စဝ်ဆာင်ခါဂဲ ဆာ်ႈအွံရ်ရေဲန်ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဗုဒ္ဓဖာဆာ ဘျံတ်မှိူမ်ချာ ကာည်း Basic English ကနာည်နံင်ကောန်တဘိုက်ဂဲ
17 May 2025
စဝ်ဆာင်ခါဂဲ ဆာ်ႈအွံရ်ရေဲန်ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဗုဒ္ဓဖာဆာ ဘျံတ်မှိူမ်ချာ ကာည်း Basic English ကနာည်နံင်ကောန်တဘိုက်ဂဲ
လှံင်အိုမ်ငျံရ်၊ ကျံရ်ဖံန်၊ ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ်၊ ပဇံင်ဆတိုးကိုင်း စဝ်ဆာင်ခါဂဲ ဆာ်ႈအွံရ်ရေဲန်ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဗုဒ္ဓဖာဆာ ဘျံတ်မှိူမ်ချာ ကာည်း Basic English ကနာည်နံင်ကောန်တဘိုက်ဂဲ လိူဝ်ႈ(1)။
ပ္လေါည်ပ္လိုတ်ႎါင်ပနောနီန်း ရေဲန်ဟာဝ်း ကျံရ်ဖံန် ဆငည်း(8)ဒိူန် စဝ်ဆာင်ခါဂဲ ကာည်း အီရံပ်ဇီုင်းကပ္လိူင် ခေဲင်ရဝ်ဂဲ က္လာင်းဒဲႈဟာဝ်း ကြောႈတံမ်း၊ ဟောည်ႇဒီန် အာပ်ချဒဲႈဟာဝ်း ဆု ကောန်တဘိုက်ကာည်း ကောန်ဒဲႇဂဲ အီလှဲမ်ဘေဲႇ၊ ခေဲင်ႎါင်ပနောဘျံတ်မှိူမ်ချာနီန်း ကောန်ကျောင်အီဟိုက်ဒေဲႈ ကစုကပိုမ်ဂေါည်(84)အီး။
ပ်ုန်ကယေင်ႎိူဝ်ႈဟာဝ်း ႎါင်ပနောဘျံတ်မှိူမ်ချာနီန်မိုႈ ကနာည်ကောန်တဘိုက်ဂဲ အီယိူဝ်ႇဘံန်း နံပ်တြား ပ်ုန်ဟောလေႈ ဗုဒ္ဓဖာဆာဖြား၊ နံင်ဂဲ မိူဝ်ႈဒေနံပ် ဘည်လိုဘျံတ်မှိူမ်ချာ တေဲင်ကူန်မာ ကာည်း တာဆြာ/ယာဆြာဂဲ၊ နံင်ဂဲ မိူဝ်ႈနောႈ ဆိင်ထိင်တိူရ်ႈမေန်ဟာဝ်း ခြိူဝ်းမျိုးဖာဆာကဲနီန် ကာည်း နံင်ဂဲမိူဝ်ႈမဂလာ ဘည်လိုကြောႈက္လာင်း၊ ဘည်လိုဂေါည် ကာည်း ဘည်လိုလီပ်ခနားအီးကဲနီန်အောႏ။
ပ္လေါည်ပ္လိုတ်ႎါင်ပနောနီန်း စဝ်ဆာင်ခါလှံင်အိုမ်ငျံရ် စဝ်ဆြာအရှင်ဘြဘာသ ကာည်း စဝ်ဆြာအရှင်ခေမိန္ဒ၊ အီရံပ်ဇီုင်းကပ္လိူင်ဂဲ၊ လံပ်ပိင်ငျာ တာဆြာ/ယာဆြာဂဲ၊ တောပ်ဘိုး ကူန်ရဝ်မာဂါင်ဂဲ ကာည်း ကူန်မာကောန်ကျောင်ဂဲ ကစုကပိုမ်ဂေါည်(100)အီးလေႈ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists