09 October 2026

ဖုင်ပလိက်ကုင်တအာင်းဂဲ ဘိူန်းတိုည်း ကညာမိူဝ်ႈအူန်းခံင်ယိူည်ႇ(2)အီး ကာည်း အီကရိူရ်ႈကယံင်းခံင်ယိူည်ႇ(1)အီး ပလှံင်အေဲမ်ခြီရ်

အေဲမ်ခြီရ်၊ ကျံရ်အူကိူရ်၊ ဆငည်း(6)

ဆဒါင်ကုင်တအာင်း

ကုင်တအာင်း၊ ပလှံင်အေဲမ်ခြီရ်၊ ကျံရ်အူကိူရ်၊ ဆငည်း(1)ဒိူန် အခိင်ဖုင်ပလိက်ကုငတအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇဒိူန် ဘိူန်းဆဒါင် ဒါႈမိူဝ်ႈအီကရိူရ်ႈကယံင်းခံင်ယိူည်ႇ ဂေါပ်ဘည်ဒီန် ဒိဘိူန်းတဆဒါင် စိဟာတ်းစေတ်မေန်း ဘိူန်းတိုည်း ကညာမိူဝ်ႈအူန်းခံင်ယိူည်ႇ(2)အီး ကာည်း အီကရိူရ်ႈကယံင်းခံင်ယိူည်ႇ(1)အီး အောႏ။

ဘည်မိုႈဘာည်းဘည်အ်ုန်မိုႈ ကျံရ်အူကိူရ်၊ ဆငည်း(1) အခိင်စူန်အံပ်(3:00)နြီထာန်နီန်းယာ့် အခိင်ဖုင်ပလိက်ကုငတအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇဒိူန် ဘိူန်းဆဒါင် ဟာဝ်းစေတ်မေန်း ဒိဘိူန်းတဆဒါင်ဒီန် ဘိူန်းတိုည်း တာအိုက်ဆာမ် ဘိူန်းအဆာက်(45)ဆန်ုမ် ကာည်း ယာမိုးမိုးအေ ခံင်ယိူည်ႇလူည် 12.2ဂရမ်၊ ႎှုင်(3)ပိုင်၊ ကဘဲဝ်ဒီဟံပ်ခံင်ယိူည်ႇ ကာည်း ပိုက်၊ ဂြူစာက်ပ်ုန်တောႇခံင်ယိူည်ႇတောန်နဲ။

ဆဲႈဒီန် ပဇံင်ကုင်ဆာ ဘိူန်းဆဒါင်ဒါႈမိူဝ်ႈအီကရိူရ်ႈကယံင်းခံင်ယိူည်ႇ ဖုင်ပလိက်တီုက်ယာ်ႈအရေးခံင်ယိူည်ႇဂဲ ဟာဝ်းစေတ်မေန်း စိဘိူန်းတိုည်း တာယုင်နာည် ဘိူန်းအဆာက်(46)ဆန်ုမ် တောပ်ခံင်ယိူည်ႇလူည် 203.4ဂရမ်၊ ကအာင်ယာမ 358.6ဂရမ်၊ ႎှုင်(1)ပိုင်၊ ဆဲင်ကယ်(1)ကြောင် ကာည်း ကနံဝ်းတိုပိုင်(1)လှေ ဘိူန်းတိုည်းဆီမ်းဟာတ်းဒိုႇအောႏ။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေး‌တောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း