ရေဲန်ပ္လေါည်ပ္လိုတ်ႎါင်ပနော ဇီုင်းခူန်ဘ္လံက်ချှာင်းတြား လိူဝ်ႈ(2) ကဆီုဝ်အခွါင်းအရေးလံပ်ဥပဒေ ကနာည်ကူန်ရဝ်မာဂါင် ဂေါည်ခေဲင်ကုင်တအာင်း
03 November 2026
ရေဲန်ပ္လေါည်ပ္လိုတ်ႎါင်ပနော ဇီုင်းခူန်ဘ္လံက်ချှာင်းတြား လိူဝ်ႈ(2) ကဆီုဝ်အခွါင်းအရေးလံပ်ဥပဒေ ကနာည်ကူန်ရဝ်မာဂါင် ဂေါည်ခေဲင်ကုင်တအာင်း
အိုမ်ယ်ုရ်၊ ကျံရ်အူကိူရ်၊ ဆငည်း(22)
ဆဒါင်ကုင်တအာင်း
ကုင်တအာင်း၊ လှံင်အိုမ်ယ်ုရ်၊ ပ်ုန်ကယေင် လူမ်တီုင်ဒါင်းဘ္လံက်ချှာင်းတြားဂဲ ဆာ်ႈအွံရ်ႎိူဝ်ႈဟာဝ်း ႎါင်ပနောဇီုင်းခူန်ဘ္လံက်ချှာင်းတြား လိူဝ်ႈ(2)နီန် မောကံပ်ဘယ်ပျေဲႈလေႈ ဇီုင်းခူန်ဘ္လံက်ချှာင်းတြား စိရေဲန်ပ္လေါည်ပ္လိုတ်ႎါင်ပနော ဇီုင်းခူန်ဘ္လံက်ချှာင်းတြား လိူဝ်ႈ(2) ကဆီုဝ်အခွါင်းအရေးလံပ်ဥပဒေ ကနာည်ကူန်ရဝ်မာဂါင် ဂေါည်ခေဲင်ကုင်တအာင်း။
ခေဲင်ပ္လေါည်ပ္လိုတ်ႎါင်ပနော ဇီုင်းခူန်ဘ္လံက်ချှာင်းတြား လိူဝ်ႈ(2) တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော် ဟိုက်ရောတ်တံမ်းကြောႈ မိူဝ်ႈဒေဲႈလံပ်ဒီမိုကရေစီ၊ ပဇာရ်လံပ်ဒံန်ခြဲအခွါင်းအရေး ကာည်း အခွါင်းအရေးတိုအီး၊ ကနာည်ဘယ်ဒံန်ခြဲလံပ်နဘာည်းတေဲင်တိုအီးဒီန် တီုင်ဘ္လံက်ချှာင်တြားဒီန် အ်ုန်မိုႈအရေးဒါင်း ကာည်း လိုအ်ုန်ဘ္လောမ်ဒါင်း ကနာည်ထီင်ခြဲဟာတ်းတောန်နဲ။
ဆဲႈဒီန် ခေဲင်ပျိူဝ်ႇလေႈအယ်မိူဝ်ႈတြားဖြေင်ကဒိူဝ်ႈဒီန် ဒါႇဥပဒေဒီန် အာဝ်မိူဝ်ႈယာ့် အီမိူဝ်ႈလံပ်တြားဖြေင်ကဒိူဝ်ႈ” တေဲင်တိုအီးတောန်ကဝ် လိုဒါဟာဝ်း ဘည်ကဒိူဝ်ႈအိုန်ဘံန်း။ ကဲအီအံင်ဟောည်ႇဟာဝ်း ႎါင်ပနောဒီန်မော ခိူည်းလှိုပ်ဂုင်ဟာဝ်း ကာည်း ဒဲႈအ်ုန်မိုႈ ဥပဒေပိင်ငျာရှင် အီဒဲႈအကျိုး ကနာည်ဖုင်အယ်။
ကောန်ႎါင်ပနောဂဲနီန် ကဲဟောည်ႇဒေဲႈကျောင် အကယ်ဒမီဥပဒေတအာင်း-TLA လိူဝ်ႈ(2) လှေင်(2)ဆန်ုမ် ပနောဒေဲႈ ဖာဆာကဆီုဝ်လံပ်ဥပဒေ၊ ဥပဒေခေဲင်ကုင် ကာည်း ဥပဒေတောန်ကုင်၊ အရေးတီုင်ကုင်၊ အခွါင်းအရေးတိုအီ၊ ပဇာရ်အိုမ်လှအရေးပုဂ္ဂိုလ်၊ ဘေဲႇလူမ်တအာင်း၊ ကာ်မ်ပျူတာ ကာည်း ဘေဲႇအင်္ဂလိပ်။ ဆာ်ႈမိုႈ (6)ကျံရ်လလဒိူန် ပနောဒေဲႈ ဇီုင်းခူန်ဥပဒေ ဒေါန်အူ(3)ကျံရ် အရာင်ဘည်စေတ်မေန်းကဆီုဝ်အမှုလူည်ႇဥပဒေ၊ ဘည်ကိက်ပ်ုန်ပ္လချှာင် ကာည်း ပနောဘည်ရေဲန်ဇီုင်းကာန်လူမ်ဘ္လံက်တြား ဘံန်ဟောည်ႇပနောဒီန် (3)ကျံရ် မိုႈပွံတ် လေႈရေဲန်အခ်ု အရာင်စေတ်မေန်းလံပ်တြားဥပဒေ ကာည်း ဘည်ဟာဝ်းဖဇဲတ်ရမောင် ဇီုင်းကာန်လံပ်တြားဥပဒေ၊ ကိက်ဟာဝ်း”စာတမ်း”။ ပ္လေါည်ဆမွံတ်ဘေဲႇရဘံန်ဆူတ်နီန် ဘံန်ဟောည်ႇဆမွံတ်ဘေဲႇ ကောန်ကျောင်ဂဲ နံင်ရံပ်လာည်ဟာဝ်း ဇီုင်းကာန်ခေဲင်တီုင်ဌာန တောန်ဒီန်အောႏ။
ရေဲန်ပ္လေါည်ပ္လိုတ်ႎါင်ပနော ဇီုင်းခူန်ဘ္လံက်ချှာင်းတြား လိူဝ်ႈ(2)နီန် ကောန်ကျောင်အီအံင်ဟောည်ႇ(7)အီးနီန် တိူဝ်ႈကနေဲႈအံပ်ဒဲႈဟာဝ်း ပ္လါႇလှိုပ်ဂုင်၊ ကောန်ကျောင်အီလှေဲမ်ဘေဲႇ ဒဲႈဟာဝ်းဆုတကဲအောႏ။ ဆဲႈဒီန် ကောန်ကျောင်ဇီုင်းခူန်ဘ္လံက်ချှာင်းတြားဂဲ ရေဲန်ဟာဝ်းဘိုဆေတ်စာခံမ်ကတိ။
ပ်ုန်ကယေင်ႎိူဝ်ႈဟာဝ်းကျောင်နီန်မိုႈ မောကံပ်ဘယ်ပျေဲႈလေႈ ကောန်ကျောင် နံပ်ဆမားလံပ်ဒံန်ခြဲလောင်ဥပဒေဘ္လံက်ချှာင်တြား၊ ဇီုင်းကာန်လံပ်ဘ္လံက်ချှာင်တြား၊ တီုင်အွံရ်ဘ္လံက်ချှာင်တြားအူအီး ဆေအ်ုန်လိုမိူဝ်ႈဆေအ်ုန်လိုရေဲန် ဆေအ်ုန်လိုတောႇ အ်ုမ်လှမိူဝ်ႈအယ် မောကံပ်ပဲန် ကနာည်ကူန်ရဝ်မာဂါင်ဂဲ ဂေါည်ခေဲင်ကုင်တအာင်းနီန်အောႏ။
အီဟိုက်ရောတ်ဒေဲႈခေဲင် ပ္လေါည်ပ္လိုတ်ႎါင်ပနော ဇီုင်းခူန်ဥပဒေ လိူဝ်ႈ(2)ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော်၊ တီုင်အွံရ်ဘြောင်ချှာင် ခူန်အွံရ်ချူ ဂူႈဇာရ်၊ ပါမောက္ခချုပ် ဒေါက်တာ ဟောည်၊တိုအီးရံပ်ဇီုင်းခေဲင်တီုင်ဌာနဂဲ၊ တာဆြာ/ယာဆြာ ကာည်း ကောန်ႎါင်ပနော ကစုကပိုမ် (100)အီး ဟိုက်ရောတ်ဒေဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists