ဖုင်ဘေဲႇတအာင်း-TLAဂဲ ရေဲန်ပ္လေါည်ႎိူဝ်ႈႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(6)
20 July 2026
ဖုင်ဘေဲႇတအာင်း-TLAဂဲ ရေဲန်ပ္လေါည်ႎိူဝ်ႈႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(6)
အေဲမ်ခြီရ်၊ ကျံရ်ပူရ်၊ ဆငည်း(20)
ဆဒါင်ကုင်ဆအာင်း
ကုင်တအာင်း၊ အိူင်အေဲမ်ခြီရ်၊ ဖုင်ဘေဲႇတအာင်း-TLAဂဲ ရေဲန်ပ္လေါည်ႎိူဝ်ႈႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) (Training of Trainers) လိူဝ်ႈ(6)နီန် ဇူႈကျံရ်ပူရ်၊ ဆငည်း(15) အခိင်ခီညှာ (9:00)နြီ ခေဲင်ႎါင်ပနော ဖီုက်လျှံင်ပဲန်ဆြာ ကဲပနောဟာဝ်းဘေဲႇလူမ်တအာင်း ကာည်း ပနောဘည်ကြောႈက္လာင်းဖာဆာအယ်တအာင်း
ခေဲင်လှံင်အေဲမ်ခြီရ်။
ခေဲင်ရေဲန်ပ္လေါည်ႎိူဝ်ႈႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT)နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချူ တားအိုမ်တမာဝ်း က္လာင်းကြောႈတံမ်း(ဒါ်ႈ) တာဆြာ/ယာဆြာဂဲ ကဲအီပနောဘေဲႇတအာင်းနီန် လိုရံပ်လာည်းဇီုင်းကာန်ပနောဘေဲႇအယ်ကတီးကရီး။ ဆဲႈဒီန် ကနာည်ကောန်တဘိုတ်ဂဲအီယိူဝ်ႇဘံန် နှာင်းနံပ်ထိင်ခြဲ ကြောႈကူန်တာမာအယ်ဂဲ၊ နှာင်းဂဲနံပ်အူန်းမိူဝ်ႈတာန်းဘို မောကံပ် ဘေဲႇဘာန်း ကာည်း ထုင်မှိူမ်ကတာရ်ႈဒါင်းဟိုက်ဇာရ် လိုပနောဒဲႈဟာဝ်းကတီးကရီး။
အီဟိုက်ရောတ်ခေဲင်ပ္လေါည်ႎိူဝ်ႈႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(6) နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချူ တားအိုမ်တမာဝ်း တားတီုင်အွံရ်ဘေဲႇလူမ်တအာင်း(TLA) တားလှအေံင်၊ အီရံပ်ဇီုင်းကာန်ခေဲင်တီုင်ဌာန ကာည်း တာဆြာ/ယာဆြာ၊ ကောန်ကျောင် ဂေါည်(100)အီး ဟိုက်ရောတ်ဒေဲႈ။
ႎါင်ပနောဖီုက်လျှံင်ပဲန်ဆြာ ဘေဲႇတအာင်း (TOT)နီန် ကောန်ႎါင်ပနောကောန်အီပ်ုန် ဂေါည်(55)အီး ကာည်း ကောန်ႎါင်ပနော ကောန်အီမာည်း(15)အီး ကစုကပိုမ်ဂေါည်(70)အီးဟိုက်ရောတ် ဆငည်းနှာင်းႎိူဝ်းဟာဝ်းဒီန် ကျံရ်ပူရ်၊ ဆငည်း(15) ရောတ် ကျံရ်တာရ်၊ ဆငည်း(30) လှေင်(45)ဆငည်းလလအောႏ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဖီုက်လျှံင်ပဲန်ဆြာနီန် ကနာည်ကဇာရ်ဒဲႈဘယ်ဒါဘေဲႇတအာင်း၊ ကနာည်နှာင်းကီရ်ႈဘေဲႇပ်ုန်ဆမွံဝ်ကဒါႇတအာင်း၊ ကနာည်နှာင်းနံပ်ဒါ-Teacher Guide၊ ဘယ်ကီရ်ႈ-Lesson Planning၊ တောပ်ဘို-Classroom Management၊ တောန်ဖာဆာ နှာင်းပနောဟာဝ်းကတီးကရီး။
ဆာ်အယ်ဟောည်ႇႎါင်ပနောနီန် ကောန်ႎါင်ပနောဂဲ နှာင်းကဲဘိူန်းလီပ်ရံပ်လာည်းဟာဝ်းဇီုင်းကာန်ပကျောင်ပနောဘေဲႇ ခေဲင်ကုင်တအာင်းနီန် ကနာည်ဘေဲႇတအာင်း မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်းကြောႈ မောကံပ်ကနှေရ်၊ မောကြောႈကူန်တာမာယာအယ် အာဝ်ဟြာည်ႇကမာ်ႈ။
မိုႈဘို ဘံန်ဟောည်ႇဒေဲႈဆန်ုမ်2025၊ ကျံရ်တာရ် ပ်ုန်ႎိူဝ်း ဖုင်ဘေဲႇတအာင်း(TLA)ဂဲ ႎါင်ပနောဖီုက်လျှံင်ပဲန်ဆြာ-TOTနီန် ကောန်ႎါင်ပနောကောန်အီပ်ုန် ကာည်း ကောန်ႎါင်ပနော ကောန်အီမာည်း ကစုကပိုမ်ဂေါည်(100)အီးဟိုက်အံင်ဟောည်ႇဟာဝ်း ကဇေန်းနီန် ကဲရံပ်လာည်းဇီုင်းကာန် ခေဲင်ကျောင်ပနောဘေဲႇ ခေဲင်ကုင်တအာင်း တောန်ဒီန်။
#PSLF/TNLA
#တီုင်ပ္လေႈလေႈဆဒါင်
Comment Lists