ဂေါႇဘြည်က္လာည်းဒါင်း ပရဝ်ပါင်ယိုက်ဂိုရ် တံင်ဟေဒါင်းဂေႈတက်ုတ်တေဲင်ဂါင် ကောန်ဒဲႇ(1)အီးယံမ်း၊ (3)အီး ကတူႈဖေးဆဲဝ်
11 June 2026
ဂေါႇဘြည်က္လာည်းဒါင်း ပရဝ်ပါင်ယိုက်ဂိုရ် တံင်ဟေဒါင်းဂေႈတက်ုတ်တေဲင်ဂါင် ကောန်ဒဲႇ(1)အီးယံမ်း၊ (3)အီး ကတူႈဖေးဆဲဝ်
အေဲမ်ငူည်၊ ကျံရ်တောရ် ဆငည်း(11)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ငူည်၊ ဂေါႇဘြည်က္လာည်းဒါင်း ပရဝ်ပါင်ယိုက်ဂိုရ် တံင်ဟေဒါင်းဂေႈတက်ုတ်တေဲင်ဂါင် ကောန်ဒဲႇ(1)အီးယံမ်း၊ (3)အီးကတူႈဖေးဆဲဝ်။
ကျံရ်တောရ် ဆငည်း(9) အခိင်ခီညှာ(8:00) နြီဒိူန် ပရဝ်ပါင်ယိုက်ဂိုရ် အခိင်ရဟောမ်ရမာ တာအဇူန်(ဂျွန်)ဂဲ ဟောမ်ပေါမ်ညှာဒိူန် ဂေါႇဘြည်က္လာည်းဒါင်း တံင်ဟေဒါင်းအီဂေါည်တပြောဂါင် ငျားဂေႈတက်ုတ်လေႈ တေဲင်ဂါင်ဂေါည်ဂဲ။
ဂေါႇတံင်ဟေဂေႈတက်ုတ်ဘည်ဒီန် ဘဝ်ရမာ တာအဇူန်(ဂျွန်)၊ ကဝ်အီမိုႈကဲန်ဂဲ ကာည်း ကောန်ဒဲႇ(2)အီး ကတူႈဖေးဆဲဝ်။ အီကတူႈဖေးဆဲဝ် ခေဲင်(5)အီးဂဲဒီန် အ်ုန်တောပ်ကောန်ႎှါဒဲႇ(2)အီး၊ အူအီးဒိူန် ငျားလံက်ကိင်အ်ုန် ကာည်း ငါည်အ်ုန် ကတူႈဖေးဆဲဝ်ဒါင်း အခိင်တိုန်းဟာဝ်းဆနံမ် ပယုင်ဆနံမ် အ်ုန်ငျားယံမ်းဟာဝ်း။
ႎါည်ပဲန်အမှုဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်လှံင်ကုင်တအာင်း ဟာဝ်းစေတ်ဆေး ဒီပဲန်အမှုဒီန် ကဇောည်ဒဲႈဒီလိုအ်ုန် ကာည်း ဆီုပ်ရေဲန်ဟာဝ်းအူန်း ဇီုင်းကာန်စေတ်ဆေး ဘည်ပဲန်အ်ုန်ဒီန်။
ဂေါႇမိုႈ ဟည်ရောတ်စာ်မ်းဒေဲႈ ဇိုချီုင်ဘြည်က္လာည်း ဘည်ကဆီုဝ်ကူန်ရဝ်မာဂါင်ဂဲ လိုအူန်းဆဒိဒါင်းဒါင်း ဘည်မိုႈဖေးအန္တရာယ် ဒီမိူဝ်ႈတံင်ဟေ ဂေါည်တကြာက်ဂါင်အယ်၊ ဘည်မိုႈဘည်ဘာည်း ကာတံင်ဟေ ဆမာဇောႈဂေႈ ကာည်း ဖေးအန္တရာယ် ကတာည်းတက္လာႈဇောႈကဲနီန်။ ဆဲႈဒါႇဒီန် ဂေါႇဆဖာဝဖေးအန္တရာယ်ကဲနီန် ဆိင်ပ္လူႈဆဒိ တကူန်ရဝ်မာဂါင်ဂဲ နှာင်းအာဝ်ကတူႈချှူမ် အဆာက်၊ ဂါင်ဂေါည် ကာည်း ဖေးန္တရာယ်တောန်မျိုး လိုဆာင်လာင်းဟာဝ်းတံင်ဟေ၊ ကာတံင်ဟေ တပြောဒီဂေါည်အယ်ကာည်း လိုဂေါည်ႎဲႈဒါႇ ဒီဆမာပဲန်ကတာည်း တက္လာႈဇောႈကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists