ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပလှံင်မိုဂူႈ
17 May 2025
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပလှံင်မိုဂူႈ
ကုင်တအာင်း၊ ကျံရ်ဖံန် ဆငည်း(14)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပရဝ်ကျောက်ကျာမ်းလှံင်မိုးဂူႈ၊ ခေဲင်ကုင်တအာင်း။
ႎါင်ပနောဘေဲႇလူမ်တအင်းနီန်း ဇူႈႎိူဝ်ႈဟာဝ်း ခည်မိုႈ ကျံရ်အိုည် ဆငည်း(15) ရောတ် ကျံရ်ဖံန် ဆငည်း(11) ပနောဟာဝ်းလှေင်(2)ကျံရ်၊ ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ပ္လေါည်ပ္လိုတ်ႎါင်ပနောနီန်း ခည်မိုႈ ကျံရ်ဖံန် ဆငည်း(11)ဒိူန်။
ခေဲင်ႎါင်ပနောဒီန် အီဟိုက်ႎါင်ပနော ကောန်အီမာည်းဂေါည်(7)အီး ကာည်း ကောန်အီပ်ုန်ဂေါည်(20)အီး၊ ကစုကပိုမ်အီဟိုက်ဂေါည်(27)အီး အီဟိုက်ဟောည်ႇဟာဝ်း ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈပ္လါႇဘေဲႇလှိုပ်ဂုင် (Certificates)တဂဲအောႏ။
ပ္လေါည်ပ္လိုတ်ႎါင်ပနောနီန်း တာဆြာ/ယာဆြာ၊ တာဘြောင်ချှာင်ရဝ်၊ ကူန်ရဝ်မာဂါင်ဂဲ ကာည်း ကောန်ကျောင်ဂဲ ကစကပိုမ်ဂေါည်(117)အီး ဟိုက်ရောတ်ဒေဲႈအောႏ။
ဘံန်ဟောည်ႇဒေဲႈ ခေဲင်ကျံရ်ဖိုန်ဒိူန်မာ် ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇလူမ်တအာင်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း -PSLF/TNLA ခေဲင်လှံင်(4)လှံင် အီမိုႈ လှံင်အေဲမ်ခြီရ်၊ လှံင်ရူကော၊ လှံင်မိုဂူႈ ကာည်း လှံင်မှိူမ်မီုတ် ကစုကပိုမ် ကောန်ကျောင်အီဟိုက်ဂေါည် (565)အီး။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇလူမ်တအာင်းနီန် မိုႈ နံင်ဘေဲႇလူမ် တအာင်းအယ် မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်းကြောႈ နံင်ကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇလူမ်တအာင်းနီး၊ နံင်ကြောႈကူန်တာမာယာအယ် အာဝ်ဟြာည်ႇကမာ်ႈ ၊ နံင်အီးရံပ်ဇီုင်း ကပ္လိူင် တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ်ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဒဲႈဟာဝ်း ဖာဆာဘေဲႇလူမ်တအာင်းနီန်းတောန်နဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists