ပလှံင်ရူကော ဘ်ုန်ဟောည်ႇတျံင်စိုင်းအိုမ်ဘာႈ ပဲန်ဟာဝ်းကြောႈဂီုန်းကငေါႈ ငေါႈယံမ်းကောန်အီမာည်းအူအီ
07 May 2026
ပလှံင်ရူကော ဘ်ုန်ဟောည်ႇတျံင်စိုင်းအိုမ်ဘာႈ ပဲန်ဟာဝ်းကြောႈဂီုန်းကငေါႈ ငေါႈယံမ်းကောန်အီမာည်းအူအီး
ရူကော၊ ကျံရ်ဖံန်၊ ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်ရူကော၊ ကောန်အီမာည်း(3)အီး ရေဲန်ကာန် ခေဲင်လှံင်ရူကော ဘ်ုန်ဟောည်ႇတျံင်စိုင်းအိုမ်ဘာႈ ပဲန်ဟာဝ်းကြောႈဂီုန်းကငေါႈ ပဲန်ငေါႈယံမ်း ကောန်အီမာည်းအူအီး။
ဘည်မိုႈဘာည်းဘည်အ်ုန် ကျံရ်ဖံန်၊ ဆငည်း(2) ကောန်အီမာည်း(3)အီးဒီန် ရေဲန်ဇီုင်းကာန်ခံပ်ယည်အူတ် အခိင်လေႈဇီုင်း ကဲစီတျံင်စိုင်းအိုမ်ဘာႈ တဂါင်ကညားတာပေါ်လေင်ဂဲ မာည်းတာန်းထေ ကာည်း မာည်းအံင်ကိုအူဒီန် ပဲန်ဟာဝ်းကြောႈဂီုန်းကငေါႈ မာည်းမီင်လီပ်ဒံန်ခြဲဂါရ်အာရ်အီ။
အခိင်လီပ်ဒံန်ခြဲဂါရ်အာရ်အီးဒီန် မာည်းမီင် စီဒါဟေ ငေါႈကိင် မာည်းအံင်ကိုအူး ဂေါႇအ်ုန်ဒါဟေငေါႈဘည်ဒီန် ကိင်ကဒါႇလံပ်တ်ုမ် ကတူႈဖေးဘာတ်ဒါင်း။
ဖုင်ပလိက်ကုင်တအာင်း-PSLF/TNLAဂဲ ရောတ်ဒေစေတ်မေန်းဟာဝ်း ဒီပဲန်ဟာဝ်းအမှု ကညားကတူႈဘိူန်းဖေးဘာတ်မာ် တိုန်းဟိုက်ပယုင်ဆနံမ် အခိင်ရမှိူမ်(9:00)နြီထာန်နီး ယံမ်းဟာဝ်းပွံတ်ကဆီုဝ်ဒီန်အောႏ။
ဆာ်မိုႈ မာည်းမီင်ဒီန် ဖုင်ပလိက်ကုင်တအာင်းဂဲ တိုည်းထိင်အူန်းအ်ုန် နှာင်းတေဲႈဟာဝ်းလိူည်အရေးတောပ်ဘည်ဥပဒေအ်ုန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists