03 November 2026

တီုင်ခေါခါႇကုင်တအာင်း- THCဂဲ ရေဲန်ပ္လေါည်ကဘ္လာင်းဆာင်ဒဲႈဟာဝ်း လံပ်ပိင်ငျာလောင်ခေါခါႇ တအီရံပ်ဇီုင်းခေဲင်တီုင်ဌာန ပလှံင်အိုမ်ငျံရ် 

အိုမ်ငျံရ်၊ ကျံရ်အူကိူရ်၊ ဆငည်း(14)

ဆဒါင်ကုင်တအာင်း

ဘည်ပ်ုန်ကယေင် တီုင်ခေါခါႇကုင်တအာင်း- THCဂဲ ဆငည်း(13)၊ ကျံရ်အူကိူရ် ရေဲန်ပ္လေါည်ကဘ္လာင်းဆာင်ဒဲႈဟာဝ်း လံပ်ပိင်ငျာလောင်ခေါခါႇနီန် တအီရံပ်ဇီုင်းခေဲင်တီုင်ဌာန ပလှံင်အိုမ်ငျံရ် ကုင်တအာင်း၊ နံင်ကံပ်ဘိူန်းဒံန်ခြဲဟာဝ်းရောဂါ၊ နံင်ကံပ်ဘိူန်းတောႇဒါဟာဝ်း အီပေန်ကနာည်တို ကာည်း ကနာည်လံပ်ခေါခါႇ တောန်နဲအောႏ။

ခေဲင်ပ္လေါည်ကဘ္လာင်းဆာင်ဒဲႈဟာဝ်း လံပ်ပိင်ငျာလောင်ခေါခါႇနီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း ပါင်လ တံမ်းကြောႈႎိူဝ်ႈဟာဝ်း “ဆာ်ႈခေါခါႇပေန် မိုႈလာဘ်အူပါး” တောႇဘည်ကြောႈဒါႈ ကူန်မာအယ်အူမျိုး  ဆာ်ႈအယ်ဟောည်ႇကတူႈဖေး စိဆနံမ်းအ်ုန်အာဝ်ပဲန် ယာမ်းညှံမ်ကတူႈဖေး လိုဒံန်ခြဲ။ ဆဲႈဒီန် လိုဂေါပ်/လိုဟောမ်တောႇဘည်အီဒဲႈကျတခေါခါႇအယ်၊ ပ်ုန်လိုႎဲႈမောႎဲႈ လိုတောပ်အီကျဒဲႈတတိုပိုင်အယ်။

ခေဲင်ပ္လေါည်ကဘ္လာင်းဆာင်ဒီန် တီုင်ခေါခါႇကုင်တအာင်း တာမ်အီအွံရ်တီုင်ဌာန တံမ်းဟာဝ်းကြောႈ လိုဒံန်ခြဲရောဂါဆမားကတောက် ကာည်း ဇီုင်းကာန်ပယောမ်းဘည်လာည်ကတောတ်။ ဆဲႈဒီန် ယံင်းကတောမ်ပဲန်တောန်း ႎါႇ- B ကာည်း  ႎါႇ- C၊ ဆာ်ႈရဲင်ဘ္လောမ်ဇာ်ႈ ဆမားပဲန်‌ရောဂါ ႎါႇ -HIV။

မိုႈဘို ကဆီုဝ်ဂဲဟိုက်ရောတ်နီန်မော ကမိုန်ဟာဝ်းဘို လောင်ခေါခါႇတောန်နဲ လာည်ဆမွံတ်ပ်ုန်ဆိင်နံပ် ပ်ုန်ယိူဝ်းနံပ် အောႏ။

ကယေင်ရေဲန်ပ္လေါည်ကဘ္လာင်းဆာင်နီန်မိုႈ ကနာည်နံင်ဘိူန်းဒံန်ခြဲရောဂါ အီရံပ်ဇီုင်းကာန်ခေဲင်တီုင်ဌာန၊ ဆာ်ႈအယ်လိုမော နံင်ဘိူန်းဆနံမ်းဟာဝ်း။

ကဲအီဟိုက်ရောတ်ဒဲႈခေဲင် ပ္လေါည်ကဘ္လာင်းဆာင်လံပ်ခေါခါႇနီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း ပါင်လ၊ အီရံပ်ဇီုင်းကာန်ခေဲင်တီုင်ဌာနခေါခါႇ ကာည်း အီရံပ်ဇီုင်းကာန်ခေဲင်တီုင်ဌာန ကစုကပိုမ်တိုအီး (200)အီး ဟိုက်ရောတ်ဒေဲႈအောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း