ဖုင်ပလိက်ကုင်တအာင်းဂဲ ဘိူန်းတိုည်း အီကရိူရ်ႈကယံင်းခံင်ယိူည်ႇ ကောန်အီမာည်း(2)အီး လှံင်အိုမ်ယ်ုရ်
03 November 2026
ဖုင်ပလိက်ကုင်တအာင်းဂဲ ဘိူန်းတိုည်း အီကရိူရ်ႈကယံင်းခံင်ယိူည်ႇ ကောန်အီမာည်း(2)အီး လှံင်အိုမ်ယ်ုရ်
အိုမ်ယ်ုရ်၊ ကျံရ်အူကိူရ်၊ ဆငည်း(22)
ဆဒါင်ကုင်တအာင်း
ကုင်တအာင်း၊ ဖုင်ပလိက်ကုင်တအာင်းဂဲ ဘိူန်းတိုည်း အီကရိူရ်ႈကယံင်းခံင်ယိူည်ႇ ကောန်အီမာည်း(2)အီး လှံင်အိုမ်ယ်ုရ်၊ ခမိုရဝ်ခ်ုရ်၊ ရဝ်မိူင်းမာန်းမိူင်ကွမ်။
ဘည်မိုႈဘာည်းဘည်အ်ုန် ကျံရ်အူကိူရ်၊ ဆငည်း(18) အခိင်စူန်အံပ် (5:30)နြီထာန်နီန် တာယည်လှကျော် ဘိူန်းအဆက်(47)ဆန်ုမ် ကာည်း တာအိုက်ဆောင် ဘိူန်းအဆာက်(54)ဆန်ုမ် ဂါရ်အာရ်ဒီန် ဂေါပ်မိုႈ ဖုင်ပလိက်ကုင်တအာင်ဂဲ ကာည်း ဖုင်တီုက်ယာ်ႈအရေးခံင်ယိူည်ႇဂဲ ဘိူန်းဆဒါင် ဒါႈဂါရ် ကရိူရ်ႈကယံင်းခံင်ယိူည်ႇ စိဟာဝ်းစေတ်မေန်းယိူဝ်ႈ ဘိူန်းတိုည်းတောပ်ခံင်ယိူည်ႇတောန်နဲအောႏ။
ပ်ုန်တိုည်း တာယည်လှကျော်နီန် တောပ်ခံင်ယိူည်ႇလူည်(6.2)ဂရမ် ကာည်း ကအာင်းဆနံမ်ပ်ုန်နောႈမှည်(165)ကအာင်း၊ ဆာ်ႈမိုႈ တာအိုက်ဆောင်ဒီန် ဘိူန်းတိုည်းတောပ် ခံင်ယိူည်ႇလူည်(9.2)ဂရမ်၊ ကအာင်းဆနံမ်ပ်ုန်နောႈမှည်(150)ကအာင်း၊ Power Bank (1)ပိုင် ကာည်း ႎှုင်(1)ပိုင် ဘိူန်းတိုည်းဆီမ်းဟာဝ်းအောႏ။
ပ်ုန်ဘိူန်းတိုည်း ကောန်အီမာည်း(2)အီးဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA နံင်တိူဝ်ႈလာည်းဟာဝ်းအရေး တောႇဘည်ဥပဒေ တီုက်ယာ်ႈအရေးခံင်ယိူည်ႇအောႏ။
မိုႈဘို ဘံန်ဟောည်ႇဒေဲႈ ကျံရ်အူကိူရ်၊ ဆငည်း(7) ပလှံင်ရူကော၊ ခေဲင်ဇံင်ဟိုခို ဖုင်ပလိက်ကုင်တအာင်း ကာည်း ဖုင်တီုက်ယာ်ႈအရေးခံင်ယိူည်ႇဂဲ ဘိူန်းတိုည်း ကောန်အီပ်ုန်(1)အီး မိူဝ်ႈအူန်းခံင်ယိူည်ႇ ခေဲင်ဂါင်ဂီန်း။
ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေးတောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists