ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော တီုင်စေတ်မေန်းတိုအီး ကုင်တအာင်း လိူဝ်ႈ(1)
21 May 2025
ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော တီုင်စေတ်မေန်းတိုအီး ကုင်တအာင်း လိူဝ်ႈ(1)
လှံင်အိုမ်ငျံရ်၊ ကျံရ်ဖံန် ဆငည်း(17)
ဆဒါင်ကုင်တအာင်း
ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော တီုင်စေတ်မေန်းတိုအီး ကုင်တအာင်း (Ta'ang Land Immigration Department) လိူဝ်ႈ(1) ခည်မိုႈ ကျံရ်ဖံန် ဆငည်း(16)ဒိူန်။
ပ္လေါည်ပ္လိုတ်ႎါင်နီန် PSLF/TNLA တီုင်ဒါင်းဘြောင်ချှာင် ခူန်အွံရ်ချု တားဂူႈဇာရ် ၊ တာမ်တားတီုင်ဘြောင်ချှာင် ခူန်အွံရ်ဒါင်း တားအကျော်၊ တားတီုင်စေတ်မေန်း ခူန်အွံရ် တားရူစိင်၊ တာမ်တားပလိက် ခူန်အွံရ် တားကုင်နော၊ အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်(100)အီးထာန်နီန်း ဟိုက်ရောတ်ဒေဲႈအောႏ။
ဇီုင်းကာန်ႎါင်ပနော စေတ်မေန်းတိုအီး လိူဝ်ႈ(1)နီန်း ဇူႈႎိူဝ်ႈခည်မိုႈ ကျံရ်ဖံန် ဆငည်း(1) ႎိူဝ်ႈပနောဟာဝ်းလှေင် (15)ဆငည်း။
ဘည်ႎိူဝ်ႈဟာဝ်း ႎါင်ပနောနီန်းမိုႈ နှာင်းPSLF/TNLA တိုအီးဘြောင်ချှာင်ဂဲ ဘယ်ဒေစေတ်မေန်း စြာင်းတိုအီး ဘယ်ထုက်ဒဲႈစြာင်းရဟောမ်ရမာ ခေဲင်လှံင် ကာည်း ရဝ်၊ နှာင်းဂဲဘယ်ဒေ စေတ်မေန်း ထုက်ဒဲႈ ကနံဝ်တို၊ နှာင်းဂဲဘယ်ရေဲန်ဇီုင်းကာန် ကစုစြာင်းတိုအီး အီဂေါည်ခေဲင်ကုင်လှံင်ကဲနီန်၊ ပနောဟာဝ်းဘိုး ဘေဲႇလူမ်တအာင်း ကာည်း ဇီုင်းကာန်လူမ်ကဲနီန်။
ႎါင်ပနော တီုင်စေတ်မေန်းနီန်း ကောန်အိီမာည်း(21)အီး၊ ကောန်အီပ်ုန်(30)အီး ကစုကပိုမ်(51)အီး ဟိုပ်ဒေဲႈပနော။အီဟိုက်ဟောည်ႇဟာဝ်း ႎါင်ပနောကဲနီန် နံင်ဒဲႈထာမ်းဟာဝ်း ဇီုင်းကပ္လိူင် တီုင်ဌာနလူမ် စေတ်မေန်းတိုအီး။
တီုင်စေတ်မေန်းတိုအီး ကုင်တအာင်းနီန်း စူန်ခည်မိုႈ ဆန်ုမ်2016 ဒိူန် PSLF စရေဲန်တောပ်ဒေဲႈ ဇီုင်းကာန်ခေဲင်တီုင်ဘြောင်ချှာင်ဂဲ။ ဇူႈဆန်ုမ် 2021ဒိူန် စီဝီရ်ဖဘိုး ရဲင်ဘ္လောမ်တိုအီး ရံပ်ဇီုင်းကပ္လိူင်ဂဲ၊ ဆန်ုမ်2024ဒိူန် စီဆဖောပြံတ်လေႈ နံင်ပဲန်ဌာန အူလှေဘည်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists