ဖုင်ဘေဲႇတအာင်း-TLAဂဲ ဆော်အွံရ်ဖီုက်လျှံင်ပဇာရ်ဒဲႈဟာဝ်းဘည်ပနောဘေဲႇတအာင်း တတာဆြာ/ယာဆြာ
09 June 2026
ဖုင်ဘေဲႇတအာင်း-TLAဂဲ ဆော်အွံရ်ဖီုက်လျှံင်ပဇာရ်ဒဲႈဟာဝ်းဘည်ပနောဘေဲႇတအာင်း တတာဆြာ/ယာဆြာ
အိုမ်ယ်ုရ်၊ ကျံရ်တောရ်၊ ဆငည်း(9)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ ခေဲင်လှံင်အေဲမ်ခြီရ် ပ်ုန်ကယေင်ဖုင်ဘေဲႇတအာင်း-TLAဂဲ ဆော်အွံရ်ဖီုက်လျှံင်ပဇာရ်ဒဲႈဟာဝ်းဘည်ပနောဘေဲႇတအာင်း တတာဆြာ/ယာဆြာ ကော်င်ဆံရ်ဇီုင်းပိင်ငျာကုင်တအာင်း-(TLEC) ကနာည်ဘည်ပနောဟာဝ်းဘေဲႇ တကောန်ကျောင် နှာင်းဇော်ႈလကတီးကရီး။
ပ္လေါည်ႎိူဝ်ႈဟာဝ်းႎါင်ပနောဒီန် ဘံန်ဟောည်ႇဒေဲႈ ကျံရ်တောရ်၊ ဆငည်း(2)ဒိူန် ႎိူဝ်ႈဟောည်ႇဟာဝ်း ထာန်လှေင်ႎါင်ပနောဒီန် (15)ဆငည်း။ ကဲအီဟိုက်ရောတ်ဒေဲႈ ခေဲင်ပ္လေါည်ဖီုက်လျှံင်ပဇာရ်ဘည်ပနောဒဲႈဘေဲႇတအာင်းဒီန် ဖုင်ဘေဲႇတအာင်း-(TLA) အီရံပ်ဇီုင်းကပ္လိူင်း၊ တာဆြာ/ယာဆြာ အီနှာင်းဒဲႈဟာဝ်းႎါင်ပနော ကာည်း ကောန်ႎါင်ပနော ကစုကပိုမ်ဂေါည်(50)အီး ဟိုက်ရောတ်ဒဲႈအောႏ။
ခေဲင်ႎါင်ပနောဒီန်မာ် တာဆြာ/ယာဆြာ အီရံပ်ဇီုင်းကပ္လိူင်း ခေဲင်လှံင်အေဲမ်ခြီရ် ယာဆြာ(34)အီး ကာည်း တာဆြာ(12)အီး ကစုကပိုမ်(46)အီးဟိုက်ရောတ်ဒေဲႈ။ ခေဲင်ဖီုက်လျှံင်ပဇာရ်ဘည်ပနောဒဲႈဘေဲႇတအာင်းနီးမိုႈ ဘည်ဒီရ်ႈဘေဲႇတအာင်း၊ ဘည်ကိက်ဘေဲႇ၊ ဘည်ပနောဒဲႈဘေဲႇ ကာည်း ဖာဆာဘည်ကြောႈက္လာင်း တောန်နဲ။
ဆာ်ႈဟောည်ႇႎါင်ပနောနီန် တာဆြာ/ယာဆြာဂဲ အီဟောည်ႇဟိုက်ဂဲဒိူန် ဒီရံပ်လာည်းဇီုင်းကပ္လိူင်း တောန်ကျောင် နှာင်းႎီရ်ကံပ်ဘယ်ပနောဒဲႈဟာဝ်း တကောန်ကျောင်ဂဲ ဘေဲႇတအာင်း ကာည်း ဖာဆာကြောႈတအာင်း ကတီးကရီး။
မိုႈဘို ခေဲင်ကုင်တအာင်းနီး လှံင်ရူကော ကာည်း လှံင်အိုမ်ယ်ုရ်မာ် ဖုင်ဘေဲႇတအာင်း-TLAဂဲ ဆော်အွံရ်ဖီုက်လျှံင်ပဇာရ်ဒဲႈဟာဝ်းဘည်ပနောဘေဲႇတအာင်း တတာဆြာ/ယာဆြာ အီရံပ်ဇီုင်းကာန် ခေဲင်ကော်င်ဆံရ်ဇီုင်းပိင်ငျာကုင်တအာင်း-TLECဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists