ကျံရ်ကိူရ်အာရ်နီန်း PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား ခေဲင်(45)ရဝ်
29 December 2025
ခေဲင်ကျံရ်ကိူရ်အာရ်နီန်း PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား ခေဲင်(45)ရဝ်
ကုင်တအာင်း၊ ကျံရ်ကိူရ်အာရ်၊ ဆငည်း(29)
ဆဒါင်ကုင်တအာင်း
ခေဲင်ကျံရ်ကိူရ်အာရ်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်(45)ရဝ်။
ပ်ုန်ဒဲႈလောင်ပိင်ငျာ ပ်ုန်နံပ်ဆမားနီန်း မိုႈ ခေဲင်လှံင်နံမ်ဖက်ကာ ရဝ်( 22 )ရဝ်၊ ခေဲင်လှံင်မူစယ် ရဝ်( 17 )ရဝ်၊ လှံင်အေဲမ်ငူည် ရဝ်(5)ရဝ် ကာည်း လှံင်ဆဘော ရဝ်(1)ရဝ်။
ခေဲင်လှံင်(4)လှံင်ကဲဒီန် ကူန်ရဝ်မာဂါင်ဂဲ ဂေါည်(3,138)အီး ဟိုက်ရောတ်ဒေဲႈ၊ ကဲဒဲႈဟာဝ်းလောင်ပိင်ငျာ ဘည်နှာဘာည်းခေဲင်ရဟောမ်ရမား၊ လောင်ပိင်ငျာကောန်အီပ်ုန်၊ လောင်ပိင်ငျာကာမကောန်အီပ်ုန်၊ လောင်ပိင်ငျာကောန်ကညောမ်၊ လောင်အရေးခံင်ယိူည်ႇ ကာည်း လောင်ခေဲင်ရဟောမ်ရမားနံင်ပျော်ဆာယာချှီႇတခိူည်း ကာည်း လံပ်ခေါခါႇကောန်အီပ်ုန်ကဲနီအောႏ။
ဘည်ကဆီုဝ် PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘ္လံက်လေႈ ရေဲန်ဟာဝ်းဇီုင်းကာန် လံပ်နဘာည်းတေဲင်ကောန်အီပ်ုန် နံင်ယောမ်ဟာဝ်း၊ ဖီုက်လျှံင်ဒဲႈပ်ုန်နံပ်ဆမားကောန်အီပ်ုန် ကာည်း လံပ်ဆော်ဟိုရ် ၊ နံင်ကောန်အီပ်ုန်ဂဲ ဘယ်ဒေကပါ်ႇကပံန်ရိူန်းဒါယိူဝ်ႇ ဇီုင်းကာန်တဂါင်ကဲနီန်။
ဘံန်ဟောည်ႇဒေဲႈ ကျံရ်ကိူရ်အူဒိူန်မာ် တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ် လေႈဒေင် ဒဲႈဟာဝ်းပ်ုန်နံပ်ဆမား လှံင်အေဲမ်ခြီရ် ရဝ်( 9 )ရဝ်၊ လှံင်အေဲမ်ငူည် ရဝ် (9)ရဝ်၊ လှံင်ရူကော ရဝ်( 8 )ရဝ်၊ လှံင်အိုမ်ငျံရ် ရဝ်( 3 )ရဝ်၊ လှံင်အိုမ်ယ်ုရ် ရဝ်( 3 )ရဝ်၊ လှံင်ဆဘော ရဝ်( 1 )ရဝ် ကာည်း လှံင်မိူင်လိုင် ရဝ်( 3 )ရဝ် ကစုကပိုမ် ကူန်ရဝ်မာဂါင်ဂဲ(5991)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists