03 November 2026

ဖုင်ဘေဲႇတအာင်း- TLAဂဲ ရေဲန်ပ္လေါည်ပ္လိုတ် ႎါင်ပနောဘေဲႇလူမ်တအာင်း လိူဝ်ႈ(1) တအီရံပ်ဇီုင်းခေဲင်တီုင်ဌာန ပလှံင်အေဲမ်ခြီရ်

အေဲမ်ခြီရ်၊ ကျံရ်အူကိူရ်၊ ဆငည်း(22)

ဆဒါင်ကုင်တအာင်း

ကုင်တအာင်း၊ ခေဲင်လှံင်အေဲမ်ခြီရ်၊ တီုင်ဌာန ဂေါည်ရခြူမ် တံပ်အွံရ်ပ်ုန်လောတ်ကပီုန်ဆအာင်း- PSLF/TNLA ကဆီုဝ်အီရံပ်ဇီုင်းကပ္လိူင်နီန် နံင်ကဲဘိူန်းနံပ် ဆမားဟာဝ်း ဘေဲႇလူမ်တအာင်းနီန် ဖုင်ဘေဲႇတအာင်း- TLAဂဲ ရေဲန်ပ္လေါည်ပ္လိုတ် ႎါင်ပနောဘေဲႇလူမ်တအာင်း လိူဝ်ႈ(1) ဆငည်း(21)၊ ကျံရ်အူကိူရ် အောႏ။

ဘံန်ဟောည်ႇဒေဲႈ ကျံရ်တီမ် ဆငည်း(14)ဒိူန် ရေဲန်ပ္လေါည်ႎိူဝ်ႈဟာဝ်းႎါင်ပနော လှေင်(1)ကျံရ်လလ ကောန်ႎါင်ပနောအီဟိုက် ဂေါည်ကစုကပိုမ်(25)အီးအောႏ။

အခိင်ဇိုချီုင်ႎါင်ပနောဒီန် ပနောဒဲႈဟာဝ်း ဘေဲႇလူမ်တအာင်း၊ ဘျြံင်ဘေဲႇ ကာည်း ဘည်ခမိုဘျြံင်ဘေဲႇ။ ဆဲႈဒီန် ဘေဲႇလူမ်တအာင်းနီန် ကနာည်တိုအီလူမ်ဂဲ ဘိူန်းဒေဒါဘေဲႇလူမ်ကတီးကရီး ကာည်း နံင်ကဲဆမားဒီရ်ႈဘေဲႇကတီးကရီး‌ အောႏ။

ခေဲင်ပ္လေါည်ပ္လိုတ်ႎါင်ပနောဒီန် အာပ်ဒဲႈဟာဝ်း ပ္လါဘေဲႇ(Certificate) တကောန်ကျောင်ဂဲ အီလှဲမ်ဘေဲႇ  ကာည်း ဘည်ဟောည်ႇဟာဝ်း ႎါင်ပနောနီန် အောႏ။ 

အီဟိုက်ရောတ်ဒေဲႈခေဲင် ခေဲင်ပ္လေါည်ပ္လိုတ်ႎါင်ပနောနီန် အီအွံရ်တီုင်ဌာန တားလှအံင်၊ တာမ်အီအွံရ်တီုင်ဌာန ခူန်အွံရ် ဆိုရ်ယ်ုမ်၊ အီရံပ်ခေဲင်ဇီုင်ဌာန၊ တာဆြာ/ယာဆြာ ကာည်း ကောန်ႎါင်ပနောဂဲ ကစုကပိုမ် (70)အီး ဟိုက်ရောတ်ဒေဲႈအောႏ။

မိုႈဘို ပလှံင်အေဲမ်ခြီရ် ဘံန်ဟောည်ႇဒေဲႈ ကျံရ်တာရ်၊ ဆငည်း(26) ဖုင်ဘေဲႇတအာင်း- TLA ဆာ်ႈအွံရ် ႎိူဝ်ႈဟာဝ်းႎါင်ပနော ပဲန်ဆြာ(TOT) လိူဝ်ႈ(6) ကစုကပိုမ်ကောန်ႎါင်ပနော (70)အီး ဘယ်ဟိုက်‌ရောတ်အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း