ခေဲင်လှံင် ကာည်း ဒေင်ကစာမ်း ပရဝ်အူဒီန် တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ရေဲန်ဟာဝ်း ဆပဲဆငါး၊ တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း
19 August 2026
ခေဲင်လှံင် ကာည်း ဒေင်ကစာမ်း ပရဝ်အူဒီန် တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ရေဲန်ဟာဝ်း ဆပဲဆငါး၊ တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း
အေဲမ်ခြီရ်၊ ကျံရ်တာရ်၊ ဆငည်း(19)
ဆဒါင်ကုင်တအာင်း
ကုင်တအာင်း၊ ခေဲင်လှံင်အေဲမ်ခြီရ်၊ ကနာည်ဆပဲဆငါးခိူည်ချှီႇဆငါး ကာည်း ဒေင်ဒီဟာဝ်းဟာဝ်းႎီရ်ႎီရ်မာ်ကံပ်ကျပဲန်၊ တီုင်ဌာန ကာည်း ကူန်ရဝ်မာဂါင်ဂဲ ကစုကပိုမ်ဒေ တောႈတံင်ဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ် ပဒေင်ဒါင်း၊ ကိူဝ်ႈဟာဝ်းအိုမ်ရာင် လှံင်ရူကော၊ ရဝ်မာ်လိုင်း၊ ရဝ်မာန်ပွန်ူထပ်ချဲတ် ကာည်း ရဝ်ရေပုင်အောႏ။
ခေဲင်ကျံရ်နီန်၊ ပလှံင်အေဲမ်ခြီရ် ဂေါႇဘြည်က္လာည်းတောန်ဆငည်း ပဲန်အိုမ်ဒါင်း၊ အိုမ်ရာင်ခေဲင်ဇံင်မာ် ဂေါႇညျှိူဝ်ဘီႇဟာဝ်းဘည်ဒီန် အိုမ်စိလီပ်ဒေဲႈခေဲင်ဇံင်။ ဒီကဆီုဝ်ပဲန်အိုမ်ဒါင်းဒီန် ဖုင်ဆပဲဆငါးဂဲ ရေဲန်ဒေဲႈဇီုင်းကာန်ဆပဲဆငါး ကံပ်ဟာဝ်းညျှိူဝ်၊ ကိူဝ်ႈဟာဝ်းအိုမ်ရာင်။
ဆဲႈဒီန် ရေဲန်ဒဲႈဆပဲဆငါးရာင်အိုမ်တျံင်၊ ကနာည်ထိင်ခြဲဟာဝ်းဒီန် ကံပ်ဟာဝ်းညျှိူဝ် ကိူဝ်ႈဟာဝ်းအိုမ်ရာင် တောႈတံင်ဘ်ုပ်ဘ္ဘီုတ်ရာင်အိုမ်တျံင် ရေဲန်ဟာဝ်းဒိုႇဆပဲဆငါးအောႏ။
မိုႈဘို ပလှံင်ရူကော၊ ရဝ်မာန်ပွန်းထက်ချဲက် ကာည်း ရဝ်ရေပိုင် တီုင်ဘြောင်ချှာင်လှံင် ကာည်း ကူန်ရဝ်မာဂါင်ဂဲ ကစုကပိုမ်ဒေ တောႈတံင်ဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ် ပဒေင်ဒါင်း၊ ကိူဝ်ႈဟာဝ်းအိုမ်ရာင်။
ခေဲင်အူနှာနီန် ဂေါႇက္လာည်းတောန်ဆငည်း မိူဝ်ႈဖေးအိုမ်ဒါင်း ကာည်း ကတာည်းတကာ်ႈ ဂေါႇဘည်ဒီန် ကဆီုဝ်ကူန်ရဝ်မာဂါင်အလယ်ဂဲ ဒီဆမားပဲန်ကတာည်းတကာ်ႈ ကာည်း ဒီဆမားပဲန်အိုမ်ဒါင်းဟိုက် လိုမိူဝ်ႈဆဒိ ဘည်ဟာဝ်းဟာဝ်းႎီရ်ႎီရ် ကာည်း အာဝ်ဘိူန်းဟာဝ်းကဒါႇ ဒီမိူဝ်ႈဖေးဒါင်း ဆဲႈဒီန် ရေဲန်ဟာဝ်းဘိုဇီုင်းကာန် ဆပဲဆငါး တောႈတံင်ဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ် ပဒေင်ဒါင်း၊ ကိူဝ်ႈဟာဝ်းအိုမ်ရာင် ကျံရ်တာရ်၊ ဆငည်း(11)၊ ပရဝ်မော်လိုင် ကာည်း ခနားရဝ်ရေပုင် ဘြဲဆာဟာဝ်းဒေင်ဒါင်း အ်ုန်လူလှဲဝ်ႏ။ မိုႈဘို ကျံရ်တာရ်၊ ဆငည်း(14) ဘြဲဆာဘိုဒေင် ဟာဝ်းကဒါႇ ရဝ်မော်လိုင် ကာည်း ရဝ်မာန်ပွန်းထက်ချဲက် ကစုကပိုမ်တိုအီး ဂေါည်(270)အီးထာန်နီန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကဆီုဝ်ဖုင်ဆပဲဆငါးဂဲ ပ်ုန်ကယေင် ပဇာရ်ရေဲန်ဒဲႈဟာဝ်း မောဇီုင်းကာန်ကတာရ်ႈဒါင်းဟိုက်ဇာရ် ကာည်း ကူန်ရဝ်မာဂါင်ဂဲ ဘိူန်းဒါဟာဝ်းဝီရ် ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists