ခေဲင်လှံင်အိုမ်ယ်ုရ် ရေဲန်ဟာဝ်းပ္လေါည်ကျံရ်ရာည်း၊ ပ္လေါည်တာင်ထီး ကာည်း ကခေ့ကတားကာဟာဝ်းထုင်မှိူမ်
07 March 2026
ခေဲင်လှံင်အိုမ်ယ်ုရ် ရေဲန်ဟာဝ်းပ္လေါည်ကျံရ်ရာည်း၊ ပ္လေါည်တာင်ထီး ကာည်း ကခေ့ကတားကာဟာဝ်းထုင်မှိူမ်
အိုမ်ယ်ုရ်၊ ကျံရ်အိုည်၊ ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ခေဲင်လှံင်အိုမ်ယ်ုရ် ဆငည်းကျံရ်နိုက် ရေဲန်ဟာဝ်းပ္လေါည်ကျံရ်ရာည်း၊ ပ္လေါည်တာင်ထီး ကာည်း ကခေ့ကတားကာဟာဝ်းထုင်မှိူမ်။
ရေဲန်ဟာဝ်း ပ္လေါည်ကျံရ်ရာည်းဒီန် ကျံရ်အာရ်၊ ဆငည်း(28) ရောက် ကျံရ်အိုည်၊ ဆငည်း( 2) လှေင်အိုည်ဆငည်း။ ဆဲႈဒီန် ရေဲန်ဟာဝ်းပ္လေါည် တာင်ထီးပဖြားဒါင်းမဟာမျတ်မုနိ ကာည်း ခေဲင်ရဝ်ဖြားဒါင်းနီး ဇူႈဆငည်း (2)၊ ကျံရ်အိုည်၊ အခိင်ခီညှာ 8:00နြီထာန်နီး ရေဲန်ဟောည်ႇဟာဝ်း ပ္လေါည်တာင်ထီးအောႏ။
မိုႈဘို ကခေ့ကတား ဟာဝ်းအ်ုန်အီမိုႈကာထုင်မှိမ် ထုင်မှိမ်ကာကပံန် ကာည်း ထုင်မှိမ်ကာခွံန်ဂဲဒီန် ရေဲန်ဟာဝ်း အခိင်ရဆံန် 1:00နြီအောႏ။ ကဲအီလီပ်ကခေ့ကတား အ်ုန်အီမိုႈဓံရ်ခြိူဝ်း ဆာမ်လိုင်၊ ရူမာည်း ကာည်း စောပနာ ဆာ်မိုႈဓံရ်ခြိူဝ်းအီဟံရ် မိုႈဓံရ်ခြိူဝ်း လီဆူ လီပ်ဟံပ်ရေဲင်ဘ္လောမ် ကာဟာဝ်းအောႏ။
ခေဲင်ကခေ့ကတားဒီန် အီကဆီုဝ်ကဆဲင် အီမိုႈထုင်မှိမ်ကော်မတီ (10)အီးကဲပဲန်ဟာဝ်းဒိုင် ဒဲႈဟာဝ်းချှံန် ကာည်း တောပ်ဟာဝ်းဘည်ခေါပ်ပြာႇ။
ဆဲႈဒီန် ခေဲင် ထုင်မှိမ်ကာကပံန် ကာည်း ထုင်မှိမ်ကာခွံန်ဒီန် တောန်ဓံရ်ခြိူဝ်း ဒဲႈဟာဝ်းဆု၊ ချှံန်အူ၊ ချှံန်အာရ်၊ ချှံန်အိုည် ခေဲင်နီးတောပ်ဘို ဆုချှံန်အီဟံရ်။ ကဲဘိူန်းဟာဝ်း ချှံန်အူ စောပနာ၊ ချှံန်အာရ် ဆာမ်လိုင်၊ ချှံန်အိုည် ရူမာည်း။ မိုႈဘို ကာခွံန်တည်း၊ ကာခွံန်ဘိုတ်၊ ကာခွံန်၊ ကာခွံန်ဟေ တောန်မျိုးမာ် ဒဲႈဟာဝ်းဆု ချှံန်အူ၊ ချှံန်အာရ်၊ ချှံန်အိုည် တောန်အီအောႏ။
ခေဲင်ပ္လေါည်ဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဆီုက် တားဟိူဝ်ပ္လါင်၊ ခူန်/ဓါင်ခူန်၊ ကောန်ဆီုက်ကောန်နာန်း၊ အီရံပ်ဇီုင်းကပ္လိူင် ကာည်း ကူန်ရဝ်မာဂါင်ဂဲ ကစုကပိုမ် တိုအီး(10000)လေႈ ဟိုက်ရောတ်ဒဲႈအောႏ။
ပ္လေါည်ကျံရ်ရာည်းနီး ကနာည်နှဲလေႈအီနံပ်ဖာဆာဓံရ်ခြိူဝ်း ထုင်မှိမ်တအာင်း ပ္လေါည်နီးအ်ုန်အရေးဒါင်း ခေဲင်ဆန်ုမ်နီး အယ်စိဟံပ်ပဘို ထုင်မှိမ်ကာကပံန် ကာည်း ထုင်မှိမ်ကာခွံန် ကနာည်ထိင်ခြဲ ထုင်မှိမ်ဖာဆာအယ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists