ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် ကာည်း မောကံပ်ဆာယာချှီႇတခိူည်း တီႇဆ်ုမ်တံင်ပိုႈ၊ တံင်ပ္လေ (15,000)လေႈ ခေဲင်လှံင်ရူကော ကာည်း လှံင်အိုမ်ယ်ုရ်
12 June 2026
ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် ကာည်း မောကံပ်ဆာယာချှီႇတခိူည်း တီႇဆ်ုမ်တံင်ပိုႈ၊ တံင်ပ္လေ (15,000)လေႈ ခေဲင်လှံင်ရူကော ကာည်း လှံင်အိုမ်ယ်ုရ်
ရူကော၊ ကျံရ်တောရ်၊ ဆငည်း(12)
ဆဒါင်ကုင်တအာင်း
ကုင်တအာင်း၊ လှံင်ရူကော ကာည်း လှံင်အိုမ်ယ်ုရ် ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ်၊ ထုင်မှိူမ်ထုင်ရိုဘိုဇေန် ကာည်း မောကံပ်ဆာယာချှီႇတခိူည်း တံပ်အွံရ်ပ်ုန်လောတ်ကပီုန်တအာင်း- PSLF/TNLA၊ အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ကရောမ် တီႇဆ်ုမ်တံင်ပိုႈ၊ တံင်ပ္လေ (15,000)လေႈထာန်အောႏ။
ဘံန်ဟောည်ႇဟာဝ်း ကျံရ်တောရ်၊ ဆငည်း(5) ရောတ် ဆငည်း(10) အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ကရောမ်တီႇဆ်ုမ်တံင်ပိုႈ၊ တံင်ပ္လေ(6000)လေႈ ခေဲင်လှံင်ရူကော ကဒါႇဒေင်ဟိုက်တေဲင်အာဇာနည်၊ ပကျောင်ပနောဘေဲႇအဆာင်ဇာရ်၊ ရဝ်မံန်ပတ်၊ ရဝ်ဟိုမိူင်း၊ ရဝ်လောည်ကာန်၊ ရဝ်မံန်ကာန် ကာည်း ရဝ်ပါင်ခါးဒဲႇ ဒေင်ဟာဝ်းတိုအီး ကပါ့်ကပံန် တီႇဆ်ုမ်ဟာဝ်း။
မိုႈဘိုး ခေဲင်လှံင်အိုမ်ယ်ုရ်မာ် တေဲင်ဆိုရ်ကဒံင်ဖြား၊ တေဲင်ဆိုရ်လောည်ဆဲင်၊ ရဝ်တောင်မ၊ ရဝ်လောည်ခံမ်း၊ ရဝ်ငွန်းဆဲင်၊ ရဝ်မံန်ပါင်၊ ရဝ်မံန်မာည်း၊ ရဝ်အိုမ်မကောႇ ကာည်း ရဝ်ဒေင်ကယား တောန်ဒီ ဘံန်ဟောည်ႇဒေဲႈ ကျံရ်ဖံန်၊ ဆငည်း(14) ရောတ် ကျံရ်တောရ်၊ ဆငည်း(5) အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ကရောမ်တီႇဆ်ုမ်တံင်ပိုႈ၊ တံင်ပ္လေ(9,000)လေႈအောႏ။
မောကံပ်ဆဖာဝအရာပ်အရာ ဆာယာချှီႇတခိူည်း ကာည်း မောကံပ်ဘိူန်းရလှဲဝ်ဒါဒီလှု PSLF/TNLA ဆာ်ႈအွံရ် ဆီုပ်တီႇဆ်ုမ်ဟာဝ်းဘိုး ပိုႈစေင်၊ ကာမ်ကော်၊ ခယေ၊ ဆေင်ပါန်းလ၊ ဆေင်ခိုပါန်း၊ ရေသင်းဝင်၊ ငုဝါ၊ ငုရွှေ၊ ငုစပ်၊ သပြေဘူတ၊ ပိတောက်၊ အုန်းပွါး ကာည်း အာကျုံးလမ်းကဲနီန်။
ဆဲႈဒီန် မောကံပ်ဆဖာဝအရာပ်အရာ ဆာယာချှီႇတခိူည်း ကာည်း မောကံပ်ဘိူန်းရလှဲဝ်ဒါဒီလှု PSLF/TNLA ဆာ်ႈအွံရ် ပ္လူႈဆဒိ တကူန်ရဝ်မာဂါင်ဂဲ လိုတီႇဆ်ုမ်ဟာဝ်း တံင်ပိုႈ၊ တံင်ပ္လေနီန်မိုႈ ကနာည်ဇီုင်းကာန်ဆဖာဝ အရာပ်အရာလံပ်ဆာယာချှီႇတခိူည်း ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် မောကံပ်ဆာယာချှီႇတခိူည်း ကဇောည်ထိင်ခြဲဟာဝ်းအ်ုန်အောႏ။
မိုႈဘို ပလှံင်အေဲမ်ခြီရ်၊ ဘံန်ဟောည်ႇဒေဲႈ ကျံရ်တောရ်၊ ဆငည်း(5)ဒိူန်မာ် ဘည်ရောတ်စော်မ်းဒေဲႈ ဆငည်းထိင်ခြဲဆဖာဝအရာပ်အရာ တီုင်အိုမ်ဘြည်ကတာည်း ကာည်း (LFCD)ဂဲ၊ ဖုင်ငိူပ်မေန်းဆဖာဝအရာပ်အရာကုင်တအာင်း-TEM ကာည်း ကူန်ရဝ်မာဂါင်ဂဲ ကစုကပိုမ်ဒေ တီႇဆ်ုမ်တံင်ဟေ ကာည်း တံင်ပိုႈ (700)လေႈထာန်ဒီန်အောႏ။
ဆဲႈဒီန် ဘံန်ဟောည်ႇဒေဲႈ ကျံရ်ဖံန်၊ ဆငည်း(25) ရောတ် ဆငည်း(27)ဒိူန်မာ် ပလှံင်အိုမ်ငျံရ်၊ ရဝ်ခိုဖိတ်၊ ရဝ်မဲင်ဆင် ကာည်း ခနားရဝ်ဘော်တွင်း ဒေင်ဒါင်းတောန်ဒီန် အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ကရောမ်တီႇဆ်ုမ်တံင်ပိုႈ၊ တံင်ပ္လေ(12,000)လေႈအောႏ။
လောင် တီႇဆ်ုမ် တံင်ဟေ၊ တံင်ပိုႈဒီန် ကနာည်ထိင်ခြဲဆဖာဝအရာပ်အရာ၊ ကနာည်ထိင်ခြဲခူရ်က္လာည်း၊ ကနာည်ထိင်ခြဲအိုမ်ဘြည်ကတာည်း ကာည်း ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ်၊ ထုင်မှိူမ်ထုင်ရိုဘိုဇေန် ကာည်း မောကံပ်ဆာယာချှီႇတခိူည်း ဆဲႈဒါႇဒီန် ပ်ုန်တီႇဆ်ုမ်ဟာဝ်းနီန် နှာင်းတိုဆံတ်ကဲ အာဝ်ဘိူန်းလီပ်ကဝ် မှာန်းကူန်ရဝ်မာဂါင်ဂဲ ကပိုမ်ကဇောည်ဒံန်ခြဲကပါ်ႇကပံန်ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists