ပ္လူႈဆဒိ ဇိုချီုကဇေန်နီး ဂေါႇမိုႈဟည်ရောတ်ဒေဲႈ ချီုင်ခေါႈချီုင်မှည် ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ လိုရေဲန်မိူဝ်ႈ ကနာည်နံင်ဒံန်ခြဲအန္တရာယ်ဖေးငံရ်
30 March 2026
ပ္လူႈဆဒိ ဇိုချီုကဇေန်နီး ဂေါႇမိုႈဟည်ရောတ်ဒေဲႈ ချီုင်ခေါႈချီုင်မှည် ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ လိုရေဲန်မိူဝ်ႈ ကနာည်နံင်ဒံန်ခြဲအန္တရာယ်ဖေးငံရ်
အိုမ်ယ်ုရ်၊ ကျံရ်အိုည်၊ ဆငည်း(30)
ဆဒါင်ကုင်တအာင်း
အန္တရာယ်ဖေးငံရ်နီန် အ်ုန်ဒဲႈပ်ုန်လူလှဲဝ်ႏ အဆာက်တိုအီး ကာည်း ဂါင်ဂြိုခြီုင်းတောန်မျိုး။ ခေဲင်ရာန်ဆူဖံန်ပါး တောပ်အန္တရာယ်ဖေးငံရ် ပ်ုန်လူလှဲဝ်ႏဂြိုအ်ုန်အရေးဒါင်း နှာင်းမိုႈလိူည်အူကဇေန်းကတူႈချူမ်ဟာဝ်းတောန်နဲ။ ဆာ်မိုႈကညာႎိုန်ဘာဟာဝ်းဂြိုခြီုင်း အယ်ဒီန် ႎီရ်ဘိူန်းစေတ်မေန်းဟာဝ်း ဆာ်မိုႈပွံတ်ကတူႈအန္တရာယ်ဖေးငံရ် ချုမ်ဟာဝ်းဒိုႇ ဂါင်ဂေါည်တောန်မျိုတောန်နဲအောႏ။
ဘိူည်းနံပ်အန္တရာယ်ဖေးငံရ်နီန် တိုအီးဂဲ အာဝ်အူန်းစီဆဒိ ဂေါည်ဂေါည်ကတူႈဟာဝ်းပဲန်ဟာဝ်း။ ဇိုချီုကဇေန်နီး ဂေါႇမိုႈဟည်ရောတ်ဒေဲႈ ချီုင်ခေါႈချီုင်မှည် ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ လိုရေဲန်မိူဝ်ႈ ကနာည်နံင်ဒံန်ခြဲအန္တရာယ်ဖေးငံရ်။
ကုင်တအာင်း၊ ခေဲင်ဆန်ုမ်2025 ပါ့်ဆန်ုမ် ကဒါႇ အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း၊ အိူင်အေဲမ်ခြီရ် ကာည်း လှံင်မိူင်းယော် ပဲန်ငံရ်ကဆူမ်း ကစုကပိုမ်(71)လိူဝ်ႈ။ ဘံန်ပဲန်ဟာဝ်းငံရ်ကဆူမ်ဒီန် ဂါင်ဂေါည်ကူန်ရဝ်မာဂါင် ကာည်း ကျောင်ႎှါ်ႈ ထာန်ချူမ်ဟာဝ်းငေါႈခံန် ဆဲန်(12950)ဘြာ။ ဂေါႇအန္တရာယ်ဖေးငံရ်နီန် ကူန်ရဝ်မာဂါင်ဂဲ ကတူႈဒေဲႈဘာဝ အာဝ်မိူဝ်ႈဂါင် အာဝ်မိူဝ်ႈဟောမ် လံက်ကဆဲဝ်ဟာဝ်း ဘာဝတိုအီးနီန်။
ဘံန်ပဲန်ဟာဝ်းငံရ်ကဆူမ်ဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်အီပျံတ်ငံရ် ကာည်း ကူန်ရဝ်မာဂါင်ဂဲ ကဇောည် ပျံတ်ဟာဝ်းငံရ်ဒိူန်အောႏ။ ဂေါႇရောတ်ကဇောည်ပျံတ်ငံရ်ဒီန် အာဝ်မိူဝ်ႈယာ့် ကဆူမ်ဟာဝ်းဒီဟံရ်။
ဆဲႈဒါႇဒီန် ဆာ်အယ်ဟောည်ႇဒါငံရ် လိုပျာ်ႇဟာဝ်းကတီးကရီး၊ လိုစေတ်ဆေး ဘက်ထရီ/ ငံရ်ဆိုလာပျား၊ ဆာ်ဒါငံရ်ရာင် လိုဘိဟာဝ်း ခ္လိုက်ငံရ် ကာည်း ဂေါႇအယ်ခူဒဲႈပဲန်ငံရ်က္လိုႇ လိုအူန်းဆဒိဖေးငံရ်တာဆေအောႏ။
ကနာည်လောတ်ဒါႇအန္တရာယ်ဖေးငံရ်နီန် ကူန်ရဝ်မာဂါင်ဂဲ တောန်ကဝ် တောန်အီး လိုအူန်းမိူဝ်ႈဆဒိ၊ လိုဖြောမ်ကရာမ်ရေဲန်တောပ်ကာည်း ဆာ်ပဲန်ဒေဲႈငံရ်က္လိုႇ လိုတိုန်းဆဒါင် တဖုင်ပျံတ်ယံတ်ငံရ်ဂဲ ချာ်န်းချာ်န်း ကရောမ်ရေဲန်ဟာဝ်းတောပ်။
ဇိုချီုကဇေန်နီး ဂေါႇမိုႈဟည်ရောတ်ဒေဲႈ ချီုင်ခေါႈချီုင်မှည် ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ လိုရေဲန်မိူဝ်ႈ ကနာည်နံင်ဒံန်ခြဲအန္တရာယ်ဖေးငံရ်။ ဒါင်းဒါင်းအ်ုန် လိုအူန်းအိုမ်ပျြံင်၊ အိုမ်ပျြံင်စာက်၊ ပ္လါႇ စေ၊ ဂြူဒါ၊ ဟေ၊ ဟြံင်၊ ဓနိ၊ ပ္လံင် မျိုးအီက္လိုႇငှိူည်ကဲနီန် ကတီးကရီး။
#PSLF/TNLA
#တီုင်ပ္လေႈလေႈဆဒါင်
Comment Lists