ရေဲန်ဟောည်ႇပ္လေါည်ပ္လိုတ်ႎါင်ပနော ပဇာရ်ဇီုင်းကာန်တားပလိက်လှံင် လိူဝ်ႈ(1) မောကံပ်မိူဝ်ႈ လံပ်ကတ်ုမ် တကူန်ရဝ်မာဂါင်ဂဲ ကာည်း ဇီုင်းကာန်ဘ္လီုက်လှူပ်တြားဥပဒေ ခေဲင်ကုင်တအာင်း
16 June 2026
ရေဲန်ဟောည်ႇပ္လေါည်ပ္လိုတ်ႎါင်ပနော ပဇာရ်ဇီုင်းကာန်တားပလိက်လှံင် လိူဝ်ႈ(1) မောကံပ်မိူဝ်ႈ လံပ်ကတ်ုမ် တကူန်ရဝ်မာဂါင်ဂဲ ကာည်း ဇီုင်းကာန်ဘ္လီုက်လှူပ်တြားဥပဒေ ခေဲင်ကုင်တအာင်း
အိုမ်ငျံရ်၊ ကျံရ်တောရ် ဆငည်း(16)
ဆဒါင်ကုင်တအာင်း
ကုင်တအာင်း၊ အိူင်ရူကော၊ ပလှံင်အိုမ်ငျံရ်၊ ကျံရ်တောရ် ဆငည်း(14)ဒိူန် ဖုင်ပလိက်ကုင်တအာင်း ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပဇာရ်ဇီုင်းကာန်တားပလိက်လှံင် လိူဝ်ႈ(1) ပ်ုန်ကယေင်ႎိူဝ်ႈဟာဝ်း ႎါင်ပနောနီန်မိုႈ မောကံပ်ဘယ်ပဇာရ်ဆာ်ႈအွံရ် ဖုင်ပလိက်ကုင်တအာင်း၊ မောကံပ်ဆမားဇီုင်းကာန် ကတီးကရီး ကာည်း မောကံပ်နံပ်ပိင်ငျာ ဥပဒေ ကတာရ်ႈဒါင်းဇာရ်မှယ်နီန် ႎိူဝ်ႈပနောဟာဝ်း လှေင်(3)ကျံရ်အောႏ။
ပ္လေါည်ပ္လိုတ်ႎါင်ပနောနီန် PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ တားတီုင်ဘြောင်ချှာင် ခူန်အွံရ်ချု တားဂူႈဇာရ်၊ တာမ်တားတီုင်အွံရ်ဆီုက် ခူန်အွံရ်ချု တားဂေါင်ဆဲင်၊ တားပလိက်ကုင်တအာင်း ခူန်အွံရ်ဒါင်း တားကုင်ခြီရ်၊ တားဘ္လံက်ချှာင်တြား တားအိုမ်ယ်ုရ်၊ တားတီုင်စေတ်မေန်းတိုအီး ခူန်အွံရ် တားရူစိင်၊ အီရံပ်ဇီုင်းကပ္လိူင်ဂဲ၊ တာဆြာအီပနောဒဲႈဂဲ ကာည်း ကောန်ကျောင်အီဟိုက်ႎါင်ပနောဂဲ ကစုကပိုမ်(100)အီးလှိူဝ်း ဟိုက်ရောတ်ဒေဲႈအောႏ။
ခေဲင်ႎါင်ပနောနီန် ပနောဒဲႈဟာဝ်း ဘာသာ(14)နဲ ဘည်လိုဒါအလှီးအခ်ု၊ အီဟိုက်ႎါင်ပနောဖုင်ပလိက်ဂဲ ကောန်အီမာည်း(23)အီး ကာည်း ကောန်အီပ်ုန်(1)အီး ကစုကပိုမ်ဂေါည်(24)အီး ဟိုက်ဟောည်ႇဟာဝ်း ခေဲင်ႎါင်ပနောနီန်။
