ပလှံင်မိုဂူႈ ကာည်း လှံင်နောင်ချှို ဆီုက်ဘြာန်ဇေဝ်ဂဲ ဒါယာန်ပ်ုရ်ပဴင်ပ္လေဘျုင် ထာန်ဇံန်(500) လံက်လူလှဲဝ်ႏဟာဝ်း ဂါင် (7)ဂါင်
17 May 2025
ပလှံင်မိုဂူႈ ကာည်း လှံင်နောင်ချှို ဆီုက်ဘြာန်ဇေဝ်ဂဲ ဒါယာန်ပ်ုရ်ပဴင်ပ္လေဘျုင် ထာန်ဇံန်(500) လံက်လူလှဲဝ်ႏဟာဝ်း ဂါင် (7)ဂါင်
ကုင်တအင်း၊ ကျံရ်ဖံန် ဆငည်း(14)
ဆဒါင်ကုင်တအာင်း
ခေဲင်ကုင်တအာင်း၊ အိူင်မာဝ်းဝံင်း၊ လှံင်နောင်ချှို၊ ကျံရ်ဖံန် ဆငည်း(13) အခိင်ရမှိူဝ်(9:30)နြီဒိူန် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင် ပ္လေဘျုင်ထာန်ဇံန်(500)။
ဒီဘြောင်ချှာင်တံပ်နာန်းတအာင်း-PSLF/TNLA လှံင်နောင်ချှို၊ အာဝ်မိူဝ်ႈမ ပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါယာန်ပ်ုရ် ဇဲတ်ႎှည်တာ ရောတ်ဒေဲႈပဴင် ပ္လေဘျုင်ထာန်ဇံန်(500) အရာပ်(10) ပဇံင်က္လာႈ၊ ဂေါႇဆီုက်ဘြာန်ဇေဝ်ဂဲ ပဴင်ပ္လေဘျုင်ဘည်ဒီန် လံက်ဟာဝ်း ဂါင်ဂေါည်ကူန်ရဝ်မာဂါင်ဂဲ (7)ဂါင် ကဆူမ်း လူလှဲဝ်ႏဟာဝ်း။
ဆဲႈဒါႇဒီန် မိုႈလိူည် ကျံရ်ဖံန် ဆငည်း(13)နီန်း အခိင်ရမှိူဝ်(11:49)မိနေတ်ဒိူန် ဆီုက်ဘြာန်ဇေဝ်ဂဲ ဒါဘိုး ယာန်ပ်ုရ် ဇဲတ်ႎှည်တာ ရောတ်ဒေဲႈပဴင် ပ္လေဘျုင် တပြောဆျှိုည်လိက်ပျာ(ရွှေလိပ်ပြာအနီး) လှံင်မိုဂူႈ။
ခည်မိုႈ ကျံရ်ဖံန် ဆငည်း(12) အခိင်ရမှိူဝ်(10:45)မိနေတ်ဒိူန်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပလှံင်ရူကော ဇံင်အံင်ချှာန်းတာ၊ ဂေါႇ ဂဲဒေဲႈပဲင်ပ္လေဘျုင်ဘည်ဒီန် လံက်ဟာဝ်း ကူန်ရဝ်မာဂါင်ဂဲ (1)အီးယံမ်း၊ (3)အီးကတူႈဘာတ်၊ လံက်ဟာဝ်းဘိုး ဂါင်ကူန်ရဝ်မာဂါင်ဂဲ (7)ဂါင် လူလှဲဝ်ႏဟာဝ်း။
မိုႈဘိုး အခိင်ရမှိူဝ်(7:40)မိနေတ်ဒိူန်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဟာဝ်း ပ္လေဘျုင်(4)ပိုင်း ပလှံင်မိူင်ငှေါ ဇံင်တာလိုင် တပြောကျောင်ပနောဘေဲႇ။
ဘဝ်ကီုက်ဒါင်းအိုည်ဖုင် ဂေါႇမိုႈတိူရ်ႈကဝေ တကူန်ရဝ်မာဂါင်ဂဲ အီးကတူႈ ဖေးအီမ်ယာရယူႈ ကာည်း ကနာည်နံင်ဘိူန်း ရေဲန်ဇီုင်းကာန်လလ ဒါႈနံင် အာဝ်ထီမ်းဟိုက်ဘ္လောမ်ဆီုက်၊ အာဝ်ပဲန်ဟာဝ်းမ ကတီုက်ကပဴင်၊ ဂေါႇဘည်ဒီန် ကျံရ်ဖံန် ဆငည်း(1)ဒိူန် ဘဝ်ကီုက်ဒါင်းအိုည်ဖုင် စီထုက်ပ္လိူရ်ႈလေႈပ္လါႇဘေဲႇ ဖဘိုးထဲင်ဆငည်း ဒါႈနံင်ဇံင်းဟာဝ်း ကတီုက်ကပဲင်(1)ကျံရ်အောႏ။
ဆီုက်ဘြာန်ဇေဝ်ဂဲ ထုက်ရိူရ်ႈလေႈပ္လါႇဘေဲႇ ဒါႈနံင်ဇံင်းဟာဝ်း ကတီုက်ကပဴင် ဇူႈကျံရ်ဖံန် ဆငည်း(6) ရောတ် ဆငည်း(31) ဖဘိုးထဲင်ဆငည်း ဒါႈနံင်ဇံင်းဟာဝ်း ကတီုက်ကပဴင် (1 )ကျံရ်မာ် ဘည်ကဇေန်နီန်း ဆီုက်ဘြာန်ဇေဝ်ဂဲ ဂီုည်ထီမ်းဟိုက်ဘ္လောမ်ဆီုက်ဂဲ၊ ဒါပ္လေဒါင်း၊ ဒရုန်း ကာည်း ယာန်ပ်ုရ်ပဴင်ဟာဝ်းဘည်နီန် တောန်ဆငည်း။
ဂေါႇဘည်ဒီန် ဆီုက်ဘြာန်ဇေဝ်ဂဲနီန်း ဖဘိုးထဲင်ဆငည်း ဒါႈနံင်ဇံင်း ကတီုက်ကပဴင်(1)ကျံရ်မာ် ဂဲဂီုည်လည်ဒေပဴင်ဟာဝ်း ပ္လေဘျုင်ဘည်နီန် တောန်ဆငည်း ဘည်ကဆီုဝ် ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လိုဘယ်ဒဝ်ႎဲႈ ဘည်ဆီုက်ဘြာန်ဇေဝ်ဂဲ ဒါယာန်ပ်ုရ်၊ ဒရုန်း ကာည်း ပ္လေဒါင်းပဴင်ကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists