ရေဲန်ဟောည်ႇဟာဝ်း ပ္လေါည်ပ္လိုတ်ကျောင် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း-TEA လိူဝ်ႈအာရ်
30 April 2025
ရေဲန်ဟောည်ႇဟာဝ်း ပ္လေါည်ပ္လိုတ်ကျောင် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း-TEA လိူဝ်ႈအာရ်
လှံင်အိုမ်ယ်ုရ်၊ ကျံရ်ဖိုန်၊ ဆငည်း(22)
ဆဒါင်ကုင်တအာင်း
ဆန်ုမ်2025၊ ကျံရ်ဖိုန် ဆငည်း(20) အခိင်ခီညှာ(9)နြီဒိူန် ရေဲန်ဟောည်ႇဟာဝ်း ပ္လေါည်ပ္လိုတ်ကျောင် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း(Ta’ang Education Academy-TEA) လိူဝ်ႈအာရ် ပလှံင်အိုမ်ယ်ုရ်၊ ခေဲင်ကုင်တအာင်း။
ပ္လေါည်ပ္လိုတ်ကျောင်နီန်း အီရံပ်ဇီုင်းကပ္လိူင် ကောင်ဆံရ်ဇီုင်းပိင်ငျာကုင်တအာင်း -TLEC ကာည်း ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း-TEA ဂဲ၊ PSLF/TNLA ဂေါပ်တားချှာင်ဇီုင်းကောန်တောန်နဲ(2) ခူန်အွံရ်ဒါင်း တားပါင်လ၊ ဖုင်သုတေသနအစဲန်တအာင်း ဒေါက်တာအံင်မီန်းအူး ကာည်း ဖုင်ဂဲ ဟိုက်ရောတ်ဒဲႈဘ္လောမ် တံမ်းဟာဝ်းကြောႈလှိုပ်ဂုင်။
ႎါည်ဒီန် အာပ်ဒဲႈဆုတကောန်ကျောင် အီလှဲမ်ဘေဲႇတောန်နဲ၊ အာပ်ဒဲႈဟာဝ်းဘိုး ပ္လါဘေဲႇလှိုပ်ဂုင်(အံင်လာက်မှတ်)ကာည်း ပ္လါဘေဲႇအာပ်ဇီုင်းကပ္လိူင်ကဲနီန်။
ကျောင်(TEA)လိူဝ်ႈအာရ်နီန်း အီဟိုက်ကောန်အီပ်ုန်ဂေါည် (128)အီး ကာည်း ကောန်အီမာည်းဂေါည်(27)အီး ကစုကပိုမ်ဂေါည်(155)အီး၊ အီဟိုက်ဟောည်ႇဟာဝ်း ကျောင် ကောန်ကျောင်ဂဲနီန်း နံင်ဒဲႈဟာဝ်း ထာမ်းဇီုင်းကပ္လိူင် ပဲန်တာဆြာ/ယာဆြာ ကျောင်ပနောဘေဲႇ ပ်ုန်ႎိူဝ်ႈ ကောင်ဆံရ်ဇီုင်းပိင်ငျာကုင်တအာင်း-TLECဂဲ။
အီလေႈကျောင် တာဆြာ/ယာဆြာဂဲနီန်း နံင်ထာမ်းဟာဝ်းဇီုင်းကပ္လိူင် အူဆန်ုမ်၊ ႎါည်ဒီန် ဘည်ပ္လအူန်းပကျောင် နံင်တောႇဟာဝ်းဘိုး ဂဲဆီုပ်ပနော ဒီပလိုမာတာန်း၊ အခိင်ထာမ်းဇီုင်းကာန် နံင်ဂဲဘိူန်း အခွါင်းအရေး ပနောလံပ်ပိင်ငျာနီန်း နှာင်းဆုတ်။
ပ္လေါည်ပ္လိုတ်ကျောင်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA အီရံပ်ဇီုင်းကပ္လိူင်တီုင်ဌာနဂဲ၊ တာဆြာ/ယာဆြာ လံပ်ပိင်ငျာဂဲ၊ ကူန်ရဝ်မာဂါင်ဂဲ ကာည်း ကူန်မာကောန်ကျောင်ဂဲ ကစုကပိုမ်ဂေါည်(500)အီးထာန်နီး ဟိုက်ရောတ်ဒေဲႈ။
ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း-TEA လိူဝ်ႈအူ အီဘိူန်ဒေဲႈနူန်း ရေဲန်ဟာဝ်းပ္လေါည်ပ္လိုတ်ကျောင် ခည်မိုႈ ဆန်ုမ် 2024 ကျံရ်ဖိုန်ဒိူန်။ နံင်ဆီုပ်ႎိူဝ်ဟာဝ်းဘိုး လိူဝ်အိုည် ဘံန်နံင်ဒေဲႈ ကျံရ်တာရ် ဆန်ုမ်2025နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists