ကျောင်ဒီပလိုမာ အိင်ဂလိက်-Ta’angland English Center (TEC) ႎိူဝ်ႈဟာဝ်း Diploma in English Program (Batch-1)လိူဝ်ႈ(1)နီန် ပလှံင်အိုမ်ယ်ုရ်
11 June 2026
ကျောင်ဒီပလိုမာ အိင်ဂလိက်-Ta’angland English Center (TEC) ႎိူဝ်ႈဟာဝ်း Diploma in English Program (Batch-1)လိူဝ်ႈ(1)နီန် ပလှံင်အိုမ်ယ်ုရ်
အိုမ်ယ်ုရ်၊ ကျံရ်တောရ်၊ ဆငည်း(11)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဇူႈဆန်ုမ်2026၊ ကျံရ်တောရ်၊ ဆငည်း(10) ကျောင်ဒီပလိုမာ အိင်ဂလိက်-Ta’angland English Center (TEC) ရေဲန်ပ္လေါည်ႎိူဝ်ႈဟောည်ႇဟာဝ်း Diploma in English Program (Batch-1)လိူဝ်ႈ(1)နီန် ပလှံင်အိုမ်ယ်ုရ်အောႏ။
ခေဲင်ပ္လေါည်ႎိူဝ်ႈကျောင်ဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း တားပါင်လ၊ တားဘ္လံက်ချှာင်တြား တားအိုမ်ယ်ုရ်၊ အီရံပ်ဇီုင်းကပ္လိူင်းတောန်တီုင်ဌာန၊ ကောန်ႎါင်ပနော ကာည်း ကူန်ရဝ်မာဂါင်ဂဲ ကစုကပိုမ်ဂေါည်(200)အီး ဟိုက်ရောတ်ဒေဲႈအောႏ။
ခေဲင်ပ္လေါည်ႎိူဝ်ႈကျောင်ဒီန် ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း တားပါင်လ က္လာင်းကြောႈတံမ်း”ဒါႈ” ကဆီုဝ်ယဲပနောဘေဲႇဘ္လောမ်ဘြေ့ ဆိင်ပဲန်ဒါ့်ကီုတ်ဘံန်း ကတူႈခံမ်းကီန်းဒည်းတောန်နဲ။ ဂေါပ်ဘည်ဒီန် ကဇေန်းနီး စိႎိူဝ်ႈဟာဝ်း ကျောင်ဒီပလိုမာ အိင်ဂလိက်နီန်။ ဆာ်ႈအယ်ဟောည်ႇအံင်ဟာဝ်းကျောင်ဒီန် ကုင်တအာင်းခေဲင်တီုင်ဌာနတောန်နီမာ် ဟံပ်ဒဲႈနှာင်းဘိူန်းရံပ်လာည်းဟာဝ်းဇီုင်းမာ်မိူဝ်ႈ ပ္လေႈတိုန်းဟာဝ်းပကုင်အီဟံရ် ဆီုပ်ပနောဟာဝ်းဘိုးဘေဲႇမိူဝ်ႈ။
ကျောင်ဒီပလိုမာ အိင်ဂလိက်-Diploma in English Programနီး နှာင်းႎိူဝ်ႈဟာဝ်း Semesterအ်ုန်ပဲန်(3)လှေ ထာန်လှေင်ႎါင်ပနော နှာင်းဂေါည်(18)ပကျံရ်။ ခေဲင်ႎါင်ပနောဒီန် CEFR (Common European Framework of Reference for Languages) နှာင်းပနောဟာဝ်း အဆာင်-A1 ကာည်း အဆာင်-B2 ကျောင်နီန်မိုႈ အဆေဘယ်ဟိုက်ဟာဝ်း တက္လသိုလ်ချှံန်ဇာရ် Curriculum၊ Credit Unit၊ Assessment ကာည်း Extracurricular Activitiesနီန်မာ် ဟံပ်ပနောဟာဝ်းဘို။
ကောန်ႎါင်ပနော အီဟိုက်ကျောင်ဒီပလိုမာ အိင်ဂလိက်နီန်း ထာန်ပ္လတာန်းဘေဲႇ (၁၀)တာန်းအံင်လိုမိုႈဆန်ုမ်ပျီမ် ကာည်း အီအံင်ဆန်ုမ်တမည်း ကာည်း အီနှာင်းဟိုက်Grade (12) နှာင်းရာ်ႈဟာဝ်း။ အီအံင် Diploma in English Program (Batch-1) ကောန်ႎါင်ပနောဂေါည် (21)အီး ကာည်း ကောန်ႎါင်ပနော (14)အီး ကစုကပိုမ်ဂေါည်(35)အီးအောႏ။
ပ်ုန်ကယေင်ႎိူဝ်ႈဟာဝ်းကျောင်-Ta’angland English Center (TEC) ကာည်း Diploma in English Programနီန် ဆိင်ပျိုဝ်ႇအယ်မိူဝ်ႈ တိုအီးနံပ်/တိုအီးဆမား လံပ်ဘေဲႇအိင်ဂလိက်နံင်ဂီုန်း၊ ဆိင်ပဇာရ်လံပ်ပိင်ငျာ ခေဲင်ကပီုန်တအာင်း မောကံပ်နံင်ကဖြေင်ကဒိူဝ်ႇ ဘာည်းလံပ်ပိင်ငျာ ကုင်အီဟံရ်၊ နံင်ကောန်တအာင်းဂဲ လိူန်းအခွါင်းအရေး ပနောဟာဝ်း တက္ကသိုလ်ချှံန်ဇာရ် ပကုင်အီဟံရ်၊ တောပ်လိူည်ခူရ်က္လာည်းအရေးတီုင်ကုင်ကဇေန်နီန်း နံင်ကောန်တဘိုတ်တအာင်းအယ် ဘိူန်းဒေ ဆီုပ်ပနောဟာဝ်း လံပ်ပိင်ငျာကတီးကရီး၊ ဒဲႈအယ်ဘိူန်းဒါး ရဲင်ဘ္လောမ်တိုအီး အခိင်ပျိုဝ်ႇယိူဝ်ႇကုင်တအာင်း နံင်ကတာႈဒါင်းဇာရ်။
PSLF/TNLA
တီုင်ပ္လေႈလေႈဆဒါင်
Comment Lists