ပခေဲင်ကျောင် အ.ထ.က(1) လှံင်အိုမ်ယ်ုရ် ကဘ္လာင်းဆာင်ဒဲႈဟာဝ်းလံပ်ပိင်ငျာတကောန်ကျောင် လောင်ခေါပ်ပြာႇယာန်၊ လောင်အရေးခံင်ယိူည်ႇ ကာည်း လံပ်ခေါခါႇ
03 November 2026
ပခေဲင်ကျောင် အ.ထ.က(1) လှံင်အိုမ်ယ်ုရ် ကဘ္လာင်းဆာင်ဒဲႈဟာဝ်းလံပ်ပိင်ငျာတကောန်ကျောင် လောင်ခေါပ်ပြာႇယာန်၊ လောင်အရေးခံင်ယိူည်ႇ ကာည်း လံပ်ခေါခါႇ
အိုမ်ယ်ုရ်၊ ကျံရ်အူကိူရ်၊ ဆငည်း(15)
ဆဒါင်ကုင်တအာင်း
ကုင်တအာင်း၊ တီုင်ဘြောင်ချှာင်၊ တီုင်ဘ္လံက်ချှာင်တြား၊ တီုင်ခေါခါႇ၊ ကောင်ဆံရ်ဇီုင်းပိင်ငျာကုင်တအာင်း- TLEC ကာည်း ဖုင်ပလိက်လှံင်ဂဲ ကစုကပိုမ်ဒေ ကဘ္လာင်းဆာင်ဒဲႈဟာဝ်းလံပ်ပိင်ငျာတကောန်ကျောင် - Grade-9 ကာည်း Grade-12 လောင်ခေါပ်ပြာႇယာန်၊ လောင်အရေးခံင်ယိူည်ႇ ကာည်း လံပ်ခေါခါႇ ပခေဲင်ကျောင် အ.ထ.က(1) လှံင်အိုမ်ယ်ုရ် အောႏ။
ခေဲင်ပ္လေါည်ကမိုန်ကဘ္လာင်းဆာင်ဒီန် ကမိုန်ဟာဝ်း နံင်ကောန်ကျောင်ဂဲ လောတ်ဒါဖေးအန္တရာယ်၊ ခေါပ်ပြာႇယာန်၊ ခေါပ်ပြာႇဒေင်၊ ခေါပ်ပြာႇပ်ုန်လိုတောန်နဲ၊ လောင်အရေးခံင်ယိူည်ႇ ကာည်း ဘည်ဖေးအန္တရာယ် ဆနံမ်ပ်ုန်နောႈကလှာည်၊ ဘည်လိုတိူဝ်ႈကနေဲႈ တြားဥပဒေ၊ မောကံပ်ပဲန်ဒေဲႈတိုအီးကျ တိုအီပဲန်၊ ပိင်ငျာလံပ်ဥပဒေ ကာည်း ကနာည်ကောန်တဘိုတ်ဂဲ ပဇာရ်ပ်ုန်နံပ်ပ်ုန်ယိူဝ်းခေဲင်နောႈခေဲင်ဖိူမ်၊ ဘည်လိုဆမားတိုပိုင်၊ ကဆီုဝ်ခေါခါႇလိင် ပ်ုန်လိုနံပ်တောန်နဲ ကဘ္လာင်းဆာင်ဒဲႈဟာဝ်းအောႏ။
ဆဲႈဒီန် ဂေါႇအရေးခံင်ယိူည်ႇ ကာည်း ဆနံမ်ပဲန်ကလှာည်နောႈဖိူမ် ဘည်ပေန်ဒဲႈဖေး ကာည်း ပျဆနာတောႇဘံန် ဂေါႇဘဝ်ဂေါအာဝ်ကျ ပဲန်တိုအီးကဲဂဲဒီန် ဒဲႈဟာဝ်းဆဒိ ကာည်း ကဘ္လာင်းဆာင်ဒဲႈဟာဝ်း။
အီဟိုက်ရောတ်ဒေဲႈခေဲင်ကဘ္လာင်းဆာင်ဒဲႈဟာဝ်းလံပ်ပိင်ငျာတကောန်ကျောင် လောင်ခေါပ်ပြာႇယာန်၊ လောင်အရေးခံင်ယိူည်ႇ ကာည်း လံပ်ခေါခါႇနီန် ဘြောင်ချှာင်လှံင်၊ တီုင်ဘ္လံက်ချှာင်တြားဥပဒေ၊ တီုင်ခေါခါႇ ကာည်း ကောင်ဆံရ်ဇီုင်းကာန်လံပ်ပိင်ငျာကုင်တအာင်း- TLEC၊ ကောန်ကျောင် ကာည်း တာဆြာ/ယာဆြာ ကစုကပိုမ်(500)အီး ဟိုက်ရောတ်ဒေဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists