ပလှံင်ရူကော PSLF/TNLA စေတ်ဆေး ဒီယံင်းဆဲင် ဂြိုပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇ
21 May 2025
ပလှံင်ရူကော PSLF/TNLA စေတ်ဆေး ဒီယံင်းဆဲင် ဂြိုပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇ
လှံင်ရူကော၊ ကျံရ်ဖံန် ဆငည်း(20)
ဆဒါင်ကုင်တအာင်း
ခေဲင်ကုင်တအာင်း၊ အိူင်အိုမ်ယ်ုရ်၊ လှံင်ရူကော၊ တံပ်အွံရ်ပ်ုန်လောတ်ကပီုန်တအာင်း -PSLF/TNLA ဖုင်ချှာင်ဇီုင်းကာ်မ်မတီဂဲ ဟာဝ်းစေတ်ဆေး ဒီအီယံင်းဆဲင် မိူဝ်ႈအာဝ်မိူဝ်ႈ အီယံင်းဂြိုပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇ။
ကျံရ်ဖံန် ဆငည်း(18)ဒိူန် ဖုင်ချှာင်ဇီုင်းကာ်မ်မတီဂဲ ဟာဝ်းစေတ်ဆေး ခေဲင်လှံင်ရူကော ဒီအီယံင်းဆဲင် ယိူဝ်းအီယံင်းဂြိုပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇကဲနီန်။
ပ်ုန်ဂဲစေတ်ဆေး ယိူဝ်းဂြိုအီဆန်ုမ်ဒိုည်ႇကဲဒီန် ဂဲဆီမ်း တိုက်ႎီုန်ဟာဝ်း၊ ဘံန်ဟောည်ႇဒေဲႈ ကျံရ်ဖိုန်ဒိူန်မာ် ဖုင်ကာ်မ်မတီဂဲ စေတ်ဆေးဟာဝ်း ခေဲင်လှံင် ဒီယံင်းဆဲင်ဆနံမ် ကာည်း ဂြိုပ်ုန်ဟောမ်ပ်ုန်ဟာပ်ကဲနီန်။
ခည်မိုႈ ကျံရ်ဖံန် ဆငည်း(12)ဒိူန်မာ် ပအိူင်အေဲမ်ခြီရ်၊ လှံင်အေဲမ်ငူည် ဖုင်ကာ်မ်မတီဂဲ တောပ်ဒေစေတ်ဆေးဟာဝ်း မိူဝ်ႈအာဝ်မိူဝ်ႈ အီယံင်းဂြိုဆနံမ် ကာည်း ပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇ ခေဲင်လှံင်အေဲမ်ငူည်။
ဆငည်းဒီန် ဂဲစေတ်ဆေးဟာဝ်း ဒါႈကူန်ရဝ်မာဂါင်ဂဲ အာဝ်ဘိူန်းဇိူရ်ႈဟောမ် ဂြိုဆနံမ် ၊ပ်ုန်ဟောမ်ပ်ုန်ဟာပ် အီဆနံမ်ဒိုည်ႇကဲနီန် ကာည်း ဒါႈ တအီးယံင်းကဲနီန် အာဝ်ဘိူန်းလာည်းလီပ်၊ အာဝ်ဘိူန်းယံင်းဟာဝ်း ဂြိုအီဆနံမ်ဒိုည်ႇကဲနီန်။
အခိင် ဖုင်ကာ်မ်မတီဂဲ ဟာဝ်းစေတ်ဆေးဒိူန် ဂဲဒဲႈဟာဝ်းဆဒိ တကူန်ရဝ်မာဂါင်ဂဲ အီဇိူရ်ႈဟောမ် ကာည်း အီယံင်းဆဲင်ဂဲ ဒါႈလိူဝ်ႈဘံန်းလိူဝ်ႈဒိူဝ်ႇ အာဝ်ဘိူန်း ဇိူရ်ႈဟောမ် ကာည်း အာဝ်ဘိူန်းယံင်း ဂြိုပ်ုန်ဟောမ်ပ်ုန်ဟာပ် အီဆန်ုမ်ဒိုည်ႇကဲနီန်။
ဆဲႈဒါႇဒီန် ဒဲႇဟာဝ်းဆဒိ တအီယံင်းဆဲင်ဂဲ ဒါႈဆာ်မိူဝ်ႈ အီယံင်းဘိုး ဂြိုအီဆန်ုမ်ဒိုည်ႇကဲနီန် နံင်တိူဝ်ႈလာည်းဟာဝ်းအရေးဒါင်းဒါင်း နံင်ဒဲႈဂဲ ရိူန်းႎျံတ်ကဇောည်ဟာဝ်း ထာန်မိူဝ်ႈငေါႈခံန်ဂြိုဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists