ပလှံင်မိူင်ယော် ကောန်အီမာည်း(2)အီး တိူဝ်ႈဒေကနိုက်ပ္လေဒါင်းပ်ုန်ညှံမ်ပဒူႈ ပ္လေဒါင်းဒီန်စီပဒူႈ လံက်ဟာဝ်း(1)အီးယံမ်း၊ (1)အီး ကတူႈဖေးဆဲဝ်
30 April 2025
ပလှံင်မိူင်ယော် ကောန်အီမာည်း(2)အီး တိူဝ်ႈဒေကနိုက်ပ္လေဒါင်းပ်ုန်ညှံမ်ပဒူႈ ပ္လေဒါင်းဒီန်စီပဒူႈ လံက်ဟာဝ်း(1)အီးယံမ်း၊ (1)အီး ကတူႈဖေးဆဲဝ်
လှံင်မိူင်ယော်၊ ကျံရ်ဖိုန်၊ ဆငည်း(25)
ဆဒါင်ကုင်တအာင်း
ကုင်တအာင်း၊ အိုမ်ဘြည်ကတာည်း တီုင်တံပ်ဒါင်း(6)၊ လှံင်မိူင်ယော်၊ ခမိုလောည်လီန်၊ ရဝ်မာန်ကာင်၊ ကောန်အီမာည်း(2)အီး တိူဝ်ႈဒေကနိုက်ပ္လေဒါင်း ပ်ုန်ညှံမ်ပဒူႈ ပ္လေဒါင်း ဒီန်စီပဒူႈ လံက်ဟာဝ်း(1)အီးယံမ်း၊ (1)အီး ကတူႈဖေးဆဲဝ်။
ဘည်မိုဘည်ဘာည်းအ်ုန် ဘံန်ဟောည်ႇဒေဲႈ ကျံရ်ဖိုန်၊ ဆငည်း(18) အခိင်ရဆံန်(2:30)မိနေတ်ဒိူန် ကဝ်အီမိုႈ ရဟောမ်ရမာကူန်ဂါရ် ကောန် (2)အီး အခိင်ဟာဝ်းတီပ်ဟြီုက်မံက်ဂဲ အီဟြာည်ႇကမာ်ႈဒိူန် ဂါရ်စီယိူဝ်း ပ္လေဒါင်းပ်ုန်ညှံမ်ပဒူႈ အူပိုင်း။
ဂါရ်စီတိူဝ်ႈကနိုက် ပ္လေဒါင်းဒီန် စီပဒူႈ လံက်ဟာဝ်းကဝ်မိုႈကူန် တာခံမ်းဆာ(45)ဆန်ုမ် ယံမ်းဟာဝ်းပွံတ်ကဆီုဝ်ဒီန်၊ ကဝ်မိုႈကောန် မာည်းအံင်ဆာ အဆာက်(18)ဆန်ုမ် စီကတူႈဖေးဆဲဝ်။
ဒီပဲန်ပ္လေဒါင်းပဒူႈဒီန် ဖုင်ပလိက်ကုင်တအာင်းဂဲ ဟာဝ်းစေတ်ဆေး ကဇောည်တိူဝ်ႈလာည်းဝီရ် ကဝ်အီယံမ်းဟာဝ်း တာခံမ်းဆာ ကာည်း အီကတူႈဆဲဝ် ကောန်အ်ုန်မာည်းအံင်ဆာဒီန်။
ကဇေန်နီန်း အီယံမ်းဟာဝ်း တာခံမ်ဆာဒီန် ဂဲဟောည်ႇကဇောည်တိုက်ဟာဝ်းတိုယံမ်းအ်ုန် ၊ ဆာ်မိုႈ အီကတူဖေးဆဲဝ် မာည်းအံင်ဆာဒီန် ဂဲကဇောည်တိုန်းဟာဝ်းအ်ုန်ဆနံမ်တိုအ်ုန် ပယုင်ဆနံမ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists