03 November 2026

ရေဲန်ပ္လေါည်အာပ်ဒဲႈဆဒေါကူတ် ကနာည်ပြိူရ်ႈလေႈ အီငိူပ်မေန်းတိုအီးဆဲဝ် ကောလေက် လံပ်ခေါခါႇကုင်တအာင်း လိူဝ်ႈ(2)

အေဲမ်ခြီရ်၊ ကျံရ်အူကိူရ်၊ ဆငည်း(15)

ဆဒါင်ကုင်တအာင်း

ကုင်တအာင်း၊ ခေဲင်လှံင်အေဲမ်ခြီရ် လံပ်ခေါခါႇကုင်တအာင်း-THC ဆာ်ႈအွံရ်ရေဲန်ပ္လေါည်အာပ်ဒဲႈဆဒေါကူတ် ကနာည်ပြိူရ်ႈလေႈ အီငိူပ်မေန်းတိုအီးဆဲဝ် ကောလေက် လံပ်ခေါခါႇကုင်တအာင်း လိူဝ်ႈ(2) ရံပ်ရိုႈဟာဝ်းဘိုကောန်ကျောင်အီငိူပ်မေန်းတိုအီးဆဲဝ် ဆငည်း(9)၊ ကျံရ်အူကိူရ် အောႏ။

ခေဲင်ပ္လေါည်အာပ်ဒဲႈဆဒေါကူတ် ကနာည်ပြိူရ်ႈလေႈ အီငိူပ်မေန်းတိုအီးဆဲဝ် ကောလေက် လံပ်ခေါခါႇကုင်တအာင်း လိူဝ်ႈ(2)ဒီန် ကောန်ကျောင် ကောန်အီပ်ုန်(30)အီး ဆာ်ႈအွံရ်ငိူပ်မေန်းတိုအီးဆဲဝ်- Nursing Cap ကာည်း ကောန်ကျောင် ကောန်အီမာည်း(5)အီးဒီန် အာပ်ဒဲႈဆဒေါကူတ်တဂဲ။ မိုႈဘို ပိင်ငျာကဆီုဝ်ငိူပ်မေန်းတိုအီးဆဲဝ်၊ ကဆီုပ်ကတာမ်၊ ပ်ုန်လိုတောပ်/ပ်ုန်လိုကံမ်ကာည်း ဘည်ကတူႈရံပ်ဇီုင်းကာန်ငိူပ်မေန်းတိုအီးဆဲဝ်ဂဲ နံင်အ်ုန်မိုႈ ကတိုရ်ႈတည်းဘည်ဘိူန်းဘ္လူတ်ဟာဝ်း ကောန်ကျောင်ဂဲ  ကဖြောမ်ကရောမ်ဒီရ်ႈဟာဝ်းဓိဋ္ဌာန်ဆေတ်စာ။

ခေဲင်ကောလေက် လံပ်ခေါခါႇကုင်တအာင်း လိူဝ်ႈ(2)နီန် ကောန်ကျောင် ကောန်အီပ်ုန်(30)အီး၊ ကောန်ကျောင် ကောန်အီမာည်း(၅)အီး ကစုကပိုမ် (35)အီး ဟိုက်ဟောည်ႇဟာဝ်းကျောင် ဇိုချီုင်ဘြည်(2)ဆန်ုမ်။ ဇိုချီုင်ႎါင်ပနောဒီန် ဖာဆာပ်ုန်ပနောဒဲႈဟာဝ်း လံပ်ပိင်ငျာငိူပ်မေန်းတိုအီးဆဲဝ်- Fundamentals of Nursing၊ ပ်ပိင်ငျာငိူပ်မေန်းတိုအီးဆဲဝ်- Adult Health Nursing ခေါခါႇဘည်‌ရောတ်ဒီုဝ့်အဆာက်၊ ခေါခါႇကဆီုဝ်မာကောန်ဒဲႇကာည်းကောန်ဒဲႇ - Maternal and Child Health Nursing၊ ခေါခါႇလံပ်ကူန်ရဝ်မာဂါင်- Community Health Nursing၊ ခေါခါႇလံပ်နောႈဖိူမ်- Mental Health Nursing ကာည်း ဘည်ကြောႈက္လာင်းတအီး အောႏ။