ဘာသာပ်ုန်ပနောဒဲႈဟာဝ်းမိုႈ ဆံက်ဆေတြားခါမ် ဥပဒေ၊ ဘည်လိုချှာင်ဇီုင်းကာန် အမှုစေတ်ဆေး၊ ဘည်လိုချှာင်ကကာႈဇီုင်းကာန်လူမ်၊ လံပ်ဘြောင်ချှာင်ဂါင်တံပ်ပလိက်၊ အီုင်ဂ္လံတ်ဒါင်း ကာည်း ဥပဒေပ်ုန်ဒါ၊ လံပ်ကတ်ုမ် ကာည်း ဇီုင်းကာန်လံပ်ထေဝ်စဲမ်၊ ဆနီတ်ဇီုင်းကာန်ကပ္လိူင်ကူန်ရဝ်မာဂါင်ဂဲ (Community Policing)၊ ဘည်လိုကဖြောမ်ကရောမ်တောပ် ဖုင်ဘဝ်ကီုက်ဒါင်း ကာည်း ဘည်လိုရေဲန် ဇီုင်းကာန်အီကဆီုဝ်ကဆဲင် ဆဖာဝဖေးအန္တရာယ်ကဲနီန်။
ခေဲင်ပ္လေါည်ပ္လိုတ်ႎါင်ပနောနီန် ခူန်ချု တားဘုင်ကျော် က္လာင်းကြောႈတံမ်းဒါႈ “ ဘာသာပ်ုန်ပနောဒဲႈ ခေဲင်ႎါင်ပနောနီန် ကာည်း ပ်ုန်နံပ်ဆမားအယ်ခေဲင်ဇီုင်းကာန် လိုကစုကပိုမ် ရီန်းရဲတ်ရေဲန်ဇီုင်းကာန် ကနာည်လံပ်ကတ်ုမ် ကူန်ရဝ်မာဂါင်ဂဲ ကာည်း ကနာည်ဇီုင်းကာန်ဘ္လီုက်လှူပ်တြားဥပဒေ မောကံပ်ပေန် မိူဝ်ႈဒီနောႈဒါင်း ကနာည်ဖုင်ပလိက်အယ်၊ ဒါႇခူဒီန် ဘည်ကဆီုဝ်ဖုင်ပလိက်ဂဲ ဇိုချီုင်ရေဲန်ဇီုင်းကာန်ဥပဒေဒိူန် ခေါပ်ပြာႇခေါပ်ဒဲန် ပ်ုန်ပ္လအယ် ကာည်း လိုဟံပ်နောႈဟံပ်ဖိူမ်အယ် ရေဲန်ဇီုင်းကာန်ဥပဒေနီန် မောကံပ်ပေန်ကျဒေဲႈမှယ်နီန်။
ႎါည်ဒီန် ဇိုချီုင်ႎါင်ပနောနီန် ချဒဲႈဟာဝ်းဆု တကောန်ႎါင်ပနောဂဲ အီးလှဲမ်ဘေဲႇ ဆမားနံပ်ဇီုင်းကပ္လိူင်၊ ဘည်ကဖြောမ်နောႈ၊ ပိင်ငျာလှဲမ်တောန်ကဒါႇ၊ ဘည်ပဇာရ်ဆာ်ႈအွံရ်၊ အီလှဲမ်ဘေဲႇဘာန်း ကာည်း ဘည်ကမိုန်ကြောႈက္လာင်း (Presention)ကဲနီန်အောႏ။
ဘည်ႎိူဝ်ႈႎါင်ပနောနီန်မိုႈ မောကံပ်ဘယ်ကဇောည်ထာ့်ဒဲႈ ပ်ုန်နံပ်ပ်ုန်ဆမား အီဆီုဝ်ကဆဲင်ဥပဒေ၊ ဘည်ဖီုက်လျှံင်ပဇာရ် ဘယ်ဆာ်ႈအွံရ်ချှာင်ဇီုင်းကာန်၊ ဘည်ကဖြောမ်ကရောမ်တောပ် ကူန်ရဝ်မာဂါင်ဂဲ ကနာည်မိူဝ်ႈလံပ်ကတ်ုမ်၊ ဇီုင်းကာန်ဘ္လီုက်လှူပ်တြားဥပဒေ ကာည်း မောကံပ်ဘယ် ချှာင်ဇီုင်းကာန် ဆဖာဝဖေးအန္တရာယ် ကတီးကရီး ခေဲင်ကုင်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists