PSLF/TNLA တီုင်ဒါင်းဘြောင်ချှာင်ဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ဇီုင်းကာန်လူမ်(Internship) လိူဝ်ႈ(4)
17 May 2025
PSLF/TNLA တီုင်ဒါင်းဘြောင်ချှာင်ဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ဇီုင်းကာန်လူမ်(Internship) လိူဝ်ႈ(4)
လှံင်ရူကော၊ ကျံရ်ဖံန်၊ ဆငည်း(16)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်းဒါင်းဘြောင်ချှာင်ဂဲ ဆာ်ႈအွံရ်ရေဲန်ဟောည်ႇဟာဝ်း ႎါင်ပနော ဇီုင်းကာန်လူမ်(Internship) လိူဝ်ႈ(4) ခည်မို ကျံရ်ဖံန် ဆငည်း(14)ဒိူန် အခိင်ခီညှာ(9)နြီ ရောတ်စာ်မ်း ရဆံန်(12)နြီ။
ပ္လေါည်ပ္လိုတ်ႎါင်ပနောနီန်း PSLF/TNLA အီမိုႈ တာမ်တားတီုင်ဒါင်းဘြောင်ချှာင် တာမ်ခူန်အွံရ်ဒါင်း တားအကျော် ကာည်း အီရံပ်ဇီုင်းကပ္လိူင်ဂဲ ဟိုက်ဒေဲႈ တံမ်းဟာဝ်းကြောႈ။
ခေဲင်ပ္လေါည်ပ္လိုတ်ႎါင်ပနောနီန်း တားဘြောင်ချှာင်လှံင်၊ အီမိုႈဖုင်လံပ်ယေန်ငံင် PSLO/PSLAဂဲ၊ ခူန်/ႎါင်ခူန်ဂဲ ကာည်း ကောန်ကျောင်ႎါင်ပနောဂဲ ကစုကပိုမ် ဂေါည်(120)အီး ဟိုက်ရောတ်ဒေဲႈ၊ ႎါည်ဒီန် အီရံပ်ဇီုင်းကပ္လိူင်ဂဲ ဒဲႈဟာဝ်း ဆု တကောန်ကျောင် တအီလှဲမ်ဘေဲႇဂဲအောႏ။
ႎါင်ပနောဇီုင်းကာန်လူမ် လိူဝ်ႈ(4)နီန်း ဇူႈႎိူဝ်ႈဟာဝ်း ခည်မိုႈ ကျံရ်အူ ရောတ် ကျံရ်ဖံန်နီန်း ႎိူဝ်ႈပနောဟာဝ်း လှေင်(5)ကျံရ်ထာန်နီန်၊ ခေဲင်ဝါင်ပနောနီန်း ဖာဆာအ်ုန်တောပ် ဇီုင်းကာန်လူမ်၊ ဘေဲႇလူမ်တအာင်း၊ Basics Computer ၊ Basics Political ကာည်း Public Speaking Presentation ကဲနီန်၊ ကောန်ဝါင်ပနော အီဟိုက်ဂေါည်
(37)အီး။
ဘည်ပ်ုန်ယေင်ႎိူဝ်ႈဟာဝ်း ႎါင်ပနောနီန်းမိုႈ နှာင်းဆနီတ် ဇီုင်းကာန်ယန္တရား ဘြောင်ချှာင်ဂဲ ကာည်း ဇီုင်းကာန်လူမ်ဂဲ ဘယ်ဒေကပါ်ႇကပံန်ဟာဝ်း လလမှိူမ်မှိူမ် စီႎိူဝ်ဟာဝ်း ႎါင်ပနောနီန်း။
အီဟိုက်ဟောည်ႇဟာဝ်း ႎါင်ပနောကဲနီန် နှာင်းအာပ်ဒဲႈဟာဝ်း ဇီုင်းကာန်လူမ် ဘြောင်ချှာင်နီန်းတဂဲ ဒီရဝ်၊ ဒီလှံင် ကာည်း အိူင်ကဲနီန် ခေဲင်ကုင်တအာင်းနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists