ခေဲင်ကျံရ်အိုည်နီန် PSLF/TNLA လူမ်တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်လေႈဒေင်ဒဲႈလော်င်ပိင်ငျာ ခေဲင်ရဝ်(34)ရဝ်
02 April 2026
ခေဲင်ကျံရ်အိုည်နီန် PSLF/TNLA လူမ်တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်လေႈဒေင်ဒဲႈလော်င်ပိင်ငျာ ခေဲင်ရဝ်(34)ရဝ်
အိုမ်ယ်ုရ်၊ ကျံရ်ဖိုန် ဆငည်း(2)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာန ကောန်အီပ်ုန်ဟြေဲႈဒါင်းဟိုက်ဇာရ်ဂဲ ခေဲင်ကျံရ်အိုည်နီန် ဘယ်လေႈဒေင် ဒဲႈလော်င်ပိင်ငျာ ခေဲင်ရဝ်(34)ရဝ်အောႏ။
ပ်ုန်လေႈဒေင်ဒဲႈလော်င်ပိင်ငျာနီန်မိုႈ ခေဲင်လှံင်အေဲမ်ခြီရ် ရဝ်(2)ရဝ်၊ လှံင်အေဲမ်ငူည် ရဝ်(2)ရဝ်၊ လှံင်ကုင်ငှေါ ရဝ်(3)ရဝ်၊ လှံင်ဆဘော ရဝ်(4)ရဝ်၊ လှံင်အိုမ်ယ်ုရ် ရဝ်(6)ရဝ်၊ လှံင်ရူကော ရဝ်(12)ရဝ်၊ လှံငိအိုမ်ငျံရ် ရဝ်(2)ရဝ် ကာည်း လှံင်မာဝ်းႎံင်း ရဝ်(1)ရဝ် ကဲနီန်းအောႏ။
တီုင်ဌာနကောန်အီပ်ုန်ဟြေဲႈဒါင်းဟိုက်ဇာရ်ဂဲ ရေဲန်ဇီုင်းကာန် လှံင်(8)လှံင် ကာည်း ကူန်ရဝ်မာဂါင်(1189)အီး ဒဲႈဟာဝ်းလော်င်ပိင်ငျာ ဘည်ပ္လေဲဝ်လူည်ႇအခွါင်းအရေး ခေဲင်ရဝ်ဂါင်၊ လံပ်ခေါခါႇကာည်း ကောန်အီပ်ုန်၊ ဘည်ပျောတခိူည်းရဟောမ်ရမာကာည်း ကောန်အီပ်ုန်၊ လံပ်ပိင်ငျာ ကာည်းကောန်အီပ်ုန်၊ အရေးခံင်ယိူည်ႇကာည်း ကောန်အီပ်ုန်၊ ဘည်ကောန်အီပ်ုန်ခံတ်ဇေဝ်း၊ လံပ်ဘြောင်ရိူန်းခြီရ်ကာည်း ကောန်အီပ်ုန်၊ အခွါင်းအရေးကာည်း ကောန်အီပ်ုန်၊ ဘည်ကောန်အီပ်ုန် ဘိူန်းဘ္လူတ်ဟောမ်ဂြိုခြီုင်ဥစ္စာ၊ ဘည်ကကာ်ႈအဆာင်းရဟောမ်ရမာ ဘည်အခွါင်းအရေး ကောန်ဒဲႇ၊ ဘည်ခ္လါည်းအဆာက်အူကိူရ် ဟိုက်နှာတေဲင်၊ ဘည်ဒဲႈပိင်ငျာကဆီုဝ်လိင်ကာည်း ဘည်ခေါခါႇအဆီုပ်ခြိူဝ်းကဲနီန်။
ဘည်ကဆီုဝ်PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဒါင်းဒါင်းအ်ုန် ကဲရေဲန်ဟာဝ်းဇီုင်းကာန် ဒံန်ခြဲဒဲႈဘည်ပ္လေဲဝ်အခါင်းအရေး တေဲင်ကောန်အီပ်ုန်ဂဲ၊ ရေဲန်ဇီုင်းကာန် လံပ်နှဘာည်း တေဲင်ကောန်အီပ်ုန်ဂဲ ယောမ်ဟာဝ်း၊ ဘည်ဖီုက်လျှံင်ပဇာရ်ဒဲႈ ပ်ုန်လိုနံပ်ဆမာ ကောန်အီပ်ုန်ဂဲ၊ ရေဲန်ဇီုင်းကာန် လံပ်ဆာ်ႈဟိုရ် ဒဲႈလော်င်ပိင်ငျာ တကူန်ရဝ်မာဂါင်ဂဲ၊ ဒဲႈလော်င်ပိင်ငျာ ဘည်ဟျံင်ႎဲ့ကာည်း ဘည်လိုဘယ်ချှာင် ကပါ်ႇကပံန်ရိူန်းလီပ်ရိူန်းလေႈတဂါင်ကဲနီန်။
ဆဲႈဒါႇဒီန် ခေဲင်ကျံရ်အာရ်ဒိူန် ဒဲႈဟာဝ်းလော်င်ပိင်ငျာ တကူန်ရဝ်မာဂါင် ပလှံင်အိုမ်ယ်ုရ် ရဝ်(17)၊ လှံင်ဆဘော ရဝ်(1)ရဝ်၊ လှံင်ကုင်ငှေါ ရဝ်(10)ရဝ်၊ လှံင်အေဲမ်ခြီရ် ရဝ်(16)ရဝ် ကာည်း လှံင်ကိုက်ခည်း ရဝ်(54)ရဝ် ကစုကပိုမ်ကူန်ရဝ်မာဂါင် (5387)အီး။
#PSLF/TNLA
#တီုင်ပ္လေႈလေႈဆဒါင်
Comment Lists