ပ်ုန်ဟောည်ႇအာပ်ဒဲႈဟာဝ်းဘွည်ႇဒီဂရီဂေါပ်အီရံပ်ဟာဝ်းဇီုင်းငိူပ်မေန်းတိုအီးဆဲဝ်- Associate Degree in Nursing ကောန်ကျောင်ဂဲ အီဟောည်ႇဘိူန်းဘွည်ႇ ကာည်း အီဟောည်ႇကျောင် နံင်ရံပ်လာည်ဇီုင်းကာန် ငိူပ်မေန်းတိုအီးဆဲဝ်-  ခေဲင်ယုင်ဆနံမ်ဒါင်း ခေဲင်လှံင်တောန်ဒီန်။ ကောန်ကျောင် အီဂေါည် ခေဲင်ကုင်နအာင်းနီန် အီဟိုက်ဟောည်ႇဒဲႈကျောင်နီန် မိုႈ လှံင်အေဲမ်ခြီရ်၊ လှံင်ရူကော ကာည်း လှံင်အိုမ်ယ်ုရ် တောႇဘို ႎါႎည်ခြိူဝ်းမျိုးအီဟံရ်။

ကယေင်ႎိူဝ်ႈဟာဝ်းကျောင်ကောလေက်နီန် ကူန်ရဝ်မာဂါင်ဂဲ အီဂေါည်ခေဲင်ကုင်တအာင်း နံင်ကံပ်ဘိူန်းဒံန်ခြဲဒဲႈ ခေါခါႇ ပနောဒဲႈလံပ်ပိင်ငျာ မောကံပ်ဘယ်ပျေဲႈလေႈ အီရံပ်ဇီုင်း မိူဝ်ႈနောႈပေဲန်နောႈကျ ဘယ်ရံပ်လာည်ဟာဝ်းဇီုင်းကာန်ခေါခါႇကတီးကရီးအောႏ။

အီဟိုက်ရောတ်ဒေဲႈခေဲင် ရေဲန်ပ္လေါည်အာပ်ဒဲႈဆဒေါကူတ် ကနာည်ပြိူရ်ႈလေႈ အီငိူပ်မေန်းတိုအီးဆဲဝ် ကောလေက် လံပ်ခေါခါႇကုင်တအာင်း လိူဝ်ႈ(2)နီန် တာမ်အီအွံရ်တီုင်၊ အီအွံရ်တီုင်ဌာနခေါခါႇ ကာည်း တာမ်အီအွံရ်ဌာနခေါခါႇ၊ အီအွံရ်တီုင်ဌာန ကာည်း တာမ်အီအွံရ်ဌာနဆနံမ်းဒဲႈ၊ ဆြာဆနံမ်ဒါင်း ပယုင်ဆနံမ်လှံင်အေဲမ်ခြီရ်၊ ဆြာပနော၊ ယာဆြာလိူဝ်ႈ(1)၊ ကောန်ကျောင်လိူဝ်ႈ(2) ကစုကပိုမ်တိုအီး(150)အီး ဟိုက်ရောတ်အောႏ။

ဆြာငိူပ်မေန်းတိုအီးဆဲဝ် ကာည်း ကောလေက် လံပ်ခေါခါႇကုင်တအာင်း လိူဝ်ႈ(1) ႎါင်ပနောဒီန် ဘံန်ဟောည်ႇဒေဲႈ ဆန်ုမ်2025၊ ကျံရ်အူ၊ ကောန်ကျောင် ကစုကပိုမ်(33)အီး ဇူႈႎိူဝ်ႈ ဆာ်ႈမိုႈ ကောန်ကျောင် ကောလေတ်ကဇေန်းနီန် ဆီုပ်ဟိုက်အူန်းကျောင်အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